Ezek 37:9 - ÎVUKU RÎA ÛVORO MWARO

⁹ Ngai nîwacokire akîmbîra atîrî, “We mûndû, rathîra rûvuvo kuuma mîena îrîa îna na ûrwîre Mwathani Ngai-Mûnene augîte rûvurutane nîguo rûtonye kûrî mîîrî îno yaûragirwe nîguo îgîe mwoyo.”

Ezek 37:9 ပူးပေါင်းရင်းမြစ်များ

Thaburi 104:30

Rîrîa waicokeria mîvevû yaku, nîigîcaga na mwoyo rîngî, we nîûtûmaga nthî îgîe na ûtûûro mûcerû.

Rwîmbo rwa Nyîmbo 4:16

We rûkûngi rwa mwena wa rûgûrû vurutana, we rûkûngi rwa mwena wa îveti ûka. Vurutana mûgûndarî wakwa, mûnungo mwaro wîcûre kûndû kuonthe. Tiga mwendwa wakwa aûke mûgûndarî wake, arîe matunda maguo marîa maro.

Ezek 37:14

Nîngaamwîkîra mîvevû yakwa ndarî yenyu na nîmûgaacoka gûtûûra mwoyo, na nîngaacoka nîmwige vûrûrirî wenyu. Namue nîmûkaamenya atî nie, Ngai-Mûnene nînie mbugîte ûguo na nîngeka guo.”

Ezek 37:4

Nake nîwambîrire rîngî atîrî, “Rathîra mavîndî mama na ûmere, mue mavîndî maûmû, thikîrîriani ûrîa Ngai-Mûnene akuga.

Ezek 37:5

Meere nie Mwathani Ngai-Mûnene nîrera mavîndî mama atî, nîngûmwîkîra mîvevû yakwa na nîmûgaatûûra mwoyo.

Ezek 37:8

Wa ndoreretie, mavîndî mau nîmaagîre mîkiva na nyama na magîkunîkîrwa nî rûûo, nwatî mîîrî îo ndîarî mwoyo.

Danieli 11:4

Rîrîa akamaarîra wathanirî wake, vûrûri waku nîûgaatûkana na wîgaanie icunjî inya. Andû matarî a rûciaro rwake nîmagaatuîka athamaki vandûrî vake, nwatî matikethîrwa marî na ûvoti take.

Hosea 13:14

Nwanginya nîmakûûre kuuma kûrî arîa akuû? Nwa nginya nîmavonokie kuuma kûrî gîkuû? We gîkuû, mûthiro waku ûrî kû? Nawe kwa arîa akuû, gûcûkangua gwaku kûrî kû? Nie ndikaameguîra ntha rîngî.

Zakaria 6:5

Mûraika ûcio nîwanjokerie atîrî, “Ikaari icio nî maroho mana ma îgûrû marîa matungatagîra Ngai-Mûnene Ngai wa nthî yonthe. Marathiî kûruta wîra wake.

Johana 3:8

Rûkûngi rûvurutanaga rûthiîte wa kûrîa rûkwenda na mûndû nîwîgucaga mûrurumo waruo, nwatî ndamenyaga na kûrîa rumîte kana na kûrîa rûthiîte. Ûguo nwa ta guo gwîkîkaga kûrî mûndû wa wonthe ûciarîtwe nî Roho Mûtheru.”

Kûguû 10:11

Nanie nînacokire ngîrwa atîrî, “We nwa nginya wanîrîre rîngî maûndû marîa Ngai avangîte nîûndû wa iruka nyîngî, mavûrûri meengî, nthiomi nyîngî na athamaki eengî.”

Kûguû 11:11

Nwatî vuva wa mîthenya îo îthatû na nuthu Ngai nîwamavere mîvevû îrîa îtûmaga mûndû agîe na mwoyo. Nao nîmaarûngamire na andû onthe arîa mamoonire nîmaagîre na guoya nyîngî.