Ezek 34:3 - ÎVUKU RÎA ÛVORO MWARO

³ Mûnyunyaga îria na mûkeguîka nguo cia guoya wacio na mûthînjaga irîa noru, nwatî mûtiirîthagia.

Ezek 34:3 ပူးပေါင်းရင်းမြစ်များ

2Atha 21:16

Makîria ya ûguo, Manase nîwaûragire andû eengî mûno mataarî na mavîtia nginya nthakame îgîcûra Jerusalemu kuonthe; gûtaranîria na ûrîa aatûmire andû a Juda magooce mîvuanano îrîa yatûmire mevie mbere ya Ngai-Mûnene.

Nthi 30:14

Kûrî andû marî na magego mekariî ta mviû, magego mau mao mekariî ta tûviû; mendaga gûcûkangia andû arîa athîni mathire gûkû nthî, andû arîa matarî vinya mathire gatagatîrî ka andû.

Isaia 1:10

Thikîrîriani ûrîa Ngai-Mûnene arauga mue anene a Sodomu! Thikîrîriani ûrîa Ngai wetû arathomithania mue andû a Gomora!

Isaia 1:15

“Rîrîa mûkaambararagia njara mûkîvoya, ngaamûvuvatagîra ndikamwone. Wana mwavoya mavoya meengî atîa ndikaamûthikîrîria, nîûndû njara cienyu ciîcûrîte nthakame.

Jeremia 2:30

Narutire wîra wa mana kûverithia ciana cienyu, itietîkîra kûrûngwa; ta ûrîa mûnyambû ûûragaga kîndû, nwa ta guo mwaûragire arathi enyu.

Jeremia 22:17

Nwatî we wonaga na ûkerirîria, kûgîa na indo na njîra îtagîrîrîte, we ûragaga andû matarî na mevia, na ûkavûthîra vinya kûvinyîrîria andû.

Maca 4:13

Maûndû mau mekîkire nîûndû wa mevia ma arathi, na mavîtia ma athînjîri-Ngai, arîa maûragîre andû arîa athingu îtûûrarî rîake.

Ezek 19:3

Nîwarerire kaana kamwe gake na agîkaruta kûvîta, na nîgaacokire kûrîa andû.

Ezek 19:6

Kaaûrûraga vamwe na mînyambû îo îngî, na nîgaatuîkire mûnyambû mwîthî. Nîkaamenyire kûvîta nîguo kone gîa kûrîa gagîcoka kûrîa andû.

Amosi 6:4

Mue arîa mûmamagîra itanda cia mîguongo kaî mûrî na thîna-î, na mûgatambararia itîîrî cia cûva, mûkîrîcaga nyama kuuma ndîthiarî cia ng'ondu, na nyama cia njaû kuuma ndîthiarî cia ng'ombe.

Zefania 3:3

Anene akuo mekariî ta mînyambû îkîrarama; atucanîri ciira a kuo mekariî ta ciathi mvûtu, irîa itangîtiga kûthûa îvîndî nginya kîraûko.

Zakaria 11:16

Nînthurîte mûrîthi gûkû vûrûrirî. Mûrîthi ûcio ndamenyagîrîra ng'ondu irîa igûkua, kana irîa ciûrîte, kana ova irîa munîku, kana arîthia irîa irî na vinya. Vandû va ûguo, athînjaga na akarîa nyama cia ng'ondu irîa noru na agaatûranga mavûngû ma cio.

Zakaria 11:5

Arîa maigûrîte maithînjaga na mativerithagua, na rîrîa megûciendia maugaga atî, ‘Ngai-Mûnene arogoocwa, nînatonga,’ na arîthi a cio o ene maticiîgucagîra ntha.”