Ezek 31:9 - ÎVUKU RÎA ÛVORO MWARO

⁹ Nînaûtwire mûtî mûthaka, nîûndû warî na mvûa nyîngî. Nayo mîtî yonthe îrîa yarî mûgûndarî ûcio, nîyawîgucagîra wîru.”

Ezek 31:9 ပူးပေါင်းရင်းမြစ်များ

Kîam 13:10

Loti nîwaroririe na akîona atî Kîamnda kîonthe Kîam Rûnjî rwa Jorodani, kûthiî nginya Zoari Kîamrî na manjî meengî, wata mûgûnda wa Ngai-Mûnene kana ta vûrûri wa Misiri. Vîndî îno Ngai-Mûnene ndaarî mûcûkangiu matûûra ma Sodomu na Ngomora.

Kîam 26:14

Isaka aarî na ndîthia nyîngî cia ng'ondu na ng'ombe, wana ndungata nyîngî. Nao Afilisiti nîmaagîre na wîru nîûndû wake.

Kîam 37:11

Aa mûrwang'ina na Josefu nîmaamwîguîrîre wîru, nwatî îthe nîwaigire maûndû mau ngororî yake.

Ntha 9:16

Nwatî nie nîndûmîte ûtûûre nîguo wone ûvoti wakwa nayo ngumo yakwa îtambe nthî yonthe.

Nthi 27:4

Marakara na mang'ûrîka nîkwa macûkangagia, nwatî wîru nîûcûkangagia makîria.

Mûvunjia 4:4

Nînacokire ngîmenya atî andû marutaga wîra na vinya nîûndû wa wîru wa andû arîa engî. Ûcio wanaguo nî wîra wa mana na nî ta kûvinyûrania na rûkûngi.

Isaia 51:3

“Nîûndû nie Ngai-Mûnene nîngavoreria îtûûra rîa Zayuni, na ndûthe kûndû gwakuo kuonthe kûrîa gûcûkangu. Nîngaatua werû wa kuo ta mûgûnda wa Edeni, werû wa kuo nîûtue ta mûgûnda wa Ngai-Mûnene; kûu nîgûkethîrwa na gîkeno na gûcanjamûka, na nyîmbo cia gûcokia ngatho nîikeguîka kuo.

Isaia 55:12

“Mûkaauma Babuloni mûkenete; na mûthiîcage mûtongoretue nî thayû. Irîma na tûrîma nîikaaina irî mbere yenyu, nayo mîtî yonthe ya kîthaka nîkaamûvûrîra mvî.

Ezek 16:14

Wagîre ngumo mavûrûrirî monthe nîûndû wa ûthaka waku nîûndû nînie naakûgemirie.” Ûguo nîguo Ngai-Mûnene arauga.

Ezek 17:22

Ngai-Mûnene augîte atîrî, “Nie mwene nîngoca kamûtî karîa karî îgûrû mûno mûthiiarî wa mûtî wa mûtarakwe na nîngaakavanda. Ngaatua karûvûa ka mûthiia ga tûrûvûa tûrîa twîthî tûrîa tûrî îgûrû viû twa mûtî ûcio. Nie mwene nîngaacoka nîkavande îgûrû kîrîmarî kîraca mûno.

Ezek 17:24

Nayo mîtî yonthe kûu vûrûrirî nîkaamenya atî nie nînie Ngai-Mûnene. Nîmvotaga gûtûma mîtî îrîa mîraca îtuîke mîkuvî na mîtî îrîa mîkuvî îtuîke mîraca. Nînyûmagia mîtî îrîa mîthî na îrîa mîûmû ngatûma îtuîke mîthî. Nie Ngai-Mûnene nînie mbugîte ûguo, na nîngeka guo.”

Ezek 28:13

Watûûraga Edeni mûgûndarî wa Ngai na wegemetie na mathiga ma goro ma mîthemba yonthe. Mathiga mau marî ma mîthemba ya: rangi njerû, rangi wa mathangû ûtarî mûgwatu waro, arimathi, mûruru, ndune, vururu, mûtukanio wa marangi mîthemba mîngî îkûvenavenia, na rangi wa njambarawe. Warî na mathaga ma thaavu. Maûndû mau monthe wathondekerwe mûthenya ûrîa waûmbirwe.

Ezek 31:16

Rîrîa ngaaikia mûtî ûcio kwa arîa akuû, mûrurumo waguo ûkîgwa vamwe na arîa makaathiî îrimarî rîrîa rîtarî mûthiia, nîûgaatûma mavûrûri mainaine. Mîtî yonthe ya Edeni, na mîtî îrîa mîaro mûno na îtagîrîrua manjî ya mûtitû wa Lebanoni nîgaakena nîûndû wa kûgwa kwa mûtî ûcio wa mûtarakwe.

Ezek 31:18

“Kûrî mûtî wîngî mûgûndarî wa Edeni ûngîringithanua na mûtî ûcio nîûndû wa riiri na ûnene waguo? Mûtî ûcio ûgaaikua vamwe na mîtî ya mûgûnda wa Edeni kwa arîa akuû. Ûgeekarania kûu na andû arîa mataicî Ngai, na arîa maaûragirwe vîndî ya mbaara. Mûtî ûcio nîwe mûthamaki wa Misiri vamwe na andû ake. Ûguo nîguo Ngai-Mûnene Ngai augîte.”

Ezek 36:35

Andû nîmakaauga atî vûrûri ûrîa watiganîrîtue rîu ûtuîkîte ta mûgûnda wa Edeni. Namo matûûra marîa maarî momoku, na magatuîka maganjo rîu nîmatûûrîtwe rîngî na makagitîrwa na nthingo.

Danieli 2:21

Nîke ûcenjagia mathaa na mavinda. Nîke ûthuuraga na akagwîthia athamaki. Nîke ûvecanaga ûûgî kûrî arîa aûgî na ûtaûku kûrî arîa marî na ûmenyo.

Zakaria 11:2

Mue mîthithinda, rîrani nîûndû mîtarakwe nîmîgwîu nthî, mîtî îrîa îrî riiri nîmiunangîku. Mue mîvuru ya Bashani rîrani, nîûndû mîtî ya mûtitû ûrîa mûnene nîîragwîthua!

1Sam 18:15

Rîrîa Saûlo oonire atî Daudi aarî na ûvootani mûnene, ke nîwakîrîrîrie kûmwîtigîra.