Ezek 27:17 - ÎVUKU RÎA ÛVORO MWARO

¹⁷ Andû a Juda na andû a Isiraeli nîmaarutithanirie wîra wa kûgûra na kwendia indo nawe. Maakûretere ngano, ndamaiyû, ûûkî, maguta na mînyamû mînungi waro nîguo ûmakûrananîrie na indo ciaku.

Ezek 27:17 ပူးပေါင်းရင်းမြစ်များ

Kîam 43:11

Nake îthe nîwamerire atîrî, “Ethîrwa nwanginya mwîke ûguo, nîmwoca indo imwe cia irîa mbaro cia vûrûri ûyû mwîkîre nguniarî cienyu na mûvirîre mûndû ûcio irî kîveo. Nacio nî mînyamû mînungi waro, maguta ma kwîvaka, ûûkî mûnini, matunda ma mûthemba wa ngandamia, na maguta kuuma kûrî mûtî wa mare.

1Atha 5:9

Ndungata ciakwa nîikaanyûrûrûkia mîtî îo kuuma Lebanoni nginya îriarî, na nîngaamîovania na nîmikie îriarî înyûrûrûkue nî manjî nginya varîa ûkwenda njoke nîmîovorere vo. Nawe ûcoke ûmve irio cia kûrîwa nî andû a nyomba yakwa.”

2Maû 2:10

Nîngaakûnengera tani ngiri igîrî (2,000) cia ngano, cairi tani ngiri igîrî (2,000), lita ngiri magana mana (400,000) cia ndivei na lita ngiri magana mana (400,000) cia maguta ma ndamaiyû.”

Ezira 3:7

Andû nîmaacokire makîvecana mbeca cia kûrîva mavundi ma mathiga na ma mbaû. Na nîmaaveere andû a matûûra ma Turo na Sidoni irio, gîakûnyua, na maguta ma mîtî ya mîtamaiyû îrîa îciaraga matunda nîguo mamaviragîre mîtî ya mîtarakwe îriarî rîa Jopa kuuma Lebanoni. Mûthamaki Cairasi wa Perisia nîke wamaveete rûtha rwa gwîka maûndû mau.

Jeremia 8:22

Nîkwa Gileadi gûtarî mûndû mûgo? Nîkwa kûu gûtarî ndagîtarî? Nîndûî vi kîgirîtie andû akwa mavona?

Ciîko 12:20

Nake Herode nîwarakarirue mûno nî andû a Turo na Sidoni, na kwoguo nîmaathiîre kûmwona marî gîkundi. Nao nîmaambire makîgwithia Blasito ûrîa warûngamîrîrîte mûciî wa mûthamaki, atî nwa nginya amatethie. Nîmacokire makîthiî kûrî Herode na makîmwîra etîkîre mekaranie na thayû nîûndû vûrûri wao warutaga irio vûrûrirî ûcio wa mûthamaki.

Gûco 32:14

Ngai-Mûnene nîwamavere maguta na îriia kuuma ndîthiarî, maarî na mathunya ma ng'ondu na ndûrûme, na ng'ombe cia Bashani na mbûri. Nîwamavere ngano irîa mbaro mûno, na ndivei îrîa mbaro mûno.

Gûco 8:8

vûrûri ûrî ngano, cairi, thavibu, mîkûyû ngûngûmanga, mîtamaiyû, na ûûkî.

Atir 11:33

Nîwamaûragire kuuma Aroeri nginya vûrûrirî ûrîa ûthiûrûrûkîrîtie Minithi, matûûra mîrongo îîrî nginya Abeli-karemimu. Jefitha nîwaûragire andû engî mûno. Kwoguo andû a Amoni nîmaavootirwe nî andû a Isiraeli.