Ezek 27:26 - ÎVUKU RÎA ÛVORO MWARO

²⁶ “Atwari aku magûtwarîte îriarî kûrîa kûriku mûno, naruo rûkûngi rwa mwena wa îrathîro nîrûkunangîte ûrî kûu kûraca gatagatîrî ka îria.

Ezek 27:26 ပူးပေါင်းရင်းမြစ်များ

Thaburi 48:7

Meekarire ta meri cia Tarishishi, ûrîa cikanagua îriarî nî rûkûngi rûnene.

Thaburi 48:8

Nîtweguire maûndû marîa Ngai ekîte, na rîu nîtwonete tue ene, îtûûrarî rîa Ngai wetû, Ngai-Mûnene, mwene vinya wonthe; Ngai nîatûûra arîgitagîra tene na tene.

Isaia 23:14

Mue meri cia Tarishishi rîrani, nîûndû îtûûra rîenyu rîa kûûrîra nî rîcûkangie.

Isaia 33:23

Mîkanda yonthe ya meri icio nî mîregerû; ndîngîvota kûrûngamia mîtî ya vendera, wana kana matûme itambaa itambûrûke nîguo ivotithie meri kûthiî. Nwatî indo nyîngî irîa itavîtwe nîikagaanua, wana nginya cionje nîigooca indo ciao.

Jeremia 18:17

Ngaamaûmbûra mbere ya nthû ciao ta rûkûngi rwa mwena wa îrathîro, nîngamavuvatîra vandû va kûmatethia, vîndî îrîa makethîrwa marî thînarî.”

Ezek 26:19

Ngai-Mûnene Ngai augîte atîrî, “Nîngatua îtûûra rîa Turo kûndû kwanangîku ta matûûra marîa matatûûragwa nî andû na nîrîkunîkîre na manjî marîa maumîte îriarî rîrîa rîrikîru.

Ezek 27:27

Ûtonga waku wonthe, indo ciaku cionthe, atwarithia na andû aku arîa mathiîcaga na meri, mavundi ma mbaû na agûri na endia aku, athigari aku onthe arîa marî gwaku, athiîi arîa onthe marî merirî na indo cionthe, nîikaaûrîra îriarî mûthenya ûrîa ûkaagwa.

Ezek 27:34

Nwatî rîu unîkangîrîte na kûu îriarî, na ûkaûrîra kûrîa kûrikîru mûno manjîrî. Indo irîa ûrakuîte na andû arîa mararî merirî, nîmaûrîrîte manjîrî vamwe nawe.

Ezek 28:8

Nîmagaakûraga na magwikie îrimarî na nîûgaakua ta andû arîa maûragîrîtwe îriarî kûrîa kûriku.

Ciîko 27:14

Nwatî wa rîo rûkûngi rûnene mûno rwetagwa “Rûkûngi rwa kuuma gatagatî ka rûgûrû na îrathîro” nîrwavurutanire rûkînyûrûrûka rumîte gîcîgîrîrarî.

Ciîko 27:41

Nwatî meri nayo nîyaturumire nguva ya mûthanga. Naguo mwena wa mbere wa meri îo nîwaremere vo. Nwatî mwena wa vuva wayo nîwaunangirwe nî ndivû ciarî nene cia manjî.

Kûguû 17:15

Nake mûraika nîwambîrire rîngî atîrî, “Nyûnjî irîa wonire mûmaraa ekarîrîte, nî mavûrûri, andû, iruka, na nthiomi.