Ezek 28:7 - ÎVUKU RÎA ÛVORO MWARO

⁷ nîngaatûma andû ageni makûtharîkîre. Makethîrwa marî mavûrûri maganu gûkîra mavûrûri monthe. Nîmagaacomora mviû cia njûra na mathirie ûthaka wa ûgî ûcio waku na magwatie riiri waku gîko.

Ezek 28:7 ပူးပေါင်းရင်းမြစ်များ

Thaburi 89:44

Nîûmûcunîte mûragi wa wathani, na ûkagwîthia ûthamaki wake nthî.

Ezek 28:17

Nîwagîre na mwîtîîo nîûndû wa ûthaka waku, na ûgîcûkia ûûgî waku nîûndû wa riiri waku. Nagwikirie nthî mûtheturî na ngîkwanîka mbere ya athamaki nîguo makwone.

Ezek 30:10

Ngai-Mûnene Ngai arauga atîrî, “Nîngaatûma Nebukadinezarû, mûthamaki wa Babuloni athirie ûtonga wa vûrûri wa Misiri.

Ezek 30:11

Mûthamaki Nebukadinezarû, na athigari ake arîa matarî ntha nîmakaaretwe macûkangie vûrûri. Nîmakaatharîkîra vûrûri wa Misiri na mviû cia njûra na mecûrie vûrûri ûcio ciimba.

Ezek 31:12

Andû aganu mûno kuuma mavûrûri mageni nîmagaaûtema ûgwe nthî na maûtiganîrie. Mvûa ciaguo ikaagwa irîmarî na igwe ciandarî cionthe. Namo mathangû maguo nîmakaanyagania nyûnjîrî cionthe vûrûrirî ûcio. Andû onthe a nthî nîmakaauma kîrururî Kîamguo na maûtiganîrie.

Ezek 32:12

Nîngaaûragithia andû aku na mviû cia njûra cia athigari njamba, andû aganu gûkîra ndûrîrî cionthe. Nîmakaathiria mwîtîîo wa andû a Misiri na maûrage andû akuo onthe.

Ezek 7:24

Kwoguo nîngaarete mavûrûri maganu mûno megwatîre nyomba ciao, naguo mwîtîîo wa andû arîa marî vinya ûthire; nakuo kûndû kwenyu gwa kûgoocera kûgwatue mûgiro.

Danieli 7:7

“Na wandoretie, nyamû ya kana nîyaumîrire. Nayo yarî ya kûmakania na ya magegania, nîûndû wa ûrîa yanenevete. Yarî na magego manene mûno ma cuuma. Nîyatamburûrangire nyamû icio ciîngî inuku, îgîcoka îgîikinyanga na magûrû mayo. Nyamû îo yarî ngûrani na nyamû icio ciîngî cionthe irîa noonete mbere yayo, nîûndû yarî na mvîa îkûmi.

Amosi 3:6

Karumbeta ka mbaara nwa kavuvwe îtûûrarî na andû makarega gwîtigîra? Îtûûra nwa rînyitwe nî mûthiro tiga Ngai-Mûnene aûrekereretie?