Ezek 22:20 - ÎVUKU RÎA ÛVORO MWARO

²⁰ Andû maûnganagia cuuma ya sîlûva, gîcango, na cuuma ya mavati na îgekîrwa mwakirî nîguo îrarûrwe na îtherue. Kwoguo nîngaamûngania vamwe nîrî na marakara na mang'ûrîka na mûvîvue na mwaki mûrarûrwe ta ûrîa cuuma îrarûragwa.

Ezek 22:20 ပူးပေါင်းရင်းမြစ်များ

Isaia 1:25

Nîngaamûverithia; nîngaamûtheria ta ûrîa cuuma îtheragua na mwaki, na nîmûtherie gîko kîenyu kîonthe.

Isaia 54:16

“Taroria, nînie naûmbire mûturi wa indo cia cuuma, ûrîa ûvurutaga mwaki wa makara, agacoka agatura indo cia mbaara naguo. Na nwanie naûmbire mûndû ûrîa ûcûkangagia akathiria.

Jeremia 4:20

Mûthiro ûrarûmîrîra mûthiro wîngî, vûrûri wonthe nîmûcûkangie viû. Magema metû nîmacûkangua wa rîmwe; mbathia cietû igatarûrangwa wa rîmwe.

Jeremia 8:13

Ngai-Mûnene arauga atîrî, “Nendaga gûcokanîrîria andû akwa vamwe, ta ûrîa mûrîmi acokanagîrîria maketha make, mekariî ta mîthavibu îtarî na thavibu, kana ta mîkûyû îtarî na ngûû; na mathangû mayo marî maûmû, wana kîrîa kîonthe namaveete nîkîaûrire.”

Ezek 22:19

Kwoguo nie Ngai-Mûnene mbugîte atî muonthe mûtuîkîte ta gîko gîa cuuma, kwoguo rîu nîngûmûcokanîrîria vamwe kûu Jerusalemu.

Ezek 22:21

Nîngaamûcokanîrîria vamwe na nîmwakîrie mwaki wa marakara makwa, na nîmûkaararûrwa mûrî kûu îtûûrarî.

Ezek 22:31

Kwoguo nînîmetîrîrîtie marakara makwa. Nîmaavîvîtie na mwaki wa mang'ûrîka makwa kûringana na mavîtia mao ngamathiria.” Ûguo nîguo nie Ngai-Mûnene mbugîte.

Ezek 24:13

Ciîko ciaku cia ûmaramari we Jerusalemu nîcio ikûgwatîtie mûgiro. Nageririe gûkûtheria ûkîrema. Kwoguo nîwîkara ûtarî mûtheru nginya rîrîa ûkegua ûrito wa marakara makwa.

Ezek 36:18

Kwoguo nînametûrûrîre marakara makwa nîûndû wa nthakame îrîa meetûrûrire vûrûrirî wao na nîûndû wa mûgiro ûrîa maagwatirie vûrûri na njîra ya kûgooca mîvuanano.

Hosea 8:10

Wana ethîrwa nîmeyendetie kûrî andû a ndûrîrî, nie nîngaamaûngania wa rîmwe. Vîndî îo nîrîo makegua maûndû makîmaritûvîra marî rungu rwa mûthamaki ûrîa ûmavinyagîrîria.