Ezek 20:6 - ÎVUKU RÎA ÛVORO MWARO

⁶ Mûthenya ûcio nînevîtire nîrî mbere yao ngiuga atî nîngaamaruta vûrûri wa Misiri nîmavire vûrûrirî ûrîa naamacarîrie, vûrûri mûnoru na ûrî îriia na ûûkî mwîngî, vûrûri mwaro gûkîra mavûrûri monthe.

Ezek 20:6 ပူးပေါင်းရင်းမြစ်များ

Nehemia 9:12

Mûthenya nîwamatongoragia na îtu, na ûtukû wamamûrîkagîra njîra na mwaki.

Nehemia 9:9

“Nîwonire ûrîa methe metû ma tene maathînîkire marî Misiri; nîwegwire magîgûkaîra marî îriarî îtune nîguo ûmatethie.

Thaburi 106:24

Nîmaacokire makînyarara vûrûri ûcio mwaro, nîûndû matietîkia ûrîa Ngai aamerîrîte.

Thaburi 47:5

Ngai nîaunûkîtie athiîte gîtîrî gîake Kîam ûthamaki, arakûngûîrwa na gîkeno na tûrumbeta tûkîvuvagwa.

Thaburi 48:2

Zayuni, kîrîma Kîam Ngai, nî kîraca na nî kîthaka; îtûûra rîa mûthamaki mûnene nîrîkenagia andû onthe a nthî.

Ntha 13:5

Ngai-Mûnene nîwerîre methe menyu ma tene na akîîvîta atî nîakaamûva vûrûri wa Akanaani, na wa Ahiti na wa Amori, na wa Ahivi, na wa Ajebusi. Vûrûri ûcio wîcûrîte ûkî na îria. Mwakinya kuo, mweri wa mbere wa Abibu wa mwaka wa mwaka nwanginya mûgakûngûagîra kîrugo gîkî.

Ntha 3:17

na nînduîte atî nîngûmaruta vûrûri wa Misiri kûu matûûraga na mathîna nîmavire vûrûri wîcûrîte ûûkî na îria. Vûrûri ûcio nîguo ûtûûragwa nî andû Akanaani, Ahiti, Amori, Aperizi, Ahivi na Ajebusi.

Ntha 3:8

Kwoguo nie nyûrûrûkîte mbûke nîmatethûre kuuma kûrî andû a Misiri, nîmarute Misiri nîmavire vûrûri mwaro na mûnene. Vûrûri ûcio wîcûrîte îria na ûûkî, na nîkuo gûtûûragwa nî Akanaani, Ahiti, Amori, Aperizi, Ahivi na Ajebusi.

Ntha 33:3

Nîmûthiî vûrûri ûrî na îriia na ûkî. Nwatî nie tîtûthiîcania namue, nîûndû mûrî andû aremi na navota kûmûthiria mûrî njîrarî.”

Ntha 6:8

Nanie nîngaamûvira vûrûrirî ûrîa nerîîre Iburahimu, Isaka na Jakovu atî nîngaamava na nîngaamûva guo ûtuîke wenyu. Nie nî Nie Ngai-Mûnene.’ ”

Jeremia 11:5

Nanie nîngavingia maûndû marîa neranîre kûrî methe menyu na mwîvîtwa, atî nîngaamava vûrûri ûrî na îriia na ûûkî, (ûrîa marî naguo rîu).” Nînacokire ngiuga atîrî, “Ngai-Mûnene, kûrotuîka guo.”

Jeremia 3:19

Ngai-Mûnene arauga atîrî, “We Isiraeli, nîciragia ûrîa nîngîkwamûkîra ta mwana wakwa, na ngûve vûrûri mwaro, îgai rîaro gûkîra mavûrûri monthe ma nthî. Neciragia atî we nwa ûmbîte vava na ndûgatigana nanie rîngî.

Jeremia 32:22

Nîwamavere vûrûri ûrîa wamerîre. Vûrûri ûrîa werîre methe metû, vûrûri ûrî îriia na ûûkî.

Ezek 20:15

Marî werûrî nînevîtire kûrî o ngiuga ndikaamavira vûrûrirî ûrîa naamaveete wîcûrîte îriia na ûûkî na mwaro gûkîra mavûrûri monthe,

Ezek 20:23

Makîria ma ûguo nînevîtire nîrî mbere yao kûu werûrî ngiuga atî, nîngaamanyagania gatagatîrî ka ndûrîrî ciîngî na ndûme mavirwe mavûrûrirî mengî.

Ezek 20:42

Rîrîa ngaamûcokia vûrûrirî wa Isiraeli, vûrûri ûrîa nerîrîre methe menyu na mwîvîtwa atî nîngaamava, nîmûkaamenya atî nie nînie Ngai-Mûnene.

Ezek 20:5

Meere Ngai-Mûnene augîte atî, mûthenya ûrîa nie naathuurire andû a Isiraeli nîneranîre na mwîvîtwa kûrî njiarwa cia Jakovu na ngîîmenyithania kûrî o marî vûrûrirî wa Misiri. Nevîtire kûrî o ngiuga atî nie nînie Ngai-Mûnene Ngai wenyu.

Ezek 47:14

Nînevîtire ngiuga nîngava methe menyu vûrûri ûyû ûtuîke wao. Rîu gaîrani mîvîrîga yonthe icunjî ciîganene.

Danieli 11:16

Mûthamaki ûrîa ûkathithûkîra andû a Sîria nî akaameka wa ûrîa akwenda na gûtirî mûndû ûkaaregana nake. Nîa kaarûngama vûrûrirî wa Isiraeli na vûrûri ûcio wonthe ûkethîrwa ûrî rungu rwa wathani wake.

Danieli 11:41

Nî akaatharîkîra vûrûri wa kîîranîro na aûrage andû ngiri makûmi mengî. Nwatî vûrûri wa Edomu, Moabu na gîcunjî kînene Kîam Amoni nîikaavonokua kuuma kûrî ke.

Danieli 8:9

Kuuma kûrî wa rûvîa rwa icio inya, nîvaaumîrire karûvîa kanini. Vinya wa wathani wa karûvîa kau wathiîre ûkîongererekaga na mwena wa îveti, mwena wa îrathîro, na kûthiî vûrûri wa Kîranîro.

Alawi 20:24

Nwatî nînîmwîrîrîte atî, nîngaamûva vûrûri wao mûûgae ûtuîke wenyu, vûrûri ûrî îriia na ûûkî. Nie nînie Ngai-Mûnene, Ngai wenyu na nîmûthuurîte kuuma gatagatî ka ndûrîrî irîa ciîngî.

Zakaria 7:14

Nînaamanyaganirie na njîra ta ya rûkûngi rûnene mavûrûrirî mataicî na magîtûûra kuo marî ageni. Vûrûri ûrîa maatigire watuîkire werû, na gûtirî mûndû wathiîcaga kana akauma kuo. Vûrûri ûcio mwaro gûtirî mûndû watûûrire kuo.”

Ndari 13:27

Athigani acio nîmeerire Musa atîrî, “Nîtûratuîririe vûrûri ûcio twona ûrî na îriia rîîngî na ûûkî, na mama nî matunda mamwe ma vûrûri ûcio.

Ndari 14:8

Ethîrwa Ngai-Mûnene nîakwona tûrî agîrîru, nîagûtûvira vûrûrirî ûcio wîcûrîte îriia na ûûkî na atûve guo.

Gûco 11:9

Namue nîmûgaatûûra kavinda karaca vûrûrirî ûcio wîcûrîte îriia na ûûkî, vûrûri ûrîa Ngai-Mûnene eerîrîre methe menyu wa vamwe na njiarwa ciao atî nîakaamava.

Gûco 26:15

Ngai-Mûnene, ûrî îgûrû kûu kûtheru ûtûûraga, rathima andû aku, Aisiraeli na vûrûri ûrîa ûtûveete wata ûrîa werîre methe metû na mwîvîtwa, vûrûri wîcûrîte îriia na ûûkî.’

Gûco 26:9

Ngai-Mûnene nîwatûretire vûrûrirî ûyû wîcûrîte îriia na ûûkî.

Gûco 27:3

Nîmûgaacoka mwandîke maathani mama monthe mathigarî mau mwarîkia gûtonya vûrûrirî ûrîa Ngai-Mûnene Ngai wa methe menyu akûmûva, wata ûrîa aamwîrîîre. Vûrûri ûcio wîcûrîte îriia na ûûkî.

Gûco 3:25

Ngai-Mûnene, nakûthaitha ûmbîtîkîrie ninge rûnjî rwa Jorodani ngone vûrûri ûcio mwaro ûrî irîma nthaka na irîma cia Lebanoni.’

Gûco 31:20

Nîngaamavira vûrûri wîcûrîte îriia na ûûkî, ûrîa nerîîre methe mao na mwîvîtwa atî nîngaamava. Nîmakaarîa kîrîa kîonthe makaavatara na matûûre makenete. Nwatî nîmakaagarûrûka na magooce ngai ciîngî na maitungatîre. Nîmakaaregana nanie na maune kîrîkanîro kîrîa naarûthire nao.

Gûco 32:40

Wata ûrîa Nie nîrî Ngai ûrîa ûtûûraga mwoyo, nîngûkîrîria njara nîîvîte atî,

Gûco 32:8

Rîrîa Ngai ûrîa Ûrî Îgûrû Mûno aagaîre mavûrûri îgai rîao, rîrîa agaanagia andû nîwavere mavûrûri kûndû gwa gûtûûra, wa vûrûri kûringana na mûraika wa guo.

Gûco 6:3

Kwoguo mue andû a Isiraeli, thikîrîriani maathani mau na mûmathîkîre na kinyi! Mweka ûguo maûndû menyu nîmakûvua na mwongerereke mwîngîve mûno na mûtûûre vûrûrirî ûcio mûnoru, ûrî îriia na ûûkî wata ûrîa Ngai-Mûnene, Ngai wa methe menyu aamwîrîîre.

Josh 5:6

Andû a Isiraeli nîmaathiîre îvinda rîa mîaka mîrongo îna marî werûrî na arûme arîa maarî na ûkûrû wa kûthiî mbaararî nîmaakuîrîre werûrî marega kwathîkîra Ngai-Mûnene. Nake Ngai-Mûnene nîwevîtîte nîûndû wao akiuga ndageetîkîra makinya vûrûri ûrîa eerîre methe mao atî nî akaamava vûrûri mûnoru ûrî îria na ûûkî.