Ezek 39:10 - ÎVUKU RÎA ÛVORO MWARO

¹⁰ Matikaathiî kuna ngû mîgûndarî kana mathiî magaiteme mûtitûrî, nîûndû makaavûthagîra indo cia mbaara ta ngû. Nîmagaatava indo cia andû arîa maamatavîte, na makuue indo cia andû arîa maamacunîte indo ciao. Ûguo nîguo nie Mwathani Ngai-Mûnene mbugîte.”

Ezek 39:10 ပူးပေါင်းရင်းမြစ်များ

Ntha 12:36

Ngai-Mûnene nîwatûmîte andû a Isiraeli mendwe nî andû a Misiri, na andû a Misiri makîva andû a Isiraeli kîndû kîonthe kîrîa maamavoire. Ûguo nîguo andû a Isiraeli maakuire ûtonga wa andû a Misiri makiuma vûrûri ûcio.

Ntha 3:22

Mûndûmûka wa wonthe Mûisiraeli nîakaathiî kûrî Mûmisiri ûrîa mariganîtie nake na kûrî mûndûmûka Mûmisiri ûrîa ûtûûraga gwake nyomba na amwîtie nguo na indo cia thaavu na sîlûva. Andû a Isiraeli nîmagekîra anake na erîtu ao indo icio na nîmagaakuua ûtonga wa andû a Misiri.”

Isaia 14:2

Andû a mavûrûri nîmagaatethereria andû a Isiraeli gûcoka vûrûrirî ûrîa maaverwe nî Ngai-Mûnene. Nao andû acio a mavûrûri nîmagaatungatagîra Aisiraeli marî ngombo. Arîa maatavîte Aisiraeli nîmagaatavwa nî Aisiraeli, na andû a Isiraeli nîmakaatha arîa maamavinyagîrîria.

Isaia 33:1

Kaî we mûcûkangia ûyû, wî thînarî-î! Ûcûkangagia na ndûcûkangagua, we wîkaga maûndû macûku, na gûtirî mûndû ûgwîkaga maûndû macûku! Rîrîa ûkaathiria gûcûkangia, wanawe nîûgaacûkangua! Rîrîa ûkaathiria gwîka andû maûndû macûku, wanawe nîûgekwa maûndû macûku.

Ezek 39:11

Ngai-Mûnene augîte atîrî, “Vîndî îrîa maûndû mau mageekîka, nîngaava Gogu vandû va kûthikwa Kîamndarî vûrûrirî wa Isiraeli. Kîanda kîu gîtagwa Kîamnda Kîam athiîi kîrîa kîrî mwena wa îrathîro wa îria rîa cumbî. Gogu vamwe na athigari ake onthe makaathikwa kûu. Athiîi nîmakaarigîrîrua kûvîtûkîra kuo na Kîamnda kîu nîgîgaacoka gwîtagwa, ‘Kîanda Kîam Hamoni-gogu.’

Mika 5:8

“Andû a Isiraeli arîa magatigara marî mwoyo, marî mavûrûrirî marîa mengî, makeethagîrwa mekariî ta mûnyambû ûrî gatagatî ka nyamû cia kîthaka, kana ta kaana ka mûnyambû karî ndîthiîra ya ng'ondu. Kathiîcaga na gakaûraga na gûtamburûranga kîrîa kaûragîte, na gûtirî mûndû wa kûivonokia.

Habakuku 2:8

We nîwîîte andû na mavûrûri meengî, nwatî arîa onthe matigarîte nîmagaakwîa, nîûndû wa ûragani na maûndû macûku marîa wîkîte gûkû nthî, matûûrarî na andû arîa matûûraga kuo.

Habakuku 3:8

We Ngai-Mûnene nî nyûnjî ikûrakarîtie? Nî manjî ma îria makûrakarîtie? Nîwathiîre ûtwîte mbarathi yaku, na ikaari ciaku cia mbaara ûkîvootana.

Zakaria 14:14

Juda wana yo nîîkarûa na Jerusalemu. Na ûtonga mwîngî wa ndûrîrî cionthe irîa ithiûrûrûkîrîtie Jerusalemu wa thaavu, sîlûva, na nguo nîûkaaûnganua.

Mathaayo 7:2

Nîûndû Ngai akaamûtuîra wata ûrîa mûtucagîra andû arîa engî, na kîthimi kîrîa mûthimagîra arîa engî nakîo nwa kîo mûkaathimîrwa nakîo.

Kûguû 13:10

Mûndû wa wonthe ûrîa ûtuîrîtwe kwovwa njeera, nwa nginya ovwe. Mûndû wa wonthe ûtuîrîrîtwe kûûragwa na rûviû, nwa nginya aûragwe na rûviû. Ûguo nîkuga andû a Ngai magîrîrwe nî kûmîrîria na kûgîa na wîtîkio.”

Kûguû 18:6

Mwîke wata ûrîa ke agwîkîte, mûrîve maita maîrî ma ûrîa ke aagwîkire. Îcûria gîkombe gîake ndivei ndûrû maita maîrî ma îrîa ke amûthondekerete.