Ezek 21:10 - ÎVUKU RÎA ÛVORO MWARO

¹⁰ Rûnooretwe rwa kûragana; rûthûîtwe nîguo rûvenagie ta rûveni! Kûrî na ûndû wa gûkenerera? Andû akwa nîmanyararîte rûthanju Rwa kûverithia mûvîcîwa.

Ezek 21:10 ပူးပေါင်းရင်းမြစ်များ

2Sam 7:14

Nîngaatuîka îthe, nake atuîke mûvîcîwa. Angîkaavîtia nîngaamûverithia wata ûrîa mwana averithagua nî îthe.

Esita 3:15

Watho ûcio wavecanirwe kûu Susa kwa mûthamaki, nake mûthamaki Ahasuerusi na Hamani nîmekarire nthî na makînyua ndivei, nao andû onthe arîa maarî îtûûrarî rîa Susa nîmaamakire mûno.

Mûvunjia 3:4

Kavinda ga kûrîra na kavinda ga gûkena, kavinda ga kîeva na kavinda ga kwîinia.

Jeremia 23:20

Marakara ma Ngai-Mûnene matikathira nginya rîrîa akethîrwa ekîte na akavingia wendi wa meciria make. Mûthiiarî, nî ûgataûkîrwa nîguo waro.”

Jeremia 46:4

Ovani mbarathi mîkwa na mûciîkarîre, norani matumû menyu! Îkîrani ngovia cia cuuma cia kûgitîra kîongo na mwîvarîrie! Mûndû nîekîre indo ciake cia mbaara cia kwîgitîra!

Ezek 20:47

Îra Vûrûri wa Negebu ûthikîrîrie ûrîa Ngai-Mûnene augîte. Taroriani, nîngaakia mwaki kûrî we na nîûkaavîvia mîtî yonthe mîruru na mîtî yonthe mîûmû îrîa îrî kûrî we. Mwaki ûcio ndûkaavorua nî kîndû. Andû onthe kuuma mwena wa îveti kûthiî nginya mwena wa rûgûrû nîmakaavîvua nî ûrugarî wa guo.

Ezek 21:11

Kwoguo rûviû rûnenganîrîtwe nîguo rûthûwe, nîguo rûnyitîke na njara; Rûnooretwe na rûkatherua nîguo rûnengerwe ûrîa ûraganaga.

Ezek 21:4

Nîûndû ngaamaûraga nîmarute kûrî we arîa aro wana arîa aganu, kwoguo ngaaûraga andû onthe kuuma mwena wa îveti kûthiî mwena wa rûgûrû.

Nahumu 1:10

Mue mîrîu mûkaavîvua ûthire; mûkaavîvua ta kîthaka Kîam mîgua, kana ta macaki maûmû.

Nahumu 3:3

Arîa mathiîcaga mekarîrîte mbarathi nîmaratharîkîra, mviû na matumû nîiravenavenia; arîa maûragîtwe matingîtarîka, ciimba nî nyîngî mûno; andû maravîngîcwa nî arîa akuû!

Habakuku 3:11

Riûa na mweri nîciarûngamire irî kûrîa ciîkaraga, rîrîa cionire ûtheri wa mîguî yaku îthiîte mûno, rîrîa cionire îtumû rîaku rîkîvenavenia.

Kûguû 2:27

Nîakaamatha na mûragi wa cuuma na nîagaicûkangia wata ûrîa nyûngû ya yûmba îcûkangagua îgatuîka icunjî.