Ezek 37:3 - ÎVUKU RÎA ÛVORO MWARO

³ Nake nîwambûririe atîrî, “We mûndû, mavîndî mama nwa macoke gûtûûra mwoyo?” Nanie nînaamûcokerie atîrî, “Mwathani Ngai-Mûnene, we nwawe wicî!”

Ezek 37:3 ပူးပေါင်းရင်းမြစ်များ

Thaburi 88:11

Wendo waku ûtathiraga nwa warue mbîrîrarî, kana wîvokeku waku warue îcuarî?

Ezek 26:19

Ngai-Mûnene Ngai augîte atîrî, “Nîngatua îtûûra rîa Turo kûndû kwanangîku ta matûûra marîa matatûûragwa nî andû na nîrîkunîkîre na manjî marîa maumîte îriarî rîrîa rîrikîru.

Ezek 37:2

Ngai-Mûnene nîwanthiûrûrûkirie Kîamndarî kîu kîonthe na Kîamrî na mavîndî meengî mûno na maarî maûmû mûno.

Johana 5:21

Na wata ûrîa Îthe ariûkagia akuû na akamava mwoyo, ûguo nwa ta guo Mûriû avecanaga mwoyo kûrî arîa onthe endaga kûva.

Ciîko 26:8

Mue muonthe mûrî ava mûrona arî vinya gwîtîkia nîkî atî Ngai nî ariûkagia arîa akuû?

Aroma 4:17

Mandîkorî matheru kwandîkîtwe atîrî, “Nie nîngûtuîte îthe wa ndûrîrî nyîngî.” Kwoguo kîîranîro kîu nî Kîamro methorî ma Ngai ûrîa wetîkîtue nî Iburahimu. Ke nî Ngai ûrîa ûriûkagia akuû na ûrîa ûtûmaga kûgîe na indo irîa itatûûraga kuo.

1Akor 15:35

Nwatî mûndû avota kûria atîrî, “Akuû mariûkaga atîa? Makeethîrwa marî na mîîrî ya mûthemba ûrîkû?”

Gûco 32:29

Kethîrwa maarî na ûûgî nîmaangîamenyire kîrîa gîatûmire mavootwe, nîmangîamenyire ûrîa makaarîkîrîria.

Gûco 32:39

“Menyani rîu atî, Nie nînie Ngai; na gûtirî ngai îngî tiga nie. Nînie mbûragaga na ngariûkia, nînie nguraragia na ngavonia, gûtirî mûndû ûngîvota gûtethûra mûndû njararî ciakwa.

Ahib 11:19

Iburahimu nîwetîkîtie atî Ngai nwa avote kûriûkia Isaka. Kwoguo nwa tuge, Iburahimu nîkwa aamûkîîre Isaka rîngî kuuma kûrî gîkuû.

1Sam 2:6

Ngai-Mûnene nîke ûûragaga andû na nwake ûmavecaga mwoyo, nîke ûviraga andû kwa arîa akuû na akamaruta kuo.