Ezek 26:17 - ÎVUKU RÎA ÛVORO MWARO

¹⁷ Nao nîmakaaina rwîmbo rwa macakaya nîûndû waku makiugaga atîrî, “We îtûûra rîrarî ngumo, ûrî mûcûkangie, meri ciarîo nîmbûrîru îriarî. Andû a îtûûra rîrî nîo maarî vinya îriarî. Andû onthe arîa matûûraga rûtere rwa îria nîmaagwîtigîrîte.

Ezek 26:17 ပူးပေါင်းရင်းမြစ်များ

2Sam 1:19

“Riiri waku we Isiraeli, nî ûragîrîtwe irîmarî ciaku! Andû etû arîa marî vinya nîmagwîte!

Isaia 14:12

“We wakengaga ta njata ya kîraûko, na kaî wî mûgwîu na vinya kuuma îgûrû-î! We wavootire mavûrûri, nwatî rîu ûrî mûgwîthie nthî-î!

Isaia 23:4

Conoka we Sidoni, îtûûra rîgitîre rûtere rwa îria, nîûndû îria nîrîarîtie rîkauga atîrî, “Ndianegua ûrûrû wa gûciara na ndianaciara; ndianarera anake kana ndera erîtu.”

Isaia 23:8

Nû wavangire maûndû mama megiî Turo, îtûûra rîrîa riumaga athamaki; kûrîa agûri na endia a indo maarî anene, na maatîîtwe nthî yonthe?

Jeremia 48:39

Taroria ûrîa maunîkangîte! Ûrîa mararîra! Ûrîa magîte na gîconoko. Vûrûri wa Moabu ûtuîkîte kîndû gîa kûthekererwa na kîmako kûrî mavûrûri monthe marîa ûriganîtie namo.”

Jeremia 50:23

Babuloni yekariî ta njokoma ya kûriva mavûrûri monthe ma nthî, nwatî rîu ndîrî na vinya nîûndû nîmunange! Mavûrûri monthe nîmamaku, nî ûrîa vûrûri ûcio wîkîtwe.

Jeremia 6:26

Ngai-Mûnene arauga atîrî, “Îkîrani nguo cia macakaya mue andû akwa, na mwîgaragarie mûurî, cakayani mûrî na ûrûrû, ta mûndû agîcakaîra mûvîcî wa kîmomwe, nîûndû nthû îgaûka kûmûthiria wa rîmwe.

Jeremia 7:29

“Mue andû a Jerusalemu, enjani njuîrî cienyu na mûite, cakayani mûrî tûthûrûmûndûrî twa irîma, nîûndû nie Ngai-Mûnene nîrîmûrakaru nîmue, nînîmûregete na ngamûtiganîria.

Jeremia 9:20

Mue aka ta thikîrîriani ciugo cia Ngai-Mûnene, tegani matû mwîgue ûrîa arauga. Thomithiani erîtu enyu gûcakaya, na mûthomithie arata enyu nyîmbo cia mathiko.

Maca 1:1

Îtûûra rîrîa rîecûrîte andû kaî rîrî na îvooru î! Nîrîatîîtwe nî mavûrûri, nwatî rîu rîkariî ta mûka wa ndigwa, mbere rîarî mwarî wa mûthamaki, rîu rîtuîkîte ngombo.

Ezek 19:1

Ngai-Mûnene nîwambîrire mine rwîmbo rwa macakaya nîûndû wa atongoria a Isiraeli

Ezek 19:14

Mwaki umîte gîtinarî Kîam mûthavibu, ûkathiî ûkavîvia mvûa ciaguo na matunda ma guo, nîguo gûtikethîrwe kûrî na gîtina kîrî na vinya, na gûtarî na mûragi wa wathani. Rûrû nî rwîmbo rwa macakaya, na rûvûthagîrwa rûrî rwa macakaya.

Ezek 32:16

Rûu nîruo rwîmbo rwa macakaya rûrîa makaaina magîcakaya. Erîtu a mavûrûri nîmakaaina magîcakaîra Misiri, na magîcakaîra andû onthe a kuo. Ûguo nîguo Ngai-Mûnene Ngai augîte.”

Ezek 32:2

“Mûndû, ina rwîmbo rwa macakaya nîûndû wa mûthamaki wa Misiri na ûmwîre: We mûthamaki wa Misiri wîtucaga ta mûnyambû gatagatî ka ndûrîrî, nwatî we wîkariî ta njûnamatu îrî manjîrî. Umagîra manjîrî na vinya na ûkaunjuga manjî na magûrû maku na ûgacûkia nyûnjî.

Ezek 32:23

na mbîrîra ciao irî îrimarî kûrîa kûriku mûno gwa akuû. Athigari ao onthe maaûragîrwe mbaararî na mbîrîra ciao ciîcûrîte kûu. Mbererî athigari acio maatûîre mamakagia andû arîa marî mwoyo.

Ezek 32:27

Matikaathikwa vamwe na athigari njamba arîa maaûragirwe tene, arîa maanyûrûrûkire kwa arîa akuû marî na indo ciao cia mbaara. Mviû ciao cia njûra ciaigirwe rungu rwa ciongo ciao, nacio ngo ciao nîciaigîrîrwe îgûrû rîa mîîrî yao. Andû acio njamba maarî na vinya na nîmaamakagia andû arîa marî mwoyo.

Joeli 1:18

Nyamû nîkwa irania nî kîeva! Ndîthia cia ng'ombe nîirathînîka, nîûndû gûtirî na kûndû gwa kûrîthua, wana ndîthia cia ng'ondu nîirathînîka.

Obadia 1:5

Rîrîa andû maûka ûtukû kwîa, na kinthî matiocaga tu wa indo irîa makwenda? Rîrîa andû magûketha thavibu, na kinthî matitigaragia tûnini? Nwatî nthû ciaku nîikûthirîtie viû.

Mika 2:4

Kavinda kau gakinya andû nîmakaainaga makîmûthekerera, makaarîra na macakae makiugaga atîrî, ‘Nîtûcûkangîtue viû; Ngai-Mûnene nîwocete vûrûri wetû, nîatûcunîte guo kuuma njararî cietû, mîgûnda yetû nîamîgaîrîte andû arîa maatûtavire.’ ”

Zefania 2:15

Ûguo nîguo gûgekîka kûrî îtûûra rînene rîrîa rîîtîaga nîûndû wa vinya warîo na rîgeciria atî nîrîgitîre. Îtûûra rîu rîciragia atî nîrîo rînene mûno nthî îno. Rîgaatuîka îganjo, varîa nyamû cia kîthaka ikaavurûkaga! Mûndû wa wonthe ûkaavîtûkîrîra vo nîakaavavûka na etigîre.

Josh 19:29

Mûvaka nîwacokete ûkegata ûkathiîra Rama na ûgakinya îtûûra rîrîa ririgîre rîa Turo. Nîwacokete ûkegata ûkathiîra Hosa na ûkathirîra îriarî rîa Mediterania. Vûrûri ûcio nwa wanyitîte matûûra ma Mahalabu, Akizibu,