Ezek 21:3 - ÎVUKU RÎA ÛVORO MWARO

³ Îra vûrûri wa Isiraeli atî nie Ngai-Mûnene mbugîte nîngûcomora rûviû rwakwa kuuma njûrarî na mbûrage andû aro wana arîa aganu nîmarute kûrî we.

Ezek 21:3 ပူးပေါင်းရင်းမြစ်များ

Ayubu 9:22

Maûndû monthe nîûndû ûmwe, kwoguo mbugaga atî, Ngai acûkangagia andû aro wana arîa acûku.

Thaburi 17:13

Ûka we, Ngai-Mûnene! Regana nao na ûmavoote! Mvonokia na rûviû rwaku kuuma kûrî andû arîa aganu,

Thaburi 80:17

Menyerera na ûgitîre andû arîa ûthuurîte, rûrîrî rûrîa watûmire rûgîa vinya.

Thaburi 83:15

Mavinyûrithie na kîvuvûkanio gîaku kînene, na ûmamakie na rûvuvo rwaku.

Ntha 15:9

Nthû yaugire atîrî, ‘Nie nîngûmarûmîrîria na nîmanyite, nîngûgaania ûtonga wao na nthiî na ûrîa wonthe ngwenda, nîngûcomora rûviû rwa njûra nîmathirie na njara yakwa.’

Mûvunjia 9:2

Gûtirî ngûrani ya mûndû mûthingu na mûndû mwaganu, mûndû mwaro na mûndû mûcûku, mûndû mûtheru na ûtarî mûtheru, arîa marutaga matega na arîa matarutaga, nîûndû mûrigîrîrio wao onthe nî ûmwe. Gûtirî ngûrani ya mûndû mwaro na mwîvia, na gûtirî ngûrani ya mûndû ûrîa wîvîtaga na ûrîa ûtevîtaga.

Isaia 10:5

We Asîria, nîwe rûthanju rûrîa ndûmagîra narakara, nîwe mûragi wa mang'ûrîka makwa.

Isaia 34:5

Nîûndû rûviû rwa Ngai nî rûvarîrîrie îgûrû, taroriani, rûranyûrûrûka rûthiîte kûverithia Edomu, andû arîa avangîte kûthiria.

Isaia 57:1

Mûndû mûthingu nîakucaga na gûtirî mûndû ûmakaga; andû aro mangîkua, gûtirî mûndû ûmenyaga atî Ngai nîkwa amagitagîra matikanyitwe nî maûndû macûku.

Jeremia 17:27

Nwatî mûngîrega kûmbathîkîra na mûririkanage mûthenya wa thavatû na mûwamûrage; mûrege gûkuua mûrigo mûvîtûkîrîre mûvîrîgarî wa Jerusalemu mûthenya wa thavatû, nîngakania mwaki ivingorî cia îtûûra, na nîûgacûkangia nyomba cia athamaki Jerusalemu na ndûkavorekia.”

Jeremia 21:13

Taroria nie nîrarûa namue mue mûtûûraga Kîamndarî, “Mue mûtûûraga rûnyanjararî rwa îthiga, mue mûragia atî nû ûngînyûrûrûka gûtûtharîkîra, nîûrîkû ûngîtonya kûrîa tûtûûraga?

Jeremia 21:14

Nîngamûverithia kûringana na ciîko cienyu, nîngagwatia mûtitû wenyu mwaki, na ûvîvie kîndû kîonthe kîrîa kîûthiûrûrûkîrîtie. Ûguo nîguo nie Ngai-Mûnene nîrauga.”

Jeremia 50:31

“Nie Ngai-Mûnene mwene vinya monthe nîrauga atîrî, “We Babuloni wîcûrîtwe nî mwîtîîo! Kwoguo nîngûregana nawe, kavinda gagûkûverithia nîgakinyu.

Jeremia 51:20

Ngai-Mûnene arauga atîrî, “We Babuloni nîwe nyondo na indo ciakwa cia mbaara, nîwe ndûmagîra kwananga mothamaki.

Jeremia 51:25

Babuloni nîngûrûa nawe we kîrîma kîrîa gîcûkangagia, we ûcûkangagia nthî yonthe. Nîngûtambûrûkia njara yakwa ngûnyite, nîngûgaragaria kuuma mathigarî îgûrû, na ngûtue kîrîma kîvîvie na mwaki.

Ezek 13:8

Kwoguo Ngai-Mûnene amerîte atîrî, “Nîûndû cioneki cienyu tî cia ma na nîmwarîtie maûndû ma maveeni, nie nîndeganîte namue.

Ezek 14:17

“Nwa ndûme kûgîe mbaara vûrûrirî, na kûgîe indo njûku cia mbaara ithirie andû wana nyamû cia kîthaka.

Ezek 14:21

Ngai-Mûnene arauga atîrî, “Nîngûverithia Jerusalemu na maûndû mana: Mbaara, yûra, nyamû mbaganu cia kîthakarî na mîrimû mîcûku nîguo andû mathire, na nyamû ithire.

Ezek 21:19

“We mûndû, thuura njîra igîrî irîa mûthamaki wa Babuloni akaathiîrîra na rûviû rwake. Njîra cioîrî ikaauma vûrûrirî ûmwe. Kîambîrîriarî Kîam njîra nîvo ûkaaiga kîvaû gîa kwonanîrîria mwena ûrîa îtûûra rînene rîrî.

Ezek 24:9

Kwoguo nie Ngai-Mûnene Ngai nîrauga atîrî, “Îtûûra rîîrî rîcûrîtwe nî ûragani kaî rîrî na thîna-î! Wananie nîngaaiga kuo kîrûndo kînene Kîam ngû.

Ezek 26:3

“Kwoguo rîu, nie Ngai-Mûnene Ngai mbugîte atî nîndeganîte nawe we Turo. Nîngaatûma ndûrîrî nyîngî ciûke ikûtharîkîre. Magaûka kûrî we ta makûmbî ma manjî ma îriarî.

Ezek 29:10

kwoguo nie nîndeganîte nawe na ngaregana na nyûnjî ciaku. Nîngaatûma vûrûri wa Misiri ûtigwe ûrî mûtheri na ûrî mwanangîku kuuma Megido kûthiî nginya Siene na kûthiî mûvakarî wa Ethiopia.

Ezek 5:12

Gîcunjî kîmwe Kîam ithatû Kîam andû enyu, nîmagaakua nî mûrimû mûcûku na yûra marî kûu mûrî; gîcunjî kîmwe Kîam ithatû kîngî nîgîgaakuîra mbaararî kûu îtûûrarî; gîcunjî kîu kîngî Kîam ithatû nîngaakînyagania nthî yonthe na njoke nîkîrûmîrîrie na rûviû.

Ezek 5:8

Kwoguo, nie Ngai-Mûnene wana nie nîngûregana namue na nîngaamûtuîra ciira ndûrîrî ikîonaga.

Alawi 26:25

Nîngaarekereria nthû cienyu irûe namue nîguo nîmûverithie nîûndû wa kûrega kûvingia kîrîkanîro gîetû. Na wana mwaûngana vamwe matûûrarî menyu nîguo mûgitîrwe, nî ngaamûtûmîra mûrimû mûcûku mûno wa kûûraga andû eengî mûno gatagatîrî kenyu na nî ngaamûrekereria kûrî nthû cienyu.

Alawi 26:33

Nîngaatûma mûrûe mbaara na nîmûnyaganie mavûrûrirî marîa mengî. Vûrûri wenyu nîûgaatiganîrua, na matûûra menyu matigwe marî momokangu.

Amosi 5:6

Cariani Ngai-Mûnene, namue nîmûgûtûûra mwoyo. Ethîrwa tîmûmûcaria nîakaamûthiria mue njiarwa cia Josefu na Mwaki. Mwaki nîûkavîvia atûûri a Betheli na gûtirî mûndû ûkaavota kûûvoria.

Amosi 7:4

Ngai-Mûnene, Ngai nîwamonirie Kîoneki gîkî gîa kaîrî. Nînonire Ngai-Mûnene Ngai agîta mwaki nîguo averithie andû naguo. Mwaki ûcio nîwavîvirie manjî ma îria nginya kûrîa kûrikîru mûno na ûgîtamba nginya nthî nyûmû.

Nahumu 2:13

“Taroriani, Nie Ngai-Mûnene mwene vinya wonthe, nîngûrûa namue: nîngûvîvia ikaari icio cienyu cia mbarathi, athigari enyu nîmakaaûragîrwa mbaararî, na nîngoca indo cionthe irîa mwocire kuuma kûrî andû engî. Mûgambo wa anjaama enyu ndûkeguîka rîngî.”

Nahumu 3:5

Ngai-Mûnene mwene vinya wonthe arauga atîrî, “Nîngûkûverithia we Nineve! Nîngûkûruta nguo wîthîrwe wî njaga, na ndûme andû a mavûrûri moone njaga yaku, na mothamaki moone gîconoko gîaku.

Zefania 2:12

Wana mue andû a Kushi nîmûkaaûragwa nî rûviû rwake.

Zakaria 13:7

Ngai-Mûnene mwene vinya wonthe augîte atîrî, “We rûviû rwa njûra, ûkîra ûtharîkîre mûrîthi wakwa, ûtharîkîre mûndû ûrîa ûndungatagîra. Ûraga mûrîthi nacio ng'ondu nîikûnyagania; na nîngûtharîkîra irîa nini.