Ezek 37:14 - ÎVUKU RÎA ÛVORO MWARO

¹⁴ Nîngaamwîkîra mîvevû yakwa ndarî yenyu na nîmûgaacoka gûtûûra mwoyo, na nîngaacoka nîmwige vûrûrirî wenyu. Namue nîmûkaamenya atî nie, Ngai-Mûnene nînie mbugîte ûguo na nîngeka guo.”

Ezek 37:14 ပူးပေါင်းရင်းမြစ်များ

Ezek 36:36

Namo mavûrûri marîa magaatigara mamûthiûrûrûkîrîtie, nîmakaamenya atî nie Ngai-Mûnene, nîndumîte rîngî kûrîa kwarî kwomomoku na kûrîa gwatuîkîte werû ngatûma gûkûre mîtî rîngî. Nie Mwathani nînie mbugîte ûguo, na nîngaawîka.”

Ezek 36:27

Nîngaamwîkîra roho wakwa ndarî yenyu na nîngaatûma mûrûmagîrîre mawatho makwa na mûmenyagîrîre waro matuîro makwa ma cira.

Ezek 11:19

Nîngaamûva ngoro njerû na roho mûcerû. Nîngaamûthengutîria ngoro îrîa nyûmû ta îthiga na nîmûve ngoro mbathîki.

Ezek 39:29

Nîngetîrîria andû a Isiraeli roho wakwa, na ndikaamatiganîria rîngî. Nînie Mwathani Ngai-Mûnene mbugîte ûguo.”

Ezek 17:24

Nayo mîtî yonthe kûu vûrûrirî nîkaamenya atî nie nînie Ngai-Mûnene. Nîmvotaga gûtûma mîtî îrîa mîraca îtuîke mîkuvî na mîtî îrîa mîkuvî îtuîke mîraca. Nînyûmagia mîtî îrîa mîthî na îrîa mîûmû ngatûma îtuîke mîthî. Nie Ngai-Mûnene nînie mbugîte ûguo, na nîngeka guo.”

1Akor 15:45

Mandîkorî Matheru kwandîkîtwe atîrî, “Mûndû wa mbere kûmbwa na nîke Adamu, nîwatuîkire mûndû ûrî mwoyo.” Nwatî Adamu wa mûthiia nîwatuîkire Roho ûrîa ûvecanaga mwoyo.

Ezek 37:9

Ngai nîwacokire akîmbîra atîrî, “We mûndû, rathîra rûvuvo kuuma mîena îrîa îna na ûrwîre Mwathani Ngai-Mûnene augîte rûvurutane nîguo rûtonye kûrî mîîrî îno yaûragirwe nîguo îgîe mwoyo.”

Aroma 8:11

Ethîrwa Roho wa Ngai ûrîa wariûkirie Jesû Kristû atûûraga ndaarî yenyu, ûcio wariûkirie Jesû Kristû nî akaava mîîrî îo yenyu îrîa îkuucaga mwoyo. Ageeka guo na njîra ya Roho ûcio wake ûrîa ûtûûraga ndaarî yenyu.

Aroma 8:2

Nîûndû watho wa Roho ûrîa ûtûmaga tûtûûre tûrî ndaarî ya Jesû Kristû nîmûnjovoru kuuma kûrî watho wa mevia na gîkuû.

Ezek 22:14

Vîndî îrîa ngaambîrîria gûkûverithia nîûkaagîa na ûmîrîru, kana njara ciaku igîe na vinya? Nie Ngai-Mûnene nînie mbarîtie na nwanginya mbîke ûrîa mbugîte.

Zakaria 12:10

“Njiarwa cia Daudi na andû arîa matûûraga îtûûrarî rîa Jerusalemu nîngaamecûria roho wa kwîgucanîra ntha na wa kûvoya. Nao maaroria ûrîa maamundire, nîmakaamûcakaîra ta ûrîa mûndû acakaagîra mwana wa kîmomwe, na mamûrîrîre na ûrûrû mwîngî ta wa mûndû ûkûrîrîra îrikithathi rîakua.

Isaia 32:15

Gûkaathiî na mbere gwîkara ûguo nginya rîrîa tûkaanyûrûrûkîrua Roho kuuma îgûrû. Vîndî îo werû nîûgaatuîka mûgûnda umaga maciaro, nayo mîgûnda îrîa mînoru îtuîke mûtitû.

Ezek 37:6

Nîngaamwîkîra mîkiva na ndûme mûgîe na nyama, na nîmûkunîkîre na rûûo. Nîngaaamwîkîra mîvevû ndarî yenyu na nîmûkaagîa mwoyo. Na nîmûgaacoka kûmenya atî, nie nînie Ngai-Mûnene.”

Ezek 37:13

Rîrîa ngaavingûra mbîrîra cienyu na nîmûrute kuo, mue andû akwa nîmûkaamenya atî, nie nînie Ngai-Mûnene.

Ezek 37:15

Ngai-Mûnene nîwambîrire rîngî atîrî,