Ezek 3:14 - ÎVUKU RÎA ÛVORO MWARO

¹⁴ Nînacokire ngîambararua nî Roho na akînguua ngîthiî nîrî na ûrûrû na marakara ngororî, na Ngai-Mûnene akîmboca na vinya wake.

Ezek 3:14 ပူးပေါင်းရင်းမြစ်များ

1Atha 18:12

Î narîo Roho wa Ngai-Mûnene angîgwoca na akûvire kûndû ndaicî narîkia kuuma ava? Nacoka nera Ahabu, atî wî gûkû nake arege gûkwona, kinthî ndakûmbûraga? Ririkana, atî ndwîre nîrî mûgooci Ngai-Mûnene na vinya mûno kuuma nîrî kamwana.

1Atha 18:46

Vinya wa Ngai-Mûnene nîwatoonyire kûrî Elija; nîwacinîkîre nguo yake ndaca kîûnûrî na akîvinyûra mbere ya Ahabu nginya kîvingorî Kîam Jezireeli.

2Atha 2:16

na makîmwîra atîrî, “Tue ndungata ciaku, tûrî ava tûrî arûme mîrongo îtano (50) marî vinya. Twakûthaitha ûtwîtîkîrie tûthiî tûgacarie mwathi waku. Nwa kwîthîrwa Roho wa Ngai-Mûnene ûthiîre nake na wamûtiga vandû îgûrû rîa kîrîma, kana vandû Kîamndarî.” Nake Elisha nîwamerire atîrî, “Naarî, tîmûthiî.”

2Atha 3:15

Nwatî rîu ndetereni mûvûri wa ngita.” Rîrîa mûvûri wa ngita aainire, vinya wa Ngai-Mûnene nîwatonyire kûrî Elisha,

Isaia 8:11

Ngai-Mûnene nîwangaanirie na vinya ndikarûmîrîre njîra cia andû aya. Aambîrire atîrî,

Jeremia 6:11

Kwoguo mbîcûrîtwe nî marakara ma Ngai-Mûnene, ndiravota kûmatumîria. Ngai-Mûnene arauga atîrî, “Metûrûrîre ciana irîa irî varavararî, wana kûrî ikundi cia andû ethî. Athuuri na aka ao nîmagoocwa, wana andû arîa akûrû na arîa akûrû mûno.

Ezek 1:3

nie mûthînjîri-Ngai Ezekieli mûvîcî wa Buzi nînakinyîrwe nî ndûmîrîri ya Ngai-Mûnene nîrî vûrûrirî wa Akalidei vakuvî na rûnjî rwa Kebari na ngîgua nagîa na vinya wake.

Ezek 11:1

Roho wa Ngai nîwanguire na akîmvira kîvingorî Kîam hekarû Kîam mwena wa îrathîro. Vau kîvingorî noonire athuuri mîrongo îîrî na atano. Gatagatîrî kao kwarî Jaazania mûvîcî wa Azuri na Pelatia mûvîcî wa Benaia, atongoria a andû a Isiraeli.

Ezek 3:12

Nînacokire ngîambararua na îgûrû nî Roho, na vuva wakwa nînegwire mûgambo ta wa kîthingithia kînene ûkiuga, “Riiri wa Ngai-Mûnene ûrîa ûrî îgûrû ûrokumua.”

Ezek 37:1

Nînecûrirwe nî vinya wa Ngai-Mûnene na Roho wake nîwanguire na ûkîmbira vandû Kîamndarî gatagatî. Kîanda kîu gîecûrîte mavîndî.

Ezek 40:1

Kwarî mûthenya wa îkûmi wa mweri wa mbere wa mwaka wa mîrongo îîrî na îtano kuuma twavirwa îthamîriorî, na mwaka ûcio nîguo warî wa îkûmi na îna kuuma îtûûra rîa Jerusalemu rîanyitwa. Mûthenya ûcio nînecûrirwe nî vinya wa Ngai-Mûnene.

Ezek 43:5

Roho wa Ngai-Mûnene nîwambocire na ûkîmbira kîvarorî Kîam mwena wa ndarî na ngîona atî riiri wa Ngai-Mûnene nîwecûrîte hekarûrî.

Ezek 8:1

Mûthenya wa gatano mwerirî wa gatandatû mwaka wa gatandatû, naarî gwakwa mûciî tûrî vamwe na athuuri a Juda. Wa rîmwe nînagîrwe nî vinya wa Ngai-Mûnene.

Ezek 8:3

Nîwakûnjûrire kîndû gîekariî ta njara akînyita njuîrî yakwa, nake Roho wa Ngai akîmbûkîrîria na îgûrû rîerarî na akîmvira Jerusalemu. Nîrî kîonekirî kîu Kîam Ngai, nonire amvira mûrangorî wa kîvingo Kîam ndaarî wa kîvaro ûrîa werekerete na mwena wa rûgûrû wa hekarû. Vau vaarî na mûvuanano watûmaga Ngai arakare.

Johana 4:1

Jesû nîwamenyire atî Afarisai nîmeguîte atî ke nîwagîcaga na akavatithia arutwa eengî gûkîra Johana.

Johana 4:3

Kwoguo Jesû nîwaumire kûu vûrûrirî wa Judea na agîcoka vûrûrirî wa Galili.

Johana 4:9

Nake mûndûmûka ûcio nîwamûririe atîrî, “Ûngîvota atîa kûmvoya manjî ma kûnyua na we wî Mûyahudi nanie nîrî Mûsamaria?” (Ayahudi matingîarîîrîre thaanirî kana manyuîre ikomberî irîa cianyunyagîrwa nî Asamaria.)

Ciîko 8:39

Na rîrîa maaumîrire manjîrî, Filipu nîwecukirue nî Roho wa Mwathani, na mûndû ûcio ngaramba ndaamwona rîngî, nwatî nîwathiîre na mbere na rûgendo rwake ecûrîtwe nî gîkeno.

Kûguû 10:10

Nanie nînoocire kavuku kau ga gîkûnjo kuuma njararî ya mûraika na ngîkarîa. Nako kaarî na mûrîo ta wa ûûkî kanyuarî gakwa. Nwatî narîkia gûkameria nîgaatuîkire karûrû îvurî rîakwa.