Ezek 38:22 - ÎVUKU RÎA ÛVORO MWARO

²² Nîngaamûverithia na mîrimû mîcûku na ndûme andû maûragane. Nîngaaurithîria Gogu, athigari ake a mbaara na arîa onthe arî nao mbura nene ya mbembe na mwaki wa ûviriti.

Ezek 38:22 ပူးပေါင်းရင်းမြစ်များ

Kîam 19:24

Na wa rîmwe Ngai-Mûnene nîwaurithirie mwaki wa ûviriti ta mbura kuuma îgûrû, matûûrarî ma Sodomu na Gomora.

Thaburi 11:6

Nîakaaurithîria andû arîa aganu makara ma mwaki na ûviriti ta mbura, nîakaamaverithia na rûkûngi rûrî na ûrugarî mûnene.

Isaia 28:17

Ngaatûmîra kîvooto kîrî kîthimi gîakwa, naguo ûthingu ûrî ta kavirû.” Mbura ya mbembe nîkaavata maveeni monthe, namo manjî macûkangie ûgitîri wenyu.

Isaia 29:6

Ngai-Mûnene mwene vinya wonthe nîagaaûka kûrî mue, na njîra ya ngwa, kîthingithia na mûgambo mûnene, rûkûngi rwa ngoma cia aka, rûkûngi rûnene na mwaki wa kûthiria.

Isaia 34:3

Ciimba ciao igatewa na kûu nja, na mûnungo wa ciimba ciao wîcûre vûrûrirî; nayo nthakame yao îkanyûrûrûka kuuma irîmarî.

Isaia 66:16

Nîûndû Ngai-Mûnene agaatuîra andû onthe na mwaki na rûviû rwake; nao andû eengî nîmakaaûragwa.

Jeremia 25:31

Înegene rîu nîrîkeguua nthî yonthe, nîûndû Ngai-Mûnene nîagaacirithia mavûrûri, nîagaatuîra andû onthe, na aûrage arîa onthe aganu. Ûguo nîguo Ngai-Mûnene arauga.’ ”

Ezek 13:11

Îra arathi acio mavakaga rûthingo rangi mûcerû atî nîrûkaurîrwa nî mbura nene ya mbembe, na rûringwe nî rûkûngi rûnene na nî rûkaagwa.

Ezek 28:23

Nîngaatûma mîrimû îtûûrarî rîu na nthakame îtûrûrwe tûcîrarî twa rîo. Rîkaatharîkîrwa kuuma mîena yonthe nî nthû, na andû arîa makaaûragwa makaagwa wa kûu îtûûrarî, na nîmûkaamenya atî nie nînie Ngai-Mûnene.”

Ezek 39:6

Nîngaatûma vûrûri wa Magogu kûgîe mwaki na ûgîe kûrî andû arîa matûûraga na thayû rûtererî rwa îria. Nao nîmakaamenya atî, nînie Ngai-Mûnene.

Ezek 5:17

Kwoguo nîngaatûma kûgîe na yûra gatagatî kenyu na nîmûrekerie nyamû cia kîthaka irîe ciana cienyu. Nîmûkeethîrîrua nî mîrimû mîcûku, mbûragano na mbaara cia kûmûthiria. Nie Ngai-Mûnene nînie nauga ûguo.”

Joeli 3:2

Nîngaûngania mavûrûri monthe vamwe, na nîmavire Kîamndarî gîa îtuîro. Vau nîvo ngaamatuîra, nîûndû wa maûndû marîa mekîte andû akwa. Nîmanyaganîtie Isiraeli mavûrûrirî mageni, na makagaania Isiraeli, vûrûri wakwa.

Mathaayo 7:27

Mbura nîyaurire, nyûnjî ikiuna, ngûngi ikîvurutana na ikîringa nyomba îo na vinya. Nayo nîyagwîre na vinya îkîvaragana!”

Josh 10:11

Vîndî îrîa Amori maavinyûrîte mavîtûkîrîrîte mwanyarî wa kîrîma maûrîte kuuma kûrî athigari a Isiraeli, Ngai-Mûnene nîwatûmire maurîrwe nî mbura ya mbembe. Mbura îo nîyamaurîre nginya magîkinya Azeka. Amori eengî nîmaaûragirwe nî mbura îo ya mbembe gûkîra arîa maaûragirwe nî athigari a mbaara a Isiraeli.

Kûguû 14:10

wa nake nîakaanyua ndivei ya mang'ûrîka ma Ngai, îkîrîtwe gîkomberî Kîam marakara make îtarî ndwekie! Andû onthe arîa mageeka ûguo nîmakaaverithua na mwaki na ûviriti marî mbere ya araika arîa atheru na mbere ya Gatûrûme.

Kûguû 16:21

Mbura ya mbembe nene ciarî na ûrito ta wa kilo mîrongo îtano nîyaurire kuuma îgûrû. Nayo yaurîra andû, nîmaarumire Ngai nîûndû wa mavera ma mbura. Mavera mau maarî mûcûku mûno.

Kûguû 20:9

Nao nîmaathiîre nthî yonthe na makîrigicîria îtûûra rînene rîrîa Ngai eendeete, kûrîa andû ake matûûraga. Nwatî mwaki nîwanyûrûrûkire kuuma îgûrû ûkîmacûkangia.

Kûguû 8:7

Nake mûraika wa mbere nîwavuvire karumbeta gake. Nayo mbura ya mbembe na mwaki, itukanîte na nthakame nîcietîkire nthî. Nakîo gîcunjî kîmwe Kîam icunjî ithatû cia nthî na nyaki yonthe ya ngirini, na gîcunjî kîmwe Kîam icunjî ithatû cia mîtî nîciavîre.