Ezek 30:5 - ÎVUKU RÎA ÛVORO MWARO

⁵ “Athigari a mbaara arîa maanyitanîre na andû a Misiri: athigari kuuma Ethiopia, Puti, Ludi na andû onthe kuuma Arabia, Lîbia nîmakaaûragwa marî vamwe mbaararî.”

Ezek 30:5 ပူးပေါင်းရင်းမြစ်များ

2Maû 12:3

Shishaki aatharîkîre Jerusalemu arî na ikaari cia mbarathi ngiri îmwe na magana maîrî (1,200), athigari ngiri mîrongo îtandatû (60,000) arîa mathiîcaga matwîte mbarathi na athigari eengî mûno matangîatarîkire kuuma Lîbia, Suki, na Ethiopia.

Isaia 18:1

Kûrî na vûrûri ûrî mûringo wa nyûnjî cia Ethiopia, mathagu meguîkaga makîvatavata.

Isaia 20:4

Ûguo nîguo mûthamaki wa Asîria akaathiî na andû arîa akaanyita marî mîgwate kuuma vûrûrirî wa Misiri na Ethiopia. Andû ethî na akûrû makaathiî marî njaga na marî magûrû matheri, matarî na thuruvarî. Ûguo nîguo Misiri îgaaconorithua.

Jeremia 25:20

na ageni onthe arîa matûûraga Misiri. Athamaki onthe a vûrûri wa Uzi, athamaki onthe a vûrûri wa Filisiti na nîmo: Ashikeloni, Gaza, Ekironi na matigari ma Ashidodi.

Jeremia 25:24

athamaki onthe a Arabia na athamaki onthe a mîvîrîga yonthe îrîa îtûûraga werûrî;

Jeremia 44:27

Nîngûroria mone atî ngakûretagîra maûndû macûku na ndûkona maûndû maro. Andû onthe a Juda arîa marî Misiri nîmagacûkangua na yûra na mbaara mathire viû.

Jeremia 46:9

Thiîni na mbere mue mbarathi, tharîkîrani mue ikaari cia mbarathi! Athigari a mbaara nîmaumagare, arûme a Ethiopia na Puti arîa makuuaga ngo, arûme a Ludi arîa maicî kûratha na ûta.”

Jeremia 50:37

Ûragani mbarathi ciaguo na mûcûkangie ikaari cia mbarathi, ûragani athigari onthe a gûkomborwa, nîguo magîe guoya ta aka! Cûkangiani mîthithû yake, nîguo indo itavwe.

Ezek 27:10

“Athigari kuuma Perisia, Ludi na Puti nîmaatungataga gîkundirî Kîam athigari aku a mbaara. Ngo ciao na ngovia cia kûgitîra ciongo maaicurîtie kûrîa athigari a mbaara mekaraga. Athigari acio nîmaatûmire ûgîa riiri.

Ezek 38:5

Maratethererua nî athigari a mbaara a kuuma Perisia, Ethiopia na Lîbia marî vamwe na athigari a Gogu. Onthe marî na ngo na ngovia cia cuuma cia kûgitîra ciongo.

Danieli 11:43

Kûrîa kuonthe ûtonga wa Misiri wa thaavu, sîlûva, na indo cia goro ûkethîrwa ûrî, nî gûgaatavwa nî mûthamaki wa Sîria. Nîakaavoota vûrûri wa Lîbia na wa Ethiopia.

Zefania 2:12

Wana mue andû a Kushi nîmûkaaûragwa nî rûviû rwake.