Ezek 20:12 - ÎVUKU RÎA ÛVORO MWARO

¹² Makîria ma ûguo, nînaamavere mîthenya yakwa ya thavatû îtuîke kîmenyithia gatagatî gakwa nao nîguo mamenye atî nie Ngai-Mûnene nînie nîmatheragia.

Ezek 20:12 ပူးပေါင်းရင်းမြစ်များ

Kîam 2:3

Ngai nîwarathimire mûthenya ûcio wa mûgwanja na akîwamûra, nîûndû mûthenya ûcio nîguo aanogokire arîkia wîra wake wa ûmbi.

Nehemia 9:14

Nîwamathomithirie kûrûmagîrîra thavatû yaku ntheru, kûvîtûkîrîra Musa ndungata yaku nîwamaathire marûmagîrîre maathani maku.

Ntha 16:29

Menyani atî nie nînie Ngai-Mûnene, na nînîmûvete mûthenya wa kûvurûka. Kîu nîkîo gîtûmaga wa mûthenya wa gatandatû nîmûva irio mbîganu cia mîthenya îîrî. Mûthenya wa mûgwanja wa mûndû nîekarage gwake na ndakaumagare athiî kûndû.”

Ntha 35:2

Mûrî na mîthenya îtandatû ya kûruta wîra wenyu wonthe, nwatî mûthenya wa mûgwanja ûkethagîrwa ûrî mûthenya mûtheru wa thavatû na wa kûvurûka wamûrîrîtwe Ngai-Mûnene. Mûndû wa wonthe ûkaaruta wîra wana ûrîkû mûthenya ûcio nî akaaûragwa.

Isaia 56:2

Gûkena nî mûndû ûrîa ûrûmagîrîra na kinyi maûndû marîa mbugaga, ûrîa wîkaraga amenyererete mûthenya wa thavatû atakûûthûkia, na atagwîka wanarî ûndû mûcûku.”

Jeremia 17:22

Na mûtigakuue mûrigo kuuma nyombarî cienyu mûthenya wa thavatû, kana mûrute wîra wanarî ûrîkû. Kûngûagîrani mûthenya ûcio na mûwamûrage, wata ûrîa nie Ngai-Mûnene naathire methe menyu.

Ezek 20:20

na mûvecage thavatû ciakwa gîtîîo nîguo ituîkage kîmenyithia gatagatî gakwa namue, atî Nie Ngai-Mûnene nî Ngai wenyu.

Ezek 20:26

Nînamagwatirie mûgiro na njîra ya matega mao na ngîtûma maruta marikithathi mao marî magongoona ma kûvîvua. Nînatûmire macûkangue nîguo mamenye atî nînie Ngai-Mûnene.

Ezek 37:28

Nacio ndûrîrî nîikaamenya atî, nie Ngai-Mûnene nînyamûrîte andû a Isiraeli matuîke andû akwa na atî hekarû yakwa îkethagîrwa îrî gatagatîrî kao tene na tene.”

Ezek 44:24

Kûngîgîa na ngucanio magatuithanagia ciira kûringana na watho wakwa ûrîa ûgîte. Makaarûmagîrîra mawatho ma mîthenya îrîa mîamûre kûringana na mawatho na irîra ciakwa, na mamenyagîrîre thavatû ciakwa ciîthagîrwe irî ntheru.

Alawi 20:8

Vingagiani mawatho makwa, nîûndû Nie nînie Ngai-Mûnene ûrîa ûmûtheragia.”

Alawi 21:15

nîguo ndakagwatie ciana ciake gîko gatagatîrî ka andû ao. Nie nînie Ngai-Mûnene na nînie nîmwamûrîte arî Mûthînjîri-Ngai Mûnene.”

Alawi 21:23

Nwatî nîûndû mûthînjîri-Ngai ûcio arî na wonje, ndagîrîrwe nî gûkuvîvîria gîtambaa kîrîa kîtheru kana akuvîvîria metha ya kîgongoona. Ndagîrîrwe nî kûgwatia indo icio ntheru gîko, nîûndû Nie nînie Ngai-Mûnene na nînie nîitheragia.”

Alawi 21:8

Tucagani mûthînjîri-Ngai mûndû mwamûre nîûndû nîarutagîra Ngai matega ma irio. Nie Ngai-Mûnene nîrî mûtheru na nînie nîmûtheragia.

Alawi 23:24

“Îra andû a Isiraeli atî, mûthenya wa mbere mwerirî wa mûgwanja rîrîa tûrumbeta tûkaavuvwa, nî mûkaavurûka na mûgomane vamwe nîguo mûgooce.

Alawi 23:3

Mûrî na mîthenya îtandatû îrîa mûkaarutaga wîra, nwatî mûthenya wa mûgwanja, mûthenya wa thavatû, nî mûthenya wa kûvurûka. Mûtiagîrîrwe nî kûruta wîra mûthenya ûcio, nwatî mûgomanage vamwe nîûndû wa kûgooca. Thavatû nî yakwa, na mûkaamîmenyagîrîra mûrî wa kûrîa mûkethagîrwa mûrî.

Alawi 23:32

Mûkaamenyerera thavatû na mwînyerekagie kuuma kîvwaî Kîam mûthenya wa kenda nginya kîvwaî Kîam mûthenya wa îkûmi wa mweri wa mweri.”

Alawi 23:39

Mûkaambîrîria gûkûngûîra kîrugo gîkî mûthenya wa îkûmi na îtano mweri wa mûgwanja mwarîkia gûketha irio. Mûgaakûngûîra kîrugo gîkî îvinda rîa mîthenya mûgwanja, nwatî mûthenya wa mbere na wa kanana nî mîthenya ya kûvurûka.

Alawi 25:4

Nwatî mwaka wa mûgwanja mûtikarîme mîgûnda. Mwaka ûcio nî thavatû ya Ngai-Mûnene. Mûtikavandage irio mîgûndarî yenyu kana mûmenyerera mîgûnda yenyu ya mîthavibu.

Akol 2:16

Kwoguo mûtikaanetîkîrie mûndû wana ûrîkû amûtuîre kîrîa mûkûrîa, kana kîrîa mûkûnyua wana kana ûrîa mûkûrûmîrîra mîthenya mîthuure, kana irugo cia mweri mûcerû, wana kana thavatû.

1Ath 5:23

Ngai ûrîa ûtûvecaga thayû aromûtua atheru na njîra cionthe. Ke aromwiga mûrî agima roho, mîoyo na mîîrî yenyu nîguo mûkethîrwa mûtarî na ûcuke rîrîa Mwathani wetû Jesû agaaûka.

Juda 1:1

Kuuma kûrî nie Juda, ndungata ya Jesû Kristû, na nwa nie mûrwang'ina na Jakuvu. Kûrî andû arîa metîtwe nî Ngai na arîa matwîre mendetwe nî Ngai Vava na mûkamenyererwa nî Jesû Kristû.