Ezek 21:7 - ÎVUKU RÎA ÛVORO MWARO

⁷ Na rîrîa magaakûria ûracaya nîkî, ûkaamera ûracaya nîûndû wa ndûmîrîri îrîa yûkîte. Rîrîa ndûmîrîri îo îgaakinya, ngoro cionthe nîigeecûrwa nî guoya na njara ithire vinya. Maroho monthe nîmakaaringîka na maru maregere ta manjî. Nama mûthenya ûcio nîûgûka na nwanginya ûkaavingua.” Ûguo nîguo Ngai-Mûnene augîte.

Ezek 21:7 ပူးပေါင်းရင်းမြစ်များ

2Sam 17:10

Nake mûndû ûrîa mûmîrîru mûno, na ûrî ngoro ta ya mûnyambû nîagetigîra nîûndû Aisiraeli onthe nîmaicî atî aguo nî mûndû wicî kûrûa mûno na andû ake methagîrwa marî njamba.

2Atha 21:12

kwoguo Nie, Ngai-Mûnene Ngai wa Isiraeli nîndetere Jerusalemu na Juda ûndû mûcûku nginya atî mûndû wa wonthe ûkeegua ûvoro ûcio nîakaamaka.

Thaburi 58:7

Maroûrîra ta manjî makîûrîra mûtheturî; marokinyangwa na maûme ta nyaki îrî njîrarî.

Ntha 15:15

Atongoria a Edomu nî amaku; nao andû arîa marî vinya a Moabu nîmarainaina nîûndû wa guoya; andû a Kanaani nîmathirîtwe nî ûmîrîru.

Isaia 13:7

Kwoguo njara cia andû onthe nîikaaregera, na ngoro cia andû onthe iringîke.

Isaia 28:19

Rîrîa rîonthe mûthiro ûcio ûkûvîtûka nîûkaamûcûkangia; nîûndû ûkaavîtûkaga iraûko cionthe, mûthenya na ûtukû; nî gûkaagîa na guoya mûnene rîrîa ndûmîrîri îno îkeguîka.

Isaia 35:3

Ongererani vinya njara icio icunjurîte, na mwongerere vinya maru mau maregerû.

Isaia 7:2

Rîrîa mûthamaki wa Juda aamenyithirue atî, andû a Sîria nî manyitanîrîte na andû a Isiraeli, ke na andû ake onthe nîmaanyitirwe nî guoya nyîngî nginya makinaina ta ûrîa mîtî ya kîthakarî inainagua nî rûkûngi.

Jeremia 26:12

Jeremia nîwacokire akîarîria anene na andû onthe akîmeera atîrî, “Ngai-Mûnene nîwandûmire ndathîre hekarû îno na îtûûra rîîrî maûndû mau monthe mwegua.

Jeremia 49:23

Ûvoro wîgiî Damesiki Ngai-Mûnene arauga atîrî, “Andû a matûûra ma Hamathi na Aripadi nîmamakîte, nîûndû nîmeguîte maûndû macûku. Marainaina nî guoya, ta îria rîkinaiana, na rîtingîvorera.

Jeremia 50:43

Mûthamaki wa Babuloni nîeguîte ûvoro wao, njara ciake ikathira vinya; nîagîte na kîeva, na ûrûrû ta wa mûndûmûka agîciara.

Jeremia 8:18

Nîrî na kîeva gîtangîthira, nîrî mûrwaru ngoro.

Maca 5:17

Nîûndû wa ûguo ngoro cietû nî ndwaru, na metho metû magatiga kwona,

Ezek 20:49

Nînaacokire ngiuga atîrî, “Ngai-Mûnene! Andû aya mararia ûvoro wakwa makiugaga: ‘Kinthî mûndû ûyû ndaragia maûndû na ngerekano?’ ”

Ezek 21:15

nîguo mathirwe nî ûmîrîru na andû eengî mavîngîcîke. Mîîrîgarî yao yonthe nîmvecanîte rûviû rûkûvenia. Rûthûîtwe na rûravenavenia ta rûveni rwîvarîrîtie kûragana.

Ezek 21:6

“Na we mûndû, caya; caya ûrî na kîeva na ûrîtwe nî mwîvoko magîkwonaga.

Ezek 21:8

Ngai-Mûnene nîwambîrire atîrî,

Ezek 22:14

Vîndî îrîa ngaambîrîria gûkûverithia nîûkaagîa na ûmîrîru, kana njara ciaku igîe na vinya? Nie Ngai-Mûnene nînie mbarîtie na nwanginya mbîke ûrîa mbugîte.

Ezek 24:19

Nao andû nîmaambûririe atîrî, “Ûgîka ûndû ûyû ûrenda gûtwonia atîa?”

Ezek 6:2

“Mûndû, taroria na kûu irîmarî cia Isiraeli ûirathîre ûvoro

Ezek 7:17

Njara cia andû onthe ikethîrwa itarî na vinya, namo maru mao mainaine.

Ezek 7:26

Maûndû macûku magaaûka marûmanîrîrîte. Ndûmîrîri cia maûndû macûku igaaûkaga irûmanîrîrîte. Nîmagaacaragia kîoneki kuuma kûrî arathi. Athînjîri-Ngai nîmagaatura ûndû wa kûthomithania, nao athuuri matikethîrwa marî na kîrîra.

Danieli 5:6

Mûthamaki nîwatukirie kîthithi, akîvavûka, akinaina na akîthirwa nî vinya.

Alawi 26:36

Nîngaatûma andû enyu arîa marî îthamîriorî mecûrwe nî guoya nginya mamakague nî mûgambo wa îthangû rîkinainua nî rûkûngi. Mûkaaûraga takwa mûvinyûrîtue mûkîûrîra mbaara, na mûkaagûcaga wana gûtarî nthû imûvinyûrîtie.

Nahumu 2:10

Îtûûra rîa Nineve nîrîomomore na rîgacûkangua viû! Andû matirî na vinya ngoro na maru nîmakovovoku, vinya nî nthiru, mothiû mao makathita.

Luka 21:26

Andû nîmakaagirîka nîûndû wa guoya vîndî îrîa makeethîrwa metererete kwona ûrîa nthî yonthe îgekara, nîûndû mavinya monthe ma îgûrû nîmakenyenyua.

Gûco 20:8

“Anene acio a athigari a mbaara nîmakaathiî na mbere kwarîria andû mameere atîrî, ‘Kûrî mûndû gatagatîrî kenyu ûregua guoya na atarî na vinya ngoro? Mûndû ûcio nîacoke mûciî, nîûndû avota gûtûma athigari acio engî megue guoya.’

Ahib 12:12

Kwoguo ûkîrîriani njara cienyu na îgûrû icio nogu na mûkûnjûre maru mau menyu maratetema.

Josh 5:1

Athamaki onthe a Amori arîa maatûûraga mwena wa îthûîro wa Jorodani na athamaki onthe a Akanaani arîa maatûûraga rûtererî rwa îria rîa Mediterania nîmaamakire mûno megua atî Ngai-Mûnene nîwatûmîte rûnjî rwa Jorodani rûnyare nginya rîrîa andû a Isiraeli maaringire. Nao nîmeguire guoya na magîtigîra nîûndû wa andû a Isiraeli.

Josh 7:5

Andû a Ai nîmaavinyûririe athigari a Isiraeli kuuma mîvîrîgarî ya îtûûra na nîmaamaunûkithirie karîma nginya kûrîa kwenjagwa mathiga na nîmaaûragire athigari a Isiraeli mîrongo îthatû na atandatû. Andû a Isiraeli nîmaagwatirwe nî guoya na magîtigîra.

1Pet 4:7

Îthirîro rîa indo cionthe rîrî vakuvî. Îkaragani mwîîguîte na mwîvarîrîtie, nîguo mûvotage kûvoya.