Ezek 2:3 - ÎVUKU RÎA ÛVORO MWARO

³ na akîmbîra atîrî, “We mûndû, nîngûtûma kûrî andû a Isiraeli, andû mareganîte nanie. Nginya ûmûnthî andû acio nîmamvîtîrîtie wata ûrîa methe mao maamvîtîrie.

Ezek 2:3 ပူးပေါင်းရင်းမြစ်များ

2Atha 17:14

Nwatî nîmaaregire kwathîka; nîmaaûmirie ngoro ciao wata methe mao arîa maaregire gwîtîkia Ngai-Mûnene Ngai wao.

2Atha 17:15

Nîmaaregire gûtîîa irîra ciake, nîmaaregire kûvingia kîrîkanîro kîrîa Ngai-Mûnene aarûthîte na methe mao ma tene, na matiegua maûndû marîa Ngai-Mûnene, Ngai wao aamakaanîtie. Nîmaagoocire mîvuanano îtarî vata na wanao o ene magîtuîka andû matarî vata rîngî. Nîmaarûmîrîre mîtugo ya mavûrûri marîa maamathiûrûkîrîtie. Ûguo nîguo maregire kwathîkîra maûndû marîa Ngai-Mûnene amaathîte matigeke.

Ezira 9:7

Kuuma vîndî ya methe metû ma tene nginya ûmûnthî tue nîtwîvîtie mûno. Nîûndû wa mevia metû tue, athamaki etû, na athînjîri-Ngai etû nîtûgwîte njararî cia athamaki ageni tûkaverithua na tûkaûragwa. Tûrî atave na tûgacuunwa indo cietû na nîtûregua tûconokete mûno.

Nehemia 9:26

“Kûnarî ûguo andû aku nîmaaregire kwathîka, na nîmaareganire nawe. Nîmaareganire na Watho waku na makîûraga arathi arîa maameraga makûgarûrûkîre, na mavinda meengî nîmaakûrumire.

Thaburi 106:28

Nîmaacokire magîtuîka arûmîrîri a Baali marî Peori, na makîrîa magongoona marîa maarutîrîtwe mîvuanano îtarî mwoyo.

Isaia 30:1

Ngai-Mûnene arauga atîrî, “Kaî ciana irîa ireganaga nanie irî na thîna-î, irûthaga mîvango yacio, nwatî tî yakwa; irûthaga ngwatanîro itaringanîte na ûrîa mendaga, makongerera wîvia îgûrû rîa wîvia.

Jeremia 1:7

Nwatî Ngai-Mûnene nîwambîrire atîrî, “Ndûkauge atî wî mûndû mwîthî; nwanginya ûthiî kûrî andû arîa ngûgûtûma kûrî o, na ûmeere ûrîa wonthe ngûkwatha.

Jeremia 3:25

Twagîrîrwe nî kûmama nthî tûthithîte mothiû metû nîûndû wa ûrîa tûconokete, tûreke gîconoko gîetû gîtûkunîkîre nîûndû tue, vamwe na methe metû tûtwîre twîvagia Ngai-Mûnene, Ngai wetû, na tûtianathîkîra mûgambo wake.

Jeremia 36:2

“Oca îvuku rîa gîkûnjo na wandîke maûndû monthe marîa nakwîrire megiî Isiraeli, Juda, na mavûrûri monthe, kuuma rîrîa nambîrîrie kwaria nawe, Josia arî mûthamaki nginya ûmûnthî.

Jeremia 44:20

Nake Jeremia nîwacokire akîra andû onthe, arûme wana aka, arîa maamûcokeretie ûguo atîrî,

Jeremia 44:21

“Mue, methe menyu ma tene, athamaki na atongoria enyu, vamwe na andû a vûrûri, nîmaarutire magongoona matûûrarî ma Juda, na varavararî cia Jerusalemu. Nwatî Ngai-Mûnene nîwamenyire maûndû mau na ndaariganîrwa.

Jeremia 7:2

mûrangorî wa hekarû ya Ngai-Mûnene na anîrîre ndûmîrîri îno auge atîrî, “Thikîrîriani ndûmîrîri ya Ngai-Mûnene mue arîa mûtonyaga gûkû hekarûrî kûgooca Ngai-Mûnene.

Ezek 17:12

“Rîu arîria andû acio aremi ûmaûrie kana nîmaicî ûrîa ngerekano îo yugîte. Meere atî mûthamaki wa Babuloni nîwaûkire Jerusalemu na agîoca mûthamaki wa Jerusalemu wa vamwe na atongoria ake na akîthiî nao Babuloni.

Ezek 24:3

Arîria andû acio akwa aremi na ngerekano ûmeere nie Ngai-Mûnene nîrauga atî; Igîrîra thuvuria îgûrû rîa riiko rîrî na mwaki na ûmîcûrie manjî.

Ezek 40:4

Mûndû ûcio nîwambîrire atîrî, “We mûndû, roria waro na ûtege matû wîgue na wîcirie waro ûvoro wa maûndû marîa ngûkwonia. Ûndû ûcio nîguo watûmire ûretwa gûkû. Nwanginya wîre andû a Isiraeli maûndû monthe marîa ûkwona.”

Amosi 7:15

Ngai-Mûnene nîwandutire wîrarî wakwa wa kûrîthia akîmbîra mbûke ndathîre andû ake a Isiraeli.

Malaki 3:7

Kuuma vîndî ya methe menyu, mue nîmûtiganîrîtie maathani makwa na mûkarega kûmarûmîrîra. Kwoguo nie Ngai-Mûnene, mwene vinya wonthe nîrauga atîrî: Njokererani, nanie nîngûmûcokerera. Nwatî mue mûragia atîrî, ‘Nîtûgûcokerera atîa?’

Ndari 20:10

Ke na Aroni nîmeetire andû onthe na magîcemania vau mbere ya îthiga. Musa nîwamerire atîrî, “Rîu tanthikîrîriani mue aregi aya! Nîmûkwenda tûmûrutîre manjî îthigarî rîîrî?”

Ciîko 7:51

Nake Stefano nîwathiîre na mbere na kwaria akiuga atîrî: “Na kaî mue andû aya mûrî aûmû ngoro-î! Atî mue mûtirenda gwîtîkia Ngai wana kana kûthikîrîria ndûmîrîri yake! Atî vîndî cionthe mue nîkwa mûregaga kûthikîrîria Roho Mûtheru. Mue mûreka wata ûrîa methe menyu ma tene meekire.

Aroma 10:15

Nao andû mangîvunjia atîa matarî atûme. Mandîko Matheru maugîte atîrî, “Na kaî andû arîa mathiîcaga kûvunjia ûvoro Mwaro nî aro-î!”

Gûco 9:24

Mûtûûrîte mûreganîte na Ngai-Mûnene kuuma rîrîa naamûmenyire.

Gûco 9:27

Ndûkarorie ûremi, waganu kana wîvia wa andû aya, nwatî ûririkane ndungata ciaku Iburahimu, Isaka na Jakovu.