Ezek 38:4 - ÎVUKU RÎA ÛVORO MWARO

⁴ Nîngaamûnyita nîmûthiûrûrukie, na nîmwîkîre ndûano nthîarî ciake. Nîngaamûrutûrûra na nja, ke vamwe na athigari ake onthe a mbaara, mbarathi na athigari arîa mathiîcaga matûîte mbarathi, gîkundi kînene Kîam andû mekîrîte nguo cia mbaara; onthe marî na ngo na mviû cia mbaara.

Ezek 38:4 ပူးပေါင်းရင်းမြစ်များ

2Atha 19:28

Nîûndû wa ûguo ûndakarîrîte, na nîmbîguîte ûvoro wa mwîtîîo waku, nîngûgûtonyia ndûano îniûrûrî rîaku, na ngwîkîre gîcûvî kanyuarî gaku. Nîngûcokia kûrîa waumire na njîra wa îrîa waûkîrîrîre.”

1Maû 12:8

Mûvîrîgarî wa Gadi nîkwaumire arûme njamba na maarî na ûûgî mwîngî wa mbaara na nîmaathiîre kûrî Daudi werûrî varîa varî vagitîre mûno. Andû acio nîmaaicî mûno gûtûmîra ngo na matumû. Maaganîte ta mînyambû na maarî îvenya ta nthiia irîmarî.

2Maû 25:5

Mûthamaki Amazia nîwacokire akîgomania andû a Juda vamwe. Nîwacokire akîgaania andû a Juda na andû a Benjamini ikundi cia athigari a mbaara kûringana na mbarî ciao. Nîwaigire anene a kûrûngamagîrîra ikundi imwe cia athigari ngiri îmwe na ikundi ciîngî cia athigari îgana rîmwe. Nîwatarire arûme onthe arîa maarî na ûkûrû wa mîaka mîrongo îîrî kûthiî na mbere. Nao onthe maarî arûme ngiri magana mathatû (300,000), arîa mangîvota kûrûa na maicî gûtûmîra matumû na ngo.

Isaia 37:29

Nîûndû nîûndakarîrîte, na nîmbîguîte ûvoro wa mwîtîîo waku, nîngwîkîra ndûano yakwa îniûrûrî rîaku, na mbîkîre gîcûvî gîakwa kanyuarî gaku, na ngûcokie na njîra îrîa waûkire nayo.”

Isaia 43:17

nînarûire na athigari njamba cia mbaara, maarî na ikaari cia mbaara na mbarathi. Mamaamîte nthî, na matingîavotire gûkîra, makîthira na makîvora ta rûtambi rwa taa!

Jeremia 46:9

Thiîni na mbere mue mbarathi, tharîkîrani mue ikaari cia mbarathi! Athigari a mbaara nîmaumagare, arûme a Ethiopia na Puti arîa makuuaga ngo, arûme a Ludi arîa maicî kûratha na ûta.”

Ezek 23:12

Nîweriragîria andû a Asîria, atongoria, anene a athigari a mbaara, athigari njamba arîa meethagîrwa meyovete indo ciao cia mbaara, athigari arîa maathiîcaga mekarîrîte mbarathi. Onthe acio maarî anake ethî na athaka.

Ezek 29:4

Nîngekîra ndwano nthîarî ciaku, na nîngaatûma nthamaki cia rûnjî rwaku ciînyitîrîre kûrî we. We vamwe na nthamaki icio nîngaacoka nîmûrute rûnjîrî.

Ezek 38:15

kuuma kûrîa ûtûûraga mwena wa rûgûrû kûndû kûraca ûtongoreretie gîkundi kînene Kîam athigari a mbaara, onthe matwîte mbarathi.

Ezek 38:3

na ûmwîre atî: nie Mwathani Ngai-Mûnene nîndeganîte nawe, we Gogu mûtongoria mûnene wa Mesheki na Tubali.

Ezek 39:2

Nîngaakûgarûra ngûrute na kûu kûraca mwena wa rûgûrû ngûtongorie ûkatharîkîre irîma cia Isiraeli.

Ezek 39:20

Nîigeekara nthî metharî yakwa irîe na ivae nyama cia mbarathi na cia andû arîa mathiîcaga matûîte mbarathi, na cia athigari na andû njamba a mbaara. Nînie Mwathani Ngai-Mûnene mbugîte ûguo.”

Danieli 11:40

Rîrîa kavinda ka mûthiia ka mûthamaki wa Sîria gagaakinya, nîakaatharîkîrwa nî mûthamaki wa Misiri. Nwatî mûthamaki wa Sîria nîakeyûmîrîria arûe nake, amûtharîkîre na ikaari cia mbarathi, athigari arîa mathiîcaga mekarîrîte mbarathi na meri nyîngî. Nî akaatharîkîra mavûrûri mengî, na amavatîrîrie ta ûrîa mwîcûro wa manjî wîkaga.

Amosi 4:2

Nie Ngai-Mûnene ûrîa mûtheru nînîreranîra na mwîvîtwa atî, “Mîthenya nîgûkinya rîrîa andû makaamûkururia muonthe na mbogoro; mûgeekara ta nthamaki inyitîtwe na ndûano.