Ezek 23:3 - ÎVUKU RÎA ÛVORO MWARO

³ Marî ethî, matûûraga vûrûri wa Misiri. Marî kûu nîmaavûrire ûmaraa, makîvivinywa nyondo ciao na magîtuîka tî erîtu nthingi.

Ezek 23:3 ပူးပေါင်းရင်းမြစ်များ

Jeremia 3:9

Ndoonaga ûmaraa ûrî ûndû mûnene, kwoguo nîwatûmire vûrûri ûgîe na mûgiro na agîka wîvia wa ûtharia na njîra ya kûgooca mathiga na mîtî.

Ezek 16:15

“Nîwevokire ûthaka waku, nayo ngumo yaku îgîtûma ûvûre ûmaraa. Mûndû wa wonthe waûkaga kûrî we nîwavûraga ûmaraa nake.

Ezek 16:22

Ûgîka maûndû mau maku macûku wana ûkîvûra ûmaraa, ndwaririkana wana vanini vîndî îrîa warî mûnini na wagaragaraga ûrî njaga nthakamerî yaku.”

Ezek 20:7

Naamerire matecanîrie maûndû marî mûgiro marîa meeriragîrua nî metho mao, na matige kwîgwatia gîko na mîvuanano ya kûgoocwa ya Misiri. Nie nînie Ngai-Mûnene, Ngai wao.

Ezek 20:8

Nwatî nîmaareganire nanie na makîrega kûnthikîrîria. Gûtirî wanarî ûmwe wao watecanîrie maûndû marîa marî mûgiro meeriragîria, kana matiganîria mîvuanano ya kûgooca ya Misiri. Ngîcoka ngiuga nîngûmetûrûrîra mang'ûrîka makwa nthirie marakara makwa kûrî o marî vûrûrirî wa Misiri.

Ezek 23:19

Kûnarî ûguo, nîwathiîre na mbere kûvûra ûmaraa na vinya mûno, ta ûrîa eekaga arî mwîthî rîrîa aavûraga ûmaraa vûrûrirî wa Misiri.

Ezek 23:21

Oholiba nîwerirîrie maûndû make macûku marîa eekaga arî mwîthî vûrûrirî wa Misiri. Andû a Misiri mamondorire nyondo ciake irîa ciarî nûngarû na ndaacoka gûtuîka nthingi rîngî.

Ezek 23:34

Ûgaakînyuîra ûkînyinyûkîrîrie, ûgaakîenyûranga na magego tûcunjî tûcunjî, na wîtemange nyondo natuo. Nie Ngai-Mûnene, nînie mbugîte ûguo.”

Ezek 23:4

Ûrîa mûkûrû eetagwa Ohola, nake ûrîa mûnini eetagwa Oholiba. Nao nîmaatuîkire aka akwa, magîciara anake na erîtu. Marîîtwa mau mao, Ohola nî Samaria, nake Oholiba nî Jerusalemu.

Ezek 23:43

Nînacokire ngîyûria kana nîmathiî na mbere kûvûra ûmaraa na mûndûmûka ûcio mûkûrû ûguo.

Ezek 23:8

Ndaatiganîria ûmaraa ûrîa aambîrîrie arî Misiri rîrîa aarî mwîrîtu mwîthî. Arûme arîa maamamaga nake nîo maamûcûkîrie wîrîtu wake na makîmûtua mûmaraa.

Hosea 1:2

Rîrîa Ngai-Mûnene ambîrîrie kwaria na andû a Isiraeli na njîra ya Hosea nîwamerire atîrî: “Thiî ûgûre mûndûmûka mûmaraa na mûgîe ciana nake na njîra ya ûraa, nîûndû andû a vûrûri ûyû nîmareka mevia meengî mûno nîûndû wa kûndiganîria.”

Hosea 2:15

Kûu nîkuo ngamûcokeria mîgûnda yake ya mîthavibu, nîngatua Kîamnda Kîam Akori mûromo wa kîîrîgîrîro. Akanûmagîrîra atakûringîrîrua ta ûrîa ekaga arî mwîthî, ta rîrîa aarî vûrûri wa Misiri.

Alawi 17:7

Andû a Isiraeli matikethîrwa matarî evokeku kûrî Ngai-Mûnene rîngî na njîra ya kûragîra nyamû na kûu nja ya mûromo wa îgema marî magongoona ma ngoma ciîkariî ta mbûri. Andû a Isiraeli na njiarwa ciao nîmatûûra marûmagîrîra watho ûyû.

Gûco 29:16

“Taririkanani ûrîa twatûûraga tûrî vûrûrirî wa Misiri, na maûndû marîa twonaga tûvîtûkîrîrîte mavûrûrirî marîa mengî.

Josh 24:14

“Nake Joshua nîwathiîre na mbere kwîra andû a Isiraeli atîrî, “Rîu îtigagîreni Ngai-Mûnene na mûmûtungatagîre mûmwîvokete na ma. Tiganani na ngai irîa methe menyu ma tene maagoocaga marî Mesopotamia na marî Misiri. Tungatagîrani Ngai-Mûnene arî wenga.

Kûguû 11:8

Nacio ciimba ciao nîikaamama njîrarî ya îtûûra rîrîa rînene kûrîa Mwathani wao ambîîrwe. Na rîo rîîtwa rîa ngerekano rîa îtûûra rîu nî Sodomu, kana Misiri.