Ezek 2:2 - ÎVUKU RÎA ÛVORO MWARO

² Nînacokire ngîcûrwa nî Roho wa Ngai na akînûngamia. Ngîgua akîmbarîria,

Ezek 2:2 ပူးပေါင်းရင်းမြစ်များ

Nehemia 9:30

Îvinda rîa mîaka mîngî nîwamakirîrîrie, na nîwavere arathi Roho waku nîguo makaanie andû acio. Nwatî matiakûthikîrîria. Kwoguo nîwamarekererie kûrî andû a ndûrîrî ciîngî.

Ezek 11:5

Nînacokire ngîcûrwa nî Roho wa Ngai-Mûnene, na akîmbîra ngeere andû a Isiraeli Ngai-Mûnene augîte atîrî, “Ûguo nîguo mugaga mue nyomba ya Isiraeli, nîûndû nîmbicî meciria menyu.

Ezek 24:3

Arîria andû acio akwa aremi na ngerekano ûmeere nie Ngai-Mûnene nîrauga atî; Igîrîra thuvuria îgûrû rîa riiko rîrî na mwaki na ûmîcûrie manjî.

Ezek 3:12

Nînacokire ngîambararua na îgûrû nî Roho, na vuva wakwa nînegwire mûgambo ta wa kîthingithia kînene ûkiuga, “Riiri wa Ngai-Mûnene ûrîa ûrî îgûrû ûrokumua.”

Ezek 3:14

Nînacokire ngîambararua nî Roho na akînguua ngîthiî nîrî na ûrûrû na marakara ngororî, na Ngai-Mûnene akîmboca na vinya wake.

Ezek 3:24

Nwatî nînecûrirwe nî Roho wa Ngai na ûkînûngamia. Ngai-Mûnene nîwambîrire atîrî, “Thiî ûkevingîre gwaku nyomba.

Ezek 36:27

Nîngaamwîkîra roho wakwa ndarî yenyu na nîngaatûma mûrûmagîrîre mawatho makwa na mûmenyagîrîre waro matuîro makwa ma cira.

Danieli 8:18

“Na vîndî îo aambaragîria, nînaagwîre nthî na ngîgirîka, nwatî nîwanyitire akîmbûkîrîria na ngîrûngama na magûrû makwa.

Kûguû 11:11

Nwatî vuva wa mîthenya îo îthatû na nuthu Ngai nîwamavere mîvevû îrîa îtûmaga mûndû agîe na mwoyo. Nao nîmaarûngamire na andû onthe arîa mamoonire nîmaagîre na guoya nyîngî.

Atir 13:25

Naguo Roho wa Ngai-Mûnene nîwambîrîrie kûmwîkîra vinya arî kûrîa mbarî ya Dani yambîte magema gatagatî ka Zora na Eshitaoli.

1Sam 16:13

Samueli nîwocire mûcuva ûrîa warî na maguta ma mîtamaiyû îrîa îciaraga matunda na agîtîrîria Daudi maguta aa mûrwang'ina makîonaga. Naguo roho wa Ngai-Mûnene nîwanyûrûrûkîre Daudi wa rîmwe na agîkara nake kuuma mûthenya ûcio. Nake Samueli nîwacokire Rama.