Ezek 32:24 - ÎVUKU RÎA ÛVORO MWARO

²⁴ “Elamu arî kuo na andû ake mathiûrûrûkîrîtie mbîrîra yake. Onthe nî akuû na maaûragirwe marî mbaararî na makîthiî kwa arîa akuû matarî aruu. Acio nîmaamakagia andû arîa marî mwoyo na nîmaconorithîtue marî vamwe na andû arîa mathiîte gwa akuû.

Ezek 32:24 ပူးပေါင်းရင်းမြစ်များ

Kîam 10:22

Ariû a Shemu maarî; Elamu, Ashuri, Aripakishadi, Ludi na Aramu.

Kîam 14:1

Kwarî na athamaki ana. Amurafeli mûthamaki wa Babuloni, Arioku mûthamaki wa Elasa, Kadorilaomeri mûthamaki wa Elamu, na Tidali mûthamaki wa Goimu.

1Maû 1:17

Anake a Shemu maarî: Elamu, Ashuri, Afakisadi, Ludi, na Aramu, Aramu aarî îthe wa Uzi, Huli, Getheri, na Mesheki.

Ayubu 28:13

Gûtirî mûndû wîcî thogora wa ûûgî, na ndûngîoneka nthî kûrî andû arîa marî mwoyo.

Thaburi 142:5

We Ngai-Mûnene nîwe ngayagîra, mbugaga atîrî, “We nîwe mûgitîri wakwa, nîwe îgai rîakwa vûrûrirî wa arîa marî mwoyo.

Isaia 11:11

Mûthenya ûcio, Mwathani nîagaatambûrûkia njara yake rîngî nîguo acokie andû ake arîa matigarîte Sîria, Misiri, Pathirosi, Ethiopia, Elamu, Shinari, Hamathi na icîgîrîrarî cia îria.

Isaia 38:11

Naaugire ndikona Ngai-Mûnene vûrûrirî wa arîa matûûraga mwoyo; na ndikona mûndû wanarî ûrîkû gatagatîrî ka arîa matûûraga nthî.

Jeremia 11:19

Nwatî nie nekariî ta ng'ondu mvoreri îvirîtwe kîthînjîrorî, ndiamenya atî marûthîte mîvango îo mîcûku îgûrû rîakwa, maaugaga atîrî, “Tigani tûcûkangie mûtî vamwe na maciaro ma guo, tigani tûmûrage nîguo ariganîre viû.”

Jeremia 25:25

athamaki onthe a Zimuri, athamaki onthe a Elamu na athamaki onthe a Media;

Ezek 16:52

Rîu we nîûtûûra ûconokete nîûndû nîûtûmîte aa mwarwanyûkwe monekane ta matavîtîtie nîûndû nîwekire maûndû macûku mûno kûmakîra nao makîonekana marî athingu gûgûkîra. Kwoguo nîûconoka nîûndû nîûtûmîte aa mwarwanyûkwe monekane matarî na mavîtia.”

Ezek 16:54

nîguo ûgaaconoka nî maûndû marîa we mwene wekire na ûcambe nîûndû nîwathiîre kûmaûmîrîria.

Ezek 26:20

Nîngaacoka ngûnyûrûrûkie îrimarî kwa arîa akuû nîguo mûgekarage na andû arîa maatûûraga mwoyo tene. Nîngaatûma ûtûûre kûu kwanangîku tene na tene na mûtûûrage kuo na arîa akuû. Gûtirî andû magaaûka gûtûûra kûrî we rîngî, kana ûgîe na vandû vûrûrirî wa arîa marî mwoyo.

Ezek 31:14

Ûguo wekîkire nîguo gûtikagîe mûtî wana ûrîkû ûrîa ûmerete vakuvî na manjî ûkaaracava na îgûrû ûkinyîra matu. Nîûndû mûthiia wa indo cionthe nî gûkua, wana andû nîmagaakua na mathiî kwa arîa akuû.”

Ezek 31:18

“Kûrî mûtî wîngî mûgûndarî wa Edeni ûngîringithanua na mûtî ûcio nîûndû wa riiri na ûnene waguo? Mûtî ûcio ûgaaikua vamwe na mîtî ya mûgûnda wa Edeni kwa arîa akuû. Ûgeekarania kûu na andû arîa mataicî Ngai, na arîa maaûragirwe vîndî ya mbaara. Mûtî ûcio nîwe mûthamaki wa Misiri vamwe na andû ake. Ûguo nîguo Ngai-Mûnene Ngai augîte.”

Ezek 32:18

“Mûndû, cakaîra mwîngî wa Misiri, ûmaikie nthî, Misiri yo mene na erîtu a mavûrûri marîa marî îgweta. Maikie vûrûri wa arîa akuû mathiî vamwe na arîa manyûrûrûkaga kwa arîa akuû.

Ezek 32:19

Maûrie atîrî: “Mûreciria mûrî aro gûkîra acio engî? Nyûrûrûkani mûgekaranagie na andû arîa mataicî Ngai.

Ezek 32:21

Atongoria arîa marî vinya, vamwe na andû arîa mamatethagia marî kwa arîa akuû nîmakaaragia ûvoro wîgiî Misiri. Nîmakaaugaga atî andû a Misiri nîanyûrûrûku kwa arîa akuû. Mamamîte vamwe na andû arîa mataicî Ngai, arîa maakuîrîre mbaararî.

Ezek 32:25

Nîathondekete ûrîrî gatagatîrî ka andû arîa maûragîtwe, vamwe na mûrûrûngano wake wonthe. Arigicîrîtue mîena yonthe nî mbîrîra cia andû arîa matarî aruu na maaûragîrwe mbaararî, nîûndû nîmeekagîra andû arîa marî mwoyo guoya. Rîu nîmaconorithîtue marî vamwe na arîa manyûrûrûkîte gwa akuû na rîu marî vamwe na arîa maûragîrwe mbaararî.

Ezek 32:30

“Anene onthe a mwena wa rûgûrû marî kuo, wana andû a Sidoni marî kuo. Onthe nîmaanyûrûrûkire kwa arîa akuû marî na gîconoko ta andû arîa maaûragirwe nîûndû wa guoya îrîa meekagîra andû nîûndû wa vinya ûrîa maarî naguo. Nwatî rîu, mathiîte kwa arîa akuû marî na gîconoko vamwe na andû arîa maaûragirwe vîndî ya mbaara.

Ezek 34:29

Nîngaaiva mîgûnda mîaro îgûkûra irio nîguo itigaacoke kûgîa na yûra vûrûrirî ûcio, na itigaacoka kûthekererwa nî ndûrîrî rîngî.

Ezek 36:15

Na ndikenda mwîgua irumi kuuma mavûrûri mau rîngî kana mamûnyûrûria kana matûme vûrûri wenyu ûvîngwe rîngî. Ûguo nîguo nie Mwathani Ngai-Mûnene mbugîte.”

Ezek 39:26

Rîrîa magaatûûra vûrûrirî wao matagwîtigîra na marî na thayû, nîmakaariganîrwa nî ûrîa maaconorithîtue nîûndû wa kûndiganîria.

Ezek 44:13

Matigaûke vakuvî nanie gûtungata ta athînjîri-Ngai, kana mathiî vakuvî na indo ciakwa irîa nyamûre kana matonya vandû varîa vatheru Mûno. Nwatî nîmagaaconoka nîûndû wa maûndû marîa marî magigi mekîte.

Danieli 8:2

Na njîra ya kîoneki kîu nîneyonire nîrî Susa, îtûûra rînene rîa vûrûri wa Elamu. Noonire nûngamîte rûtere rwa Rûnjî rwa Ulai.

Habakuku 2:16

Ûgecûrwa nî guoya vandû va gîtîîo. We mwene nîûkaanyua na ûtûgûgane! Ngai-Mûnene ke mwene nîagaatûma ûrîwe, na nthoni nîigaakunîka gîtîîo gîaku.

Mathaayo 11:23

Namue andû a Kaperinaumu, nîkwa mwendaga kwînenevia nginya mûkinye îgûrû? Mue nî mûgaaikua îcuarî. Nîûndû ciama irîa mwaringîrwe ingîaringîtwe Sodomu andû a kuo nî mangîtwîre vo nginya ûmûnthî!