Ezek 39:18 - ÎVUKU RÎA ÛVORO MWARO

¹⁸ Nîikaarîa nyama cia athigari njamba na inyue nthakame ya anene a nthî arîa makaaûragwa ta ndûrûme, tûgondu, mbûri kana ndegwa irîa noru cia Bashani.

Ezek 39:18 ပူးပေါင်းရင်းမြစ်များ

Thaburi 22:12

Nthû nyîngî inthiûrûrûkîrîtie ta ndegwa, inthiûrûrûkîrîtie ta ndegwa mbaganu cia vûrûri wa Bashani.

Thaburi 68:30

Kaania nyamû icio itûûraga mûthanjerî; kaania mavûrûri marîa mekariî ta ndîthia ya ndegwa na tûcaû twacio, nginya mavûrûri mau makûve gîtîîo na makûrutîre gooti; nyagania andû arîa mendaga mbaara!

Isaia 34:6

Ngai-Mûnene arî na rûviû na rwîcûrîte nthakame, nî rûvake maguta, na rûrî na nthakame ya ng'ondu na ya mbûri, na maguta ma mbigo cia ndûrûme. Nîûndû Ngai-Mûnene arî na îgongoona kûu Bozira, nîakaaûraga andû eengî mûno kûu vûrûrirî wa Edomu.

Isaia 34:7

Mbogo cia njamba ikaaûraganîrua vamwe nao, natuo tûregwa tûraganîrue vamwe na ndegwa irîa irî vinya. Vûrûri wao nîûgecûra nthakame, naguo mûthetu wao ûnorue nî maguta mao.

Jeremia 46:5

“Nwatî nîndûî nîrona? Nîmacokete na vuva. Njamba ciao cia mbaara nî mvoote, na makaûra na îvenya, wana matiraroria na vuva. Guoya wîcûrîte kûndû kuonthe. Ûguo nîguo Ngai-Mûnene arauga.

Jeremia 50:11

“Mue arîa mwatavire vûrûri wakwa! Wana ethîrwa nîmûrakena na mûgacanjamûka; mûrarûgarûga ta ng'ombe îkîvûûra ngano, na mûkaania ta mbarathi cia njamba.

Jeremia 50:27

Ûragani athigari onthe arîa njamba; tigani manyûrûrûke mathiî kîthînjîro! Kaî andû a Babuloni marî thînarî-î, kavinda kao ga kûverithua nîgakinyu.

Jeremia 51:40

“Nîngamavira kîthînjîro ta ng'ondu kana nthenge. Nînie Ngai-Mûnene nauga ûguo.”

Ezek 29:5

We vamwe na nthamaki icio nîngaamwikia werûrî na mîîrî yenyu nîîkagwa kûndû gûtarî kîndû na ndîkaathikwa. Mîîrî yenyu îgaatuîka irio cia nyamû cia kîthakarî na iconi cia rîerarî.

Ezek 34:17

“Namue ndîthia yakwa, nie Ngai-Mûnene nînie ngaatua ciira gatagatî ka ng'ondu na ng'ondu na ndue ciira gatagatî ka ndûrûme na Nthenge.

Ezek 34:8

Wata ûrîa nie Ngai-Mûnene ndûûraga mwoyo nîramwîra atî nîmwatiganîrie ng'ondu ciakwa na ituîkîte cia kûrîwa nî nyamû cia kîthaka nîûndû itirî na mûrîthi. Arîthi akwa maticaragia ng'ondu irîa ciûrîte, nwatî nîkwa mairîcaga vandû va kûirîthia.

Ezek 39:19

Kîrugo kîu Kîam îgongoona ngûithondekera ikaarîa maguta ivae na inyue nthakame ituîke mîrîu ta inyuîte njovi.

Amosi 4:1

Tathikîrîriani kiugo gîkî, mue aka a Samaria mue mûnorete ta ng'ombe cia Bashani irîa ndîthie waro mûno. Mûnyamaragia athîni na mûkavinyîrîria arîa matarî kîndû na mûkera arûme enyu mamûretere ndivei mûnyue!

Gûco 32:14

Ngai-Mûnene nîwamavere maguta na îriia kuuma ndîthiarî, maarî na mathunya ma ng'ondu na ndûrûme, na ng'ombe cia Bashani na mbûri. Nîwamavere ngano irîa mbaro mûno, na ndivei îrîa mbaro mûno.

Kûguû 19:21

Nao athigari ao a mbaara nîmaaûragirwe na rûviû rwa njûra rûrîa rumaga kanyuarî ka ûrîa wathiîte ekarîrîte mbarathi. Nacio iconi cionthe nîciarîre nyama cia mîîrî yao wata ûrîa ingîavotire.