Ezek 26:16 - ÎVUKU RÎA ÛVORO MWARO

¹⁶ Athamaki onthe a mavûrûri marîa marî rûtere rwa îria nîmakaauma itîîrî ciao cia ûthamaki. Nao nîmakaaruta nguo ciao irîa ndaca wa vamwe na nguo ciao irîa ng'emie waro. Nîmakaagwatwa nî guoya na nîmagekaraga nthî makinainaga vîndî cionthe mamakîte nîûndû wa maûndû marîa mekîkîte kûrî we.

Ezek 26:16 ပူးပေါင်းရင်းမြစ်များ

Ayubu 8:22

Arîa makûmenete nîmagaconoka mûno, na mîciî ya arîa aganu nîîkathira.

Thaburi 109:18

Kûrî ke, kûrumana nîta gwîîkîra nguo, irumi icio iromûconja mwîrî wonthe ta manjî, na itonye mavîndîrî ta maguta!

Thaburi 109:29

Nthû ciakwa nîikunîkîrwe nî nthoni ta nguo; na mekîre gîconoko ta nguo irîa mekagîra.

Thaburi 132:18

Nîngaatûma nthû ciake igîe na gîconoko, nwatî nthûmbî yake ya ûthamaki nîîgaakengaga îrî kîongorî gîake.”

Thaburi 35:26

Tiga acio makenagîrîra kûthînîka gwakwa, mavootwe na maconorithue; acio meyonaga marî aro kûrî nie, megue nthoni na maconoke.

Ntha 15:15

Atongoria a Edomu nî amaku; nao andû arîa marî vinya a Moabu nîmarainaina nîûndû wa guoya; andû a Kanaani nîmathirîtwe nî ûmîrîru.

Isaia 3:26

Ivingo cia îtûûra rîa Zayuni nîikaarîra na icakae, narîo îtûûra rîkethîrwa rîkariî ta mûndûmûka acunîtwe indo cionthe, ekarîte nthî mûtheturî.

Isaia 41:5

“Arîa matûûraga rûtere rwa îria nîmoonire ûndû ûcio na magîîtigîra, andû a nthî yonthe nîmarainaina nî guoya, onthe macemanirie vamwe makînaûka.

Isaia 47:1

Ngai-Mûnene arauga atîrî, “Nyûrûrûka wîkarîre mûthetu, we mwîrîtu nthingi wa Babuloni; îkara mûtheturî nthî vandû vatarî na gîtî, we mwarî wa Akalidei! Nwatî kuuma rîu ndûgeetwa rîngî mûnini na ûtarî vinya.

Isaia 52:2

Wîrivarive ume rûkûngûrî ûrûgame, îyovore mînyororo yume ngingorî yaku, we mwarî wa Zayuni, we ûtwîre wî mwove.

Jeremia 48:39

Taroria ûrîa maunîkangîte! Ûrîa mararîra! Ûrîa magîte na gîconoko. Vûrûri wa Moabu ûtuîkîte kîndû gîa kûthekererwa na kîmako kûrî mavûrûri monthe marîa ûriganîtie namo.”

Maca 2:10

Athuuri a Jerusalemu mekaraga nthî makirîte, makeminjîria mûu ciongorî ciao mekîrîte nguo cia macakaya, na erîtu a Jerusalemu nîmaturumithîtie mothiû mao nthî.

Ezek 16:10

Nînagwîkîrire nguo îno ng'emie, ngîgwîkîra iratû magûrû cia rûûo rûrîa rwaro mûno ngîkwova gîtambaa Kîamro gîa kîongo na ngîgwîkîra nguo mbaro.

Ezek 26:21

Nîngaagûtua kîndû gîa gûtûma andû manyitwe nî guoya, na ûcio nîguo ûkethîrwa ûrî mûthiia waku. Andû nîmagaagûcaria, nwatî matigaakwona. Ûguo nîguo Ngai-Mûnene Ngai augîte.”

Ezek 28:17

Nîwagîre na mwîtîîo nîûndû wa ûthaka waku, na ûgîcûkia ûûgî waku nîûndû wa riiri waku. Nagwikirie nthî mûtheturî na ngîkwanîka mbere ya athamaki nîguo makwone.

Ezek 31:15

Ngai-Mûnene arauga atîrî, “Mûthenya ûrîa mûtî ûcio wa mûtarakwe ûkaathiî kwa arîa akuû, nîngaatûma ûcakaîrwe. Nîngaacoka ngirie nyûnjî na maria iwîtîrîria manjî. Mûtî ûcio nîûkaaûma nakîo kîrîma Kîam Lebanoni nîgîkaagîa nduma nayo mîtî yonthe îrîa îrî mûgûndarî nîkaûma nîûndû waguo.

Ezek 32:10

Andû eengî nîmakaamaka nîwe megua ûvoro ûcio, na athamaki ao mainaine nîûndû waku. Vîndî îrîa ngaatambûrûkia rûviû rwakwa, wa mûndû nîakeguîra ûtûûro wake guoya na agekara agîtetemaga.”

Ezek 7:27

Mûthamaki nîagaacakayaga, na mûtongoria athirwe nî kîîrîgîrîro. Andû a vûrûri nîmagaatetemaga nî guoya. Nie nanie ngaamekaga maûndû kûringana na mîthiîre yao na nîngaamatuîra ciira wata ûrîa magîrîrwe nî gûtuîrwa, na nîmakaamenya atî nînie Ngai-Mûnene.”

Ezek 7:8

“Kavinda gatarî karaca nîngûmwîtûrûrîra marakara makwa. Nîmûtuîre ciira kûringana na mîthiîre yaku, na nîûgacokererwa nî maûndû menyu monthe macûku.

Danieli 5:6

Mûthamaki nîwatukirie kîthithi, akîvavûka, akinaina na akîthirwa nî vinya.

Hosea 11:10

Nîmakaanjaria nie Ngai-Mûnene, ûrîa ûrurumaga ta mûnyambû, rîrîa ngaruruma ciana ciakwa ikauma îthûîro igîtetemaga.

Jona 3:6

Rîrîa mûthamaki wa Nineve eegwire ûguo, nîwaûkîrire na akiuma gîtîrî gîake Kîam ûthamaki, akîruta nguo yake ya ûthamaki na agîkîra nguo ya macakaya na agîkara nthî mûurî.

Hagai 2:22

kûgarûrania mothamaki na kûthiria mavinya mao. Nîmûgaacûkangia ikaari ciao cia mbarathi na atwarithia a cio, nao nîmakaaûragana o ene kwa ene.

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”

Kûguû 18:9

Athamaki a nthî arîa meekire maûndû ma ûtharia na nîmaagwatanîre merirîria macûku nake nîmakaarîra na maugîrîrie mona ndogo îrîa yaumaga kûrî rîo rîkîvîa.