Ezek 27:12 - ÎVUKU RÎA ÛVORO MWARO

¹² “Andû a Tarishishi naamarutithanagia wîra nawe wa kûgûra na kwendia indo nîûndû warî na ûtonga mwîngî wa mîthemba mîîngî. Nîmaakûrananagia indo ta sîlûva, cuuma cia mîthemba mîîngî na indo ciaku.

Ezek 27:12 ပူးပေါင်းရင်းမြစ်များ

Kîam 10:4

Nao anake a Javani maarî: Elisha, Sipania, Kuporo, na Rodo.

1Atha 10:22

Solomoni aarî na gîkundi Kîam meri cia Tarishishi ciathiîcaga vamwe na gîkundi Kîam meri cia Hiramu. Varî îvinda rîa mîaka îthatû, meri icio cia Tarishishi nîciacokaga rita rîmwe ikuuîte thaavu, sîlûva, mîguongo, nthinwa na ngoroi.

1Atha 22:48

Mûthamaki Jehoshafati nîwatumire meri cia Tarishishi cia kûgîra thaavu vûrûrirî wa Ofiri; nwatî meri icio itiathiî nîûndû nîciaunîkangîre Ezioni-geberi.

2Maû 9:21

Meri cia mûthamaki ciathiîcaga Tarishishi ikîmenyagîrîrwa nî ndungata cia mûthamaki Huramu. Vuva wa mîaka îthatû, meri icio nîciaretaga thaavu, sîlûva, mîguongo, nthinwa, na ngoroi kuuma Tarishishi.

Thaburi 72:10

Athamaki a Tarishishi na a icîgîrîra nîmakaaruta gooti kûrî ke, athamaki a Sheba na a Seba nîmakaamûvirîra iveo.

Isaia 2:16

Nîagaacûkangia meri cia Tarishishi, na acûkangie matarû monthe mathaka.

Isaia 23:10

Mue arîa mûtûûraga Tarishishi rîmani mîgûnda yenyu; nîûndû mûtirî na kîndû gîa kûmûrigîrîria rîngî.

Isaia 23:14

Mue meri cia Tarishishi rîrani, nîûndû îtûûra rîenyu rîa kûûrîra nî rîcûkangie.

Isaia 23:6

Ringani mûthiî Tarishishi! rîrani mue mûtûûraga rûtere rwa îria!

Isaia 60:9

Nî meri ciumîte mavûrûrirî ma kûraca, itongoreretue nî meri cia Tarishishi. Iretete andû aku kuuma kûndû kûraca, marî na sîlûva na thaavu ciao, nîûndû wa rîîtwa rîa Ngai-Mûnene Ngai wenyu, na nîûndû wa Ûrîa Mûtheru wa Isiraeli, nîûndû nîatûmîte mûgîe riiri.

Jeremia 10:9

Mîvuanano yao îgemetue na sîlûva kuuma Tarishishi, na thaavu kuuma Ofiri, îrûthîtwe nî andû marî na wara, wa kûrûtha indo na mbaû na aturi a thaavu, îcokete îgekîrwa itambaa cia rangi wa vururu na wa njambarawe, îtumîtwe nî andû marî na wara.

Ezek 27:11

Andû kuuma Arivadi na Heleki vamwe na athigari ao nîo maarangagîra nthingorî ciaku. Nao andû kuuma Gamadi maarangagîra nyomba irîa ciarî ndaca na îgûrû. Nîmaacuririe ngo ciao nthingorî mîena yonthe na nîmaatûmire wonekane ûrî mûthaka.

Ezek 27:13

Andû kuuma Javani, Tubali na Mesheki nîmaarutithanagia nawe wîra wa kûgûra na kwendia indo. Nîmaakûviragîra ngombo na indo cia cuuma ya gîcango nîguo ûmakûrananîrie na indo ciaku.

Ezek 27:16

Andû a Sîria nîmaarutithanirie wîra nawe wa kwendia na kûgûra indo nîûndû warî na indo nyîngî. Nîmaakûvere indo ta mathiga ma goro, itambaa cia rangi wa njambarawe, itambaa ino ng'emie na nguo mbaro nîguo nawe ûmave indo ciaku.

Ezek 27:18

Andû a Damesiki nîmaagûraga indo kûrî we nîûndû warî na ûtonga wa indo cia mîthemba mîngî. Nîmaakûretagîra ndivei kuuma Heliboni na guoya wa rangi mûcerû wa ng'ondu kuuma Saharu.

Ezek 27:33

Vîndî îrîa indo ciaku cia kwendua ciaviragwa nthî ciîngî, andû eengî nîmaagunîkaga nîcio. Nîwatongirie athamaki a nthî, na ûtonga mwîngî wa indo ciaku.

Ezek 28:16

Warî na wîra mwîngî wa kûgûra na kwendia indo na ûkîambîrîria gwîka maûndû na vinya na ûndû ûcio ûgîtûma wîvie. Kwoguo nînaakûvinyûririe ta kîndû kîrî mûgiro nîguo ume kîrîmarî Kîam Ngai. Na mûraika ûrîa wakûrangagîra nîwakûvinyûririe ûkiuma mathigarî marîa maavenavenagia.

Ezek 28:5

Ûûgî wa kwendia na kûgûra indo nîwongererete ûtonga waku na ûkagîa na mwîtîîo ngororî nîûndû wa ûtonga ûcio waku!

Ezek 38:13

Sheba, Dedani, agûri na endia a indo kuuma Tarishishi na icagi irîa irî vakuvî na kuo nîmagaakûria atîrî, ‘Ûnganîtie athigari aku a mbaara nîguo mûtharîkîre na mûtave na mûcunane indo? Ûrenda gûkuua sîlûva, thaavu, ndîthia nîguo ûtave indo nyîngî?’

Jona 1:3

Jona nîwambîrîre rûgendo, nwatî aanyitire njîra erekerete Tarishishi nîguo aûrîre Ngai-Mûnene. Nîwathiîre nginya Jopa, kûrîa eethîrîrie meri îmwe îrî vakuvî kûthiî Tarishishi. Kwoguo nîwarîvire mbeca cia rûgendo na agîtwa merirî na makîthiî Tarishishi na andû acio engî, nîguo aûrîre Ngai-Mûnene.

Kûguû 18:12

Indo icio nî thaavu, sîlûva, na mathiga ma goro na ruru; indo cia nguo cia rangi wa njambarawe, nguo cia hariri, na irîa ndune ta ndûngûrû. Andû acio nwa mendagia mîtî îrîa mînungi waro, indo cionthe ithondeketwe na mîguongo na mîtî ya goro, indo cia gîcango, cuuma, na mathiga mengî mathaka.