Ezek 3:17 - ÎVUKU RÎA ÛVORO MWARO

¹⁷ “Mûndû nînagûtua mûrangîri wa andû a Isiraeli. Kwoguo thikîrîria ûrîa ngûkwîra na ûthiî ûgakaanie andû a Isiraeli vandûrî vakwa.

Ezek 3:17 ပူးပေါင်းရင်းမြစ်များ

2Maû 19:10

Rîrîa andû enyu arîa matûûraga matûûrarî mao makaamûretera ciira îgiî kûûragana, kuna watho, maathani, kana matuîro ma ciira, nwanginya mûkaamataaraga waro nîguo matikaavîtîrie Ngai-Mûnene. Mwarega kûmataara, nîmakeevia na Ngai-Mûnene nîîkarakara nî mue wana andû enyu, nwatî mwamataara mûtikethîrwa mûrî na mavîtia.

Rwîmbo rwa Nyîmbo 3:3

Arangîri a îtûûra nîmaamonire makîthiûrûrûka îtûûra. Nînaamaûririe atîrî, “Mûrîamoneru mwendwa wakwa?”

Rwîmbo rwa Nyîmbo 5:7

Arangîri a îtûûra makîthiûrûrûka nîmaamonire. Nîmaandivire na makîndivia; arangîri a îtûûra nîmaanjunire cuka yakwa.

Isaia 21:6

Mwathani nîwacokire akîmbîra atîrî, “Thiî wige mûrangîri, mwîre anagîrîre maûndû marîa arona.

Isaia 21:8

Mûrangîri ûcio nîwacokire akiugîrîria atîrî, “Mwathani, nûngamaga nyombarî ndaca na îgûrû ngîrangîra, mûthenya na ûtukû!”

Isaia 52:8

Tegueni mûgambo wa arangîri aku, maraina vamwe nî gûkena! Nîûndû nîmareyonera na metho mao o ene, gûcoka kwa Ngai-Mûnene îtûûrarî rîa Zayuni!

Isaia 56:10

Atongoria ao onthe nî atumumu, onthe matirî na ûmenyo; onthe mekariî ta ngui irîa itagambaga, itingîkûûma; nwakwa marotaga mamamîte nthî, mendete mûno kûgocerera!

Isaia 58:1

Ngai-Mûnene arauga atîrî, “Anîrîra na vinya waku wonthe wata ûrîa ûngîvota! Menyithia nyomba ya Jakovu, andû akwa mevia mao!

Isaia 62:6

We Jerusalemu, nîmbigîte arangîri nthingorî ciaku, gûtirî vîndî magaakira mûthenya kana ûtukû. Mue namue mûririkanagia Ngai-Mûnene ciîranîro ciake, mûtigakire.

Jeremia 1:7

Nwatî Ngai-Mûnene nîwambîrire atîrî, “Ndûkauge atî wî mûndû mwîthî; nwanginya ûthiî kûrî andû arîa ngûgûtûma kûrî o, na ûmeere ûrîa wonthe ngûkwatha.

Jeremia 31:6

Nîûndû mavinda nîmagaakinya rîrîa arangîri magetana marî vûrûrirî ûrîa ûrî irîma wa Efiraimu; mauge atî, ‘Ûkîrani tunûkie Zayuni kûrî Ngai-Mûnene Ngai wetû.’ ”

Jeremia 6:10

Nîngîaria na û nîguo nîmakaanie mambîgue? Taroria nîmavingîte matû mao nîguo matikegue, kiugo Kîam Ngai-Mûnene kûrî o nî kîndû gîa kûnyararwa, matikenagua nî kîo.

Jeremia 6:17

Nînathuurire andû a kûmûrangîra na ngîmera atîrî, ‘Thikagîrîriani mîgambo ya tûrumbeta.’ Nwatî nîmambîrire atîrî, ‘Tîtûthikîrîria.’

Ezek 11:25

Nînacokire ngîra andû arîa maarî îthamîriorî maûndû monthe marîa Ngai-Mûnene aamonetie.

Ezek 11:4

Kwoguo we mûndû, marathîre rîu ûndû ûreganîte nao.”

Ezek 2:7

We nîûkaamera ciugo ciakwa wana makûthikîrîria kana marege gûkûthikîrîria nîûndû andû acio nî aremi.

Habakuku 2:1

Nie nîngûrûngama vandû ndorererie, na mbîkare îgûrû rîa nyomba ndaca na îgûrû, mbeterere mbîgue ûrîa Ngai-Mûnene akûmbîîra, na ûrîa agaacokia ûvoro wîgiî mateta makwa.

Hagai 1:13

Nake Hagai, mûnjaama wa Ngai-Mûnene, nîwavere andû ndûmîrîri kuuma kûrî Ngai-Mûnene yaugaga atîrî, “Nie nîrî vamwe namue.”

Mathaayo 3:7

Na rîrîa Johana oonire Afarisai na Asadukai eengî mathiîte kûrî ke nîguo amavatithie, nîwamerire atîrî, “Mue andû aya mûrî na wara ta wa njoka, nû wamûmenyithirie atî ciira ya Ngai îrî vakuvî; nîguo mûmîûrîre.

1Akor 12:28

Kanitharî Ngai nîathuurîte: amwe matuîke atûmwa, engî arathi, na kathatû akathuura arimû. Nîacokete akathuura aringi ciama; makarûmîrîrwa nî arîa mavetwe ûvoti wa kûvonania, arîa matethagia arîa engî, atongoria na arîa maragia na nthiomi.

1Akor 4:14

Ndirandîka maûndû mama nîguo nîmûconorithie. Nwatî nîramandîka nîguo nîmûtaare takwa mûrî ciana ciakwa irîa mendete.

2Akor 5:11

Tue nîtwîcî gwîtigîra Mwathani, kwoguo nîtûgeragia kûringîrîria andû arîa engî. Ngai nîatwicî viû, nanie ngwîvoka atî ngororî cienyu wananie nîmûmbîcî.

2Akor 5:20

Kwoguo, tue tûrî arîrîria a Kristû ta arî Ngai ûrathaithana na njîra yetû. Nîtûramûthaitha vandûrî va Kristû, mwîgwithanue na Ngai.

Akol 1:28

Kwoguo nîtwanagîrîra kûrî andû onthe ûvoro wîgiî Kristû. Nîtûmataaraga na tûkamathomithia tûgîtûmagîra ûûgî wonthe ûrîa tûrî naguo nîguo tûmarete mbere ya Ngai marî agima na marî na ngwatanîro na Kristû.

1Ath 5:14

Ariû na aarî a îthe wetû, tûramûthaitha mûkanagie igûta itige ûgûta, ûmagîrîriani iguoya, tethagiani arîa matarî na vinya na mûkiragîrîrie andû onthe.

Ahib 13:17

Athîkagîrani atongoria enyu na mûrûmagîrîre maûndû marîa mamwathaga mwîke. Nîo mamenyagîrîra mîoyo yenyu na nwanginya makeera Ngai ûrîa maarutaga wîra wao. Ethîrwa mûkaamathîkagîra makaarutaga wîra wao marî na gîkeno. Ethîrwa mûtikaamathîkîra, makaûrutaga matarî na gîkeno na kwoguo mûtingîtetheka.