Ezek 23:4 - ÎVUKU RÎA ÛVORO MWARO

⁴ Ûrîa mûkûrû eetagwa Ohola, nake ûrîa mûnini eetagwa Oholiba. Nao nîmaatuîkire aka akwa, magîciara anake na erîtu. Marîîtwa mau mao, Ohola nî Samaria, nake Oholiba nî Jerusalemu.

Ezek 23:4 ပူးပေါင်းရင်းမြစ်များ

1Atha 12:20

Rîrîa andû a Isiraeli meegwire atî Jeroboamu aarî mûcoku kuuma Misiri, nîmaamûtûmanîre na makîmwîta varîa maaûnganîte na makîmûtua mûthamaki wa Isiraeli kuonthe. Gûtirî andû engî maarûmîrîre andû a nyomba ya Daudi tiga andû a mûvîrîga wa Juda.

1Atha 8:29

Menyagîrîra hekarû îno ûtukû na mûthenya. Vandû ava nîwe wathuurire nîguo ûgoocagîrwe vo. Thikagîrîria mavoya makwa vîndî îrîa ngûvoya nîrî hekarûrî îno.

Thaburi 76:2

Mûciî wake ûrî Jerusalemu; atûûraga Kîrîmarî gîa Zayuni.

Jeremia 3:6

Vîndî îrîa Josia aarî mûthamaki, Ngai-Mûnene nîwambîrire atîrî, “Wî mwonu ûrîa Isiraeli, ûcio ûtarî mwîvokeku ekîte? Ke nîathiîte tûrîmarî tuonthe na akathiî rungu rwa mîtî mîruru na akavûûrîra ûmaraa kuo.

Jeremia 3:7

Nie neciririe atî, ‘Vuva wa Isiraeli gwîka maûndû mau monthe, nîakûnjokerera;’ nwatî nîwaregire kûnjokerera, na Juda mwarwang'ina ûrîa mûthani nîwonire ûndû ûcio.

Ezek 16:20

“Makîria ma ûguo, nîwacokire ûkînyita anake na erîtu aku, acio wanjiarîre na ûkîmaruta marî îgongoona kûrî mîvuanano îo nîguo marîwe mathire. Anga ûndû ûcio waku wa ûmaraa warî ûndû mûnini,

Ezek 16:40

“Nîmakaaunjuga kîrîndî na gîkûrive na mathiga, na nîmagaagûtinangia tûcunjî na mviû.

Ezek 16:46

“Mwarwanyûkwe ûrîa mûkûrû nî Samaria, na aatûûraga mwena waku wa rûgûrû marî na erîtu ake. Nake mwarwanyûkwe ûrîa mûnini nî Sodomu, na aatûûraga mwena waku wa îveti marî na erîtu ake.

Ezek 16:8

“Rîrîa navîtûkîrîre vakuvî nawe rîngî, nînoonire atî nama warî mwîrîtu mûkinyiu wa kûmbwa. Nînarutire nguo yakwa ya îgûrû ngîgûkunîka nîguo ûthithe njaga. Nîtwarîkanîre nawe atî nîtûkûvikania, nawe nîwatuîkire wakwa.” Ûguo nîguo Ngai-Mûnene arauga.

Ezek 23:3

Marî ethî, matûûraga vûrûri wa Misiri. Marî kûu nîmaavûrire ûmaraa, makîvivinywa nyondo ciao na magîtuîka tî erîtu nthingi.

Ezek 23:36

Ngai-Mûnene nîwambîrire atîrî, “We mûndû, nîûgûtuîra Ohola na Oholiba ciira? Meere maûndû marîa marî mûgiro mekîte.

Ezek 23:44

Arûme acio maathiîcaga kûrî ke ta ûrîa mathiîcaga kûrî mûmaraa. Ûguo nîguo maathiîcaga kûrî Ohola na kûrî Oholiba, aka acio amaramaru.

Ezek 23:5

Ohola anarî mûka wakwa, nîwavûraga ûmaraa na kwîrirîria andû arîa mendanîte nao a kuuma Asîria.

Hosea 1:3

Kwoguo Hosea nîwavikirie Gomeri mwarî wa Dibulaimu. Gomeri nîwagîre îvu na agîciarîra Hosea kavîcî.

Hosea 2:7

Nîakaarûmîrîra arata ake, nwatî ndakamoona; nîakaamacaria; nwatî ndakamoona. Nake nîagaacoka auge atîrî, “Nîngûcoka kwa mûthuuri wakwa wa mbere; nîûndû vîndî îo narî mwaro gûkîra rîu.”

Johana 4:22

Mue Asamaria mûtiîcî nî ûrîkû mûgoocaga nwatî tue Ayahudi nîtwîcî nî ûrîkû tûgoocaga, nîûndû ûvonokio uumaga kwa Ayahudi.

Aroma 7:4

Ariû na aarî a îthe wetû, ûguo nîguo maûndû mekariî wana kûrî mue. Ûvororî wîgiî watho mue wana mue nîmûkuîte nîûndû mûrî kîîga Kîam mwîrî wa Kristû. Na rîu mûrî a ûcio wariûkirue nîguo tûciarîre Ngai maciaro.