Ezek 22:3 - ÎVUKU RÎA ÛVORO MWARO

³ Îra îtûûra rîu Ngai-Mûnene arauga atî, we nîûragaga andû aku na nîwîgwatagia gîko na njîra ya kûvoya mîvuanano, kwoguo îvinda rîaku nîrîkinyu.

Ezek 22:3 ပူးပေါင်းရင်းမြစ်များ

2Atha 24:3

Ngai-Mûnene nîke wathanire ûndû ûcio wîkîke kûrî Juda, nîguo athirie andû a Juda nîûndû wa mevia monthe marîa mûthamaki Manase eekîte,

2Atha 24:4

na makîria nîûndû wa andû onthe arîa aaûragîte matarî na mavîtia. Ngai-Mûnene ndangîoveere Manase nîûndû wa ûguo.

Thaburi 106:39

Ûguo nîguo maatuîkire andû matarî atheru, na magîtuîka andû matarî evokeku kûrî Ngai nîûndû wa ciîko ciao.

Isaia 1:21

Na kaî îtûûra rîrîa rîarî rîvokeku nîrîtuîkîte ta mûmaraa-î! Vîndî îmwe nîrîecûrîte ûthingu na ûma, nwatî rîu rîcûrîte aûragani.

Ezek 12:25

Nwatî nie Ngai-Mûnene nîngaaragia na ûndû ûrîa naria nîûkaavingua ûtagwîkarîrîria. Kavinda ga ûtûûro wenyu, mue aremi a Isiraeli, ngaragia ûndû na ûgekîka. Nie Ngai-Mûnene nînie mbugîte ûguo.”

Ezek 22:2

“We mûndû, nîûgaatuîra ciira îtûûra rîîrî rîcûrîte aûragani? Rîmenyithie maûndû monthe marîa marî mûgiro rîaneka.

Ezek 22:27

Atongoria ao arîa marî îtûûrarî mekariî ta ciathi irîa itambururangaga nyamû irîa ciûragîte. Maûragaga andû nîguo megîre na ûtonga na njîra îrîa îtarî mbagîrîru.

Ezek 22:4

We ûrî na mavîtia nîûndû wa nthakame îo wîtûrûrithîtie, na ûkegwatia gîko na njîra ya mîvuanano îo wîrûthîrîte. Nîûtûmîte mîthenya yaku înyivanyive, nayo mîaka yaku îgeere kûthira. Kwoguo nîndûmîte ûmenwe nî ndûrîrî na ngatûma ûnyararwe nî mavûrûri monthe.

Ezek 22:6

Anene a Isiraeli arîa marî kûrî we, wa mûnene kûringana na vinya wake mendaga wa kûûragana.

Ezek 23:37

Nîmarûthîte maûndû ma ûtharia na nîmaûraganîte. Nîmarûthîte maûndû ma ûmaraa na mîvuanano yao, na makamîrutîra ciana ciakwa irî magongoona ma kûvîvua.

Ezek 23:45

Nwatî andû arîa athingu nîmakaamatuîra ciira ûrîa aka arîa itharia na aûragani matucagîrwa, nîûndû nî itharia na nîaûragani.”

Ezek 23:7

Ohola nîwavûrire ûmaraa na andû onthe a Asîria arîa maarî îgweta, na nîwegwatirie gîko na njîra ya kûvoya mîvuanano ya mûndûmûrûme wa wonthe ûrîa eeriragîria.

Ezek 33:25

“Kwoguo meere nie Ngai-Mûnene nîramera atî: Nîmûrîcaga nyama irî na nthakame, mûkavoya ngai cia mîvuano na mûkaûragana. Mûrona vûrûri ûyû wagîrîrwe nîgûtuîka wenyu?

Ezek 9:9

Nake nîwanjokerie atîrî, “Mavîtia marîa mekîtwe nî nyomba ya Isiraeli na Juda nî meengî mûno. Vûrûri wîcûrîtwe nî ûragani, na îtûûrarî nakuo gûtirî maûndû marekwa na njîra ya kîvooto. Maugaga atî, nie Ngai-Mûnene nîndiganîrîtie vûrûri wao na atî ndimonaga.

Mika 3:10

Mue mûratuma îtûûra rîa Zayuni na nthakame, mûgatuma Jerusalemu na ûragani na wagi wa kîvooto.

Zefania 3:3

Anene akuo mekariî ta mînyambû îkîrarama; atucanîri ciira a kuo mekariî ta ciathi mvûtu, irîa itangîtiga kûthûa îvîndî nginya kîraûko.

Aroma 2:5

Nwatî we ûrî na ngoro nyûmû na nîûregete kwîrira. Kwoguo nîûreîngîvîria îvera rîaku rîrîa rîgaakinya mûthenya ûrîa marakara ma Ngai na îtua rîake rîa ma rîkaguûranîrua.

2Pet 2:3

Nîûndû wa ûkoroku wao, arimû aya a maveeni magetongagia na njîra ya kûmûganîra ng'ano cia gwîtungîra. Na kwa îvinda îraca Mûmacirithia ethîrîtwe evarîrîtie, na mûmacûkangia atamamiî!