Ezek 21:6 - ÎVUKU RÎA ÛVORO MWARO

⁶ “Na we mûndû, caya; caya ûrî na kîeva na ûrîtwe nî mwîvoko magîkwonaga.

Ezek 21:6 ပူးပေါင်းရင်းမြစ်များ

Isaia 16:11

Kwoguo nînîracakaya ngoro nîûndû wa Moabu, na ngegua kîeva nîûndû wa Kiri-heresi.

Isaia 21:3

Maûndû marîa noonire na ngîgua nîmaatûmire mbîgua ûrûrû mûno, nîrî mwîcûre nî ûrûrû mwîngî, ûrûrû ta wa mûndûmûka agîciara. Nînîratuurwa mûno nginya ngaremwa nî kwîgua, nîrî mûmaku mûno nginya ngaremwa nî kwona.

Isaia 22:4

Kwoguo rîu nîramwîra atîrî: Mûtigatindanîre nanie, tiganani nanie ndîre methori ma ruuo, mûtikethînie kûmvoreria nîûndû wa ûrîa andû akwa macûkangîtue.

Jeremia 19:10

“Nawe nîûgacoka ûrage nyûngû andû onthe arîa mwathiîte nao makîonaga,

Jeremia 30:6

Rîu ta îyûrieni na mwîcirie: mûndûmûrûme nwa aciare mwana? Nîndûî kîratûma mone wa mûndûmûrûme, aigîrîrîte njara îvu ta mûndûmûka arî na ûrûrû wa gûciara? Nîndûî gîtûmîte mothiû ma andû onthe mathite?

Jeremia 4:19

Ruuo, ruuo! Nînîraturwa mûno! Ngoro yakwa îratuma na vinya, ndingîvota gûkira; nîûndû mûgambo wa karumbeta, na kîng'ora Kîam mbaara.

Ezek 21:12

Mûndû, rîra ûkiugagîrîria, nîûndû rûviû rûu rûnooretwe nîûndû wa andû akwa na atongoria a Isiraeli. Manenganîrîtwe nîguo maûragwe vamwe na andû akwa, Kwoguo îringe kîero!

Ezek 21:5

Nao andû onthe nîmakaamenya atî nie Ngai-Mûnene nacomora rûviû kuuma njûrarî rûtingîcokua kuo rîngî.

Ezek 21:7

Na rîrîa magaakûria ûracaya nîkî, ûkaamera ûracaya nîûndû wa ndûmîrîri îrîa yûkîte. Rîrîa ndûmîrîri îo îgaakinya, ngoro cionthe nîigeecûrwa nî guoya na njara ithire vinya. Maroho monthe nîmakaaringîka na maru maregere ta manjî. Nama mûthenya ûcio nîûgûka na nwanginya ûkaavingua.” Ûguo nîguo Ngai-Mûnene augîte.

Ezek 32:18

“Mûndû, cakaîra mwîngî wa Misiri, ûmaikie nthî, Misiri yo mene na erîtu a mavûrûri marîa marî îgweta. Maikie vûrûri wa arîa akuû mathiî vamwe na arîa manyûrûrûkaga kwa arîa akuû.

Ezek 37:20

“Ûkaanyita tûrûthanju tûu tuoîrî na njara yaku na ûkaarûngama mbere yao nîguo mone.

Ezek 4:12

Ûgooca mai ma mûndû marî maûmû, wakie mwaki namo, ûkande mûgate na ûûruge na ûrîe andû makîonaga.”

Ezek 6:11

Ngai-Mûnene augîte atîrî, “Inainia njara ciaku na ûringithie magûrû maku nthî na uuge: Wûi nîûndû wa maûndû marîa marî mûgiro manekwa nî andû a Isiraeli. Andû a Isiraeli nîmakaaûragwa nî mbaara, yûra na mîrimû.

Ezek 9:4

na akîmwîra atîrî, “Vîtûkanîria îtûûrarî rîonthe rîa Jerusalemu na wîkîre rûûri mothiûrî ma andû onthe arîa maracaya na mararîra nîûndû wa maûndû marîa macûku marekwa îtûûrarî.”

Danieli 5:6

Mûthamaki nîwatukirie kîthithi, akîvavûka, akinaina na akîthirwa nî vinya.

Danieli 8:27

“Nie Danieli nînathirirwe nî vinya ngoro na ngîrwara mîthenya mîngî. Nînaacokire ngîvora na ngîcoka wîrarî ûrîa naveetwe nî Mûthamaki. Nînamakire mûno nîûndû wa kîoneki kîu na ndiavota gûtaûkîrwa nî kîo.

Nahumu 2:10

Îtûûra rîa Nineve nîrîomomore na rîgacûkangua viû! Andû matirî na vinya ngoro na maru nîmakovovoku, vinya nî nthiru, mothiû mao makathita.

Habakuku 3:16

Mbîgucaga ûguo ngamakania, mîromo yakwa îkainaina nî guoya, mavîndî makwa makagondoka, magûrû makwa makainaina. Nîmbetererete ngirîrîrîtie mûthenya ûcio wa mûthiro, ûrîa ûgaûka kûrî andû arîa matûtharîkagîra.