Ezek 24:6 - ÎVUKU RÎA ÛVORO MWARO

⁶ Kwoguo Ngai-Mûnene arauga atîrî, “We îtûûra rîîrî rîa aûragani, kaî ûrî na thîna-î! Îtûûra rîîrî rîkariî ta thuvuria îrî na kutu îtangîthira. Inuku cia nyama irutagwa thuvuriarî kîmwe gwa kîmwe itakûthuurûkanua.

Ezek 24:6 ပူးပေါင်းရင်းမြစ်များ

2Sam 8:2

Nîwacokire akîvoota Amoabu na akîmeera mamame nthî marîte mîvari. Na wa varî andû athatû acio moovetwe nîwaûragire andû aîrî ao kana andû athatû ao. Kwoguo Amoabu nîmaatuîkire ndungata cia Daudi na makîambîrîria kûmûrutîra gooti.

2Atha 21:16

Makîria ya ûguo, Manase nîwaûragire andû eengî mûno mataarî na mavîtia nginya nthakame îgîcûra Jerusalemu kuonthe; gûtaranîria na ûrîa aatûmire andû a Juda magooce mîvuanano îrîa yatûmire mevie mbere ya Ngai-Mûnene.

2Atha 24:3

Ngai-Mûnene nîke wathanire ûndû ûcio wîkîke kûrî Juda, nîguo athirie andû a Juda nîûndû wa mevia monthe marîa mûthamaki Manase eekîte,

2Atha 24:4

na makîria nîûndû wa andû onthe arîa aaûragîte matarî na mavîtia. Ngai-Mûnene ndangîoveere Manase nîûndû wa ûguo.

Jeremia 2:22

Wana ûngîîthambia na thabuni ûrî na vinya atîa, maroro ma mevia maku matingîthira. Ûguo nîguo Ngai-Mûnene arauga.

Jeremia 6:29

Mwaki ûrakana na vinya, cuuma îravîa îkathira; gûtirî na vata wa kûtheria andû akwa, nîûndû andû aganu matingîthirwa nî waganu wao.

Ezek 11:11

Îtûûra rîa Jerusalemu rîtigaatuîka ta nyûngû rîngî, kana mue mûtuîke ta nyama ndarî ya yo. Ngaamûtuîra ciira mûrî vûrûrirî wa Isiraeli.

Ezek 11:3

Maugaga atî, ‘Kavinda ga gûtuma nyomba tîgakinyu; îtûûra rîîrî nîta nyûngû ya kûruga, natue nîta tue nyama.’

Ezek 22:12

Andû amwe enyu nîmetagia mavaki nîguo maûrage andû engî. Na engî nîmetagia umithio wa indo irîa makombithîtie andû ao, magacuuna andû indo na magetongia na njîra îrîa îtagîrîrîte na makariganîrwa Nînie.” Ûguo nîguo Ngai-Mûnene augîte.

Ezek 22:2

“We mûndû, nîûgaatuîra ciira îtûûra rîîrî rîcûrîte aûragani? Rîmenyithie maûndû monthe marîa marî mûgiro rîaneka.

Ezek 22:27

Atongoria ao arîa marî îtûûrarî mekariî ta ciathi irîa itambururangaga nyamû irîa ciûragîte. Maûragaga andû nîguo megîre na ûtonga na njîra îrîa îtarî mbagîrîru.

Ezek 22:3

Îra îtûûra rîu Ngai-Mûnene arauga atî, we nîûragaga andû aku na nîwîgwatagia gîko na njîra ya kûvoya mîvuanano, kwoguo îvinda rîaku nîrîkinyu.

Ezek 24:3

Arîria andû acio akwa aremi na ngerekano ûmeere nie Ngai-Mûnene nîrauga atî; Igîrîra thuvuria îgûrû rîa riiko rîrî na mwaki na ûmîcûrie manjî.

Ezek 24:9

Kwoguo nie Ngai-Mûnene Ngai nîrauga atîrî, “Îtûûra rîîrî rîcûrîtwe nî ûragani kaî rîrî na thîna-î! Wananie nîngaaiga kuo kîrûndo kînene Kîam ngû.

Joeli 3:3

Nîmaaûthire nîguo mamenye nî ûrîkû ûgwoca mîgwate; nîmeendirie anake na erîtu marî ngombo, nîguo marîve ûmaraa na ndivei.

Obadia 1:11

Mûthenya ûcio mwarûngamire varaca mûroretie, rîrîa nthû ciakuire ûtonga wake, nao ageni magîtonyera ivingorî ciake. Nîmagaanire Jerusalemu na njîra ya gwikia mîtî. Kwoguo wanamue mwekariî wa ta o.

Jona 1:7

Amenyereri a meri nîmeeranire atîrî, “Tigani twikie mîtî nîguo tûmenye tûrona thîna ûyû nîûndû wa mavîtia ma û.” Kwoguo nîmaaikirie mîtî, na mûtî ûkîgwîrîra Jona.

Mika 7:2

Gûtirî mûndû wîvokete Ngai mûtigaru gûkû nthî, na gûtirî mûndû wathîkagîra Ngai. Gûtirî mûndû wana ûmwe mwîvokeku ûtigarîte, onthe methagîrwa magîcaria kanya ga kûûragana. Wa mûndû acaragia ûrîa angînyitithia mûndû ûrîa wîngî.

Nahumu 3:1

Kaî îtûûra rîîrî rîûraganaga na rîveenanagia rîrî na thîna-î! Rîcûrîte ûthani na indo nyîngî irîa ciîîtwe, rîtigaatiga gûtava indo!

Nahumu 3:10

Kûnarî ûguo, andû a Thebesi nîmaakuirwe marî mîgwate. Ciana ciakuo ciarivagîrwa ndeererî cia varavara ikenda gûkua. Anene ao nîmaakuirwe marî na mînyororo, na makîgaanua gatagatî ka arîa mamanyitîte.

Mathaayo 23:35

Kwoguo, nîngaamûverithia nîûndû wa kûûraga andû onthe arîa athingu, kuuma kûûragwa kwa Habili nginyagia kûûragwa gwa Zakaria mûrû wa Barakia, ûrîa mwaûragîre gatagatîrî ka hekarû na metha ya kîgongoona.

Gûco 23:13

Îthagîrwani mûrî na mûtî vîndî cionthe, nîguo rîrîa ûngîgua ûkîenda gwîtethia, wînjage îrima rîa gwîtetheria, na warîkia gwîtethia ûkathika mai mau naguo.

Josh 10:22

Joshua nîwacokire akiuga atîrî, “Vingûra mûromo wa ngurunga na mûndetere athamaki arîa atano.”

Kûguû 17:6

Nanie nînoonire atî mûndûmûka ûcio aarî mûrîu nîûndû wa kûnyua nthakame ya andû arîa atheru a Ngai. Andû acio maaûragirwe nîûndû maarî evokeku kûrî Jesû. Rîrîa namwonire nînamakire mûno.

Kûguû 18:24

Ngai nîwaverithirie Babuloni nîûndû nthakame ya arathi, na andû a Ngai na arîa onthe manaûragwa nthî, yonekire îtûûrarî rîu înene.