Ezek 38:23 - ÎVUKU RÎA ÛVORO MWARO

²³ Kwoguo, mavûrûri meengî nîmakaamenya atî, nie nînie Ngai-Mûnene na nîngoonania ûnene na ûtheru wakwa kûrî ndûrîrî nyîngî.”

Ezek 38:23 ပူးပေါင်းရင်းမြစ်များ

Thaburi 9:16

Ngai-Mûnene nîemenyithanîtie na njîra ya gûtuîrîra andû na kîvooto, nao andû arîa aganu nî manyitîtwe nî ciîko cio o ene.

Ntha 14:4

Nie nîngaatûma ngoro yake yûme na nîakamûrûmîrîra. Naguo ûvootani wakwa varî mûthamaki wa Misiri na athigari ake a mbaara ûgatûma ngîa gîtîîo. Nao andû a Misiri nîmagaacoka mamenye atî Nie nînie Ngai-Mûnene.” Na andû a Isiraeli nîmeekire wata ûrîa meerirwe.

Isaia 25:3

Kwoguo andû arîa marî vinya nîmakaagûkumia; matûûra ma ndûrîrî irîa itarî ntha nîmagaagwîtigîra.

Ezek 20:41

“Naamûruta kûrî ndûrîrî na mavûrûri marîa mûnyaganîrîtie na nîmûrete vamwe, nîngaamwamûkîra mûrî ta îgongoona rîrî na mûnungo mwaro wa kûngenia, nacio ndûrîrî nîikoona ûthingu wakwa.

Ezek 20:42

Rîrîa ngaamûcokia vûrûrirî wa Isiraeli, vûrûri ûrîa nerîrîre methe menyu na mwîvîtwa atî nîngaamava, nîmûkaamenya atî nie nînie Ngai-Mûnene.

Ezek 28:22

ûrîre atî Ngai-Mûnene Ngai augîte nîakûrûa narîo onanie riiri wake gatagatî ka rîo. Rîrîa ngoonania ûthingu wakwa na njîra ya kûrîverithia, andû nîmakaamenya atî nie nînie Ngai-Mûnene.

Ezek 28:25

Ngai-Mûnene Ngai arauga atîrî, “Nîngaûngania andû a Isiraeli na nîmacokanîrîrie vamwe kuuma mavûrûrirî marîa maanyaganîrîtue. Ngeeka ûguo nîguo andû a ndûrîrî mone ûthingu wakwa. Nao andû a Isiraeli nîmagacoka gûtûûra vûrûrirî ûrîa naveere Jakovu, ndungata yakwa.

Ezek 36:23

Rîîtwa rîakwa rîtheru rîrîa mwacambithirie gatagatîrî ka andû a ndûrîrî nîngaarîcokeria ûtheru warîo. Nacio ndûrîrî nîikaamenya atî, nie nînie Ngai-Mûnene. Nie Mwathani Ngai-Mûnene nînie mbugîte ûguo. Nîngaamûvûthîra monanie ûtheru wakwa mbere yao.

Ezek 37:28

Nacio ndûrîrî nîikaamenya atî, nie Ngai-Mûnene nînyamûrîte andû a Isiraeli matuîke andû akwa na atî hekarû yakwa îkethagîrwa îrî gatagatîrî kao tene na tene.”

Ezek 37:6

Nîngaamwîkîra mîkiva na ndûme mûgîe na nyama, na nîmûkunîkîre na rûûo. Nîngaaamwîkîra mîvevû ndarî yenyu na nîmûkaagîa mwoyo. Na nîmûgaacoka kûmenya atî, nie nînie Ngai-Mûnene.”

Ezek 38:16

Nîûkaatharîkîra andû akwa a Isiraeli ta ûrîa îtu rîkunîkagîra vûrûri. Vîndî îo nîngaakûrete ûtharîkîre vûrûri wakwa nîguo mavûrûri mamenye atî nîngûvûthîrîte we Gogu nîguo monanie ûtheru wakwa mbere yao.

Ezek 39:13

Andû onthe vûrûrirî nîmagaatethereria kûthika andû arîa akuû, na ûndû ûcio nîûkaamaretera ngumo mbaro vîndî îrîa ngoonania riiri wakwa. Ûguo nîguo nie Mwathani Ngai-Mûnene mbugîte.

Ezek 39:21

Ngai-Mûnene nîwambîrire atîrî, “Nîngoonia ndûrîrî riiri wakwa, na nîikoona ûrîa ndûmagîra vinya wakwa ngîtucanîra cira na kîvooto.

Ezek 39:27

Nîngaaruta andû akwa kuuma mavûrûrirî ma nthû ciao nîguo monie ndûrîrî nyîngî atî, nie nîrî mûtheru.

Ezek 39:7

Nîngamenyithia andû akwa a Isiraeli rîîtwa rîakwa rîtheru na ndigetîkîra rîîtwa rîu rîakwa rîtheru rîcambua rîngî. Nacio ndûrîrî nîikaamenya atî, nie nînie Ngai-Mûnene, ûrîa Mûtheru wa Isiraeli.”