Ezek 24:23 - ÎVUKU RÎA ÛVORO MWARO

²³ Mûgeekîra iremba ciongorî cienyu, na mwîkîre iratû magûrû menyu, mûtigaacakaa kana mûrîra. Nwatî nîûndû wa mevia menyu nîmûkaagîa na kîeva na wa mûndû nîagacakaagîra mûndû ûrîa wîngî.

Ezek 24:23 ပူးပေါင်းရင်းမြစ်များ

2Sam 15:30

Daudi nîwaunûkirie kîrîma Kîam mîtamaiyû îrîa îciaraga matunda arî magûrû matheri akîrîraga; eekunîkîrîte kîongo ta mûndû agîcakaya. Nao andû onthe arîa maarî nake nîmeekunîkîre ciongo na makîmûrûmîrîra makîrîraga.

Ayubu 27:15

Arîa magaatigara makathirua nî mûrimû, na aka ao a ndigwa matikaamacakaîra.

Thaburi 107:17

Andû amwe maarî irimû nîûndû wa mevia mao, na makathînîka nîûndû wa maûndû mao macûku;

Thaburi 78:64

Athînjîri-Ngai ao nîmaaûragîrwe mbaararî, na aka ao a ndigwa matiamacakaîra.

Isaia 20:2

Ngai-Mûnene nîwerire Isaia mûvîcî wa Amozu atîrî, “Thiî ûrute nguo îo ya macakaya wîyovete kîûnûrî na ûrute iratû magûrûrî maku.” Nake Isaia nîwekire guo, akîthiî arî njaga na arî magûrû matheri.

Isaia 59:11

Tuonthe tûraramaga ta ngatûnyi, twîkaraga tûgîcaga ta ndutuura. Twetagîrîra tûone waragania nwatî tûtiwonaga; twetagîrîra ûvonokio, nwatî ûrî kûraca natue.

Jeremia 13:18

Ngai-Mûnene nîwambîrire atîrî, “Îra mûthamaki na ng'ina maume itîîrî cia ûthamaki, nîûndû nthûmbî ciao irîa nthaka, nînyumu ciongorî ciao.

Maca 4:9

Kava arîa maaûragîrwe mbaararî, gûkîra arîa maakwire nî yûra, maakwire kavora nî yûra, nîûndû wa gûtura irio.

Ezek 24:22

Mûgeeka wata ûguo nie nekire. Mûtigekunîke mothiû menyu kana mûrîe irio irîa irîcagwa vîndî ya macakaya.

Ezek 33:10

“We mûndû îra andû a Isiraeli marauga atî, ‘Tûrî aritûvîre nî mavîtia na mevia metû na nîmo maratûthiria. Tûngîtûûra mwoyo atîa?’

Ezek 4:17

Ngeka ûguo nîguo mature irio cia kûrîa na mature manjî ma kûnyua. Wa mûndû agaacûthagîrîria ûrîa wîngî amakîte na nîmakaathira vinya nîûndû wa mevia mao.”

Ezek 44:18

Makeyovaga iremba cia nguo mbaro ciongorî ciao na mekagîre mîvuto ya nguo mbaro, nwatî matikeyova mîcivi nîguo matikathithine.

Alawi 26:16

nî ngaamûverithia. Nî ngaamûretere mîrimû îtakaavora na mîrimû ya kûviûva mwîrî îrîa îgaatûma mûtuîke ndumumu na mûthirwe nî vinya. Mûkaavandaga irio, nwatî mûtikaairîa, nîûndû nthû cienyu nîcio igaaketha irio icio na iirîe.

Alawi 26:39

Andû enyu anini arîa magaatigara nî makoorera mavûrûrirî ma nthû cienyu nîûndû wa mevia mao na mevia ma methe mao.