Ezek 2:1 - ÎVUKU RÎA ÛVORO MWARO

¹ Mûgambo ûcio waugire atîrî, “We mûndû, rûngama na magûrû maku na nîngûkwarîria.”

Ezek 2:1 ပူးပေါင်းရင်းမြစ်များ

Thaburi 8:4

mûndû nî ndûî, atî nîguo ûmwîciragie; mûndû wa nthî nî ndûî, atî nîguo ûmûmenyagîrîre?

Ezek 1:28

Ûkengu ûcio warî na marangi ta ma mûkûngambura. Ûguo nîguo mûvano wa ûkengu wa riiri wa Ngai-Mûnene wekariî. Rîrîa nawonire nînegwîthirie ngîturumithia ûthiû nthî, na ngîgua mûgambo wambarîria.

Ezek 12:3

nîûndû nî aremi. Kwoguo mûndû, varîria mîrigo yaku ûthiî îthamîriorî na ûthiî mûthenya magîkwonaga, ûrîre kûndû kwîngî. Nwakwîthîrwa magataûkîrwa wana ethîrwa nî andû aremi.

Ezek 13:2

“Mûndû, rathîra arathi a Isiraeli na ûregane na ûrathi wao ûrîa marathaga kûringana na meciria mao. Meere mathikîrîrie kiugo Kîam Ngai-Mûnene.”

Ezek 14:13

“Mûndû, vûrûri wa wonthe ûngîvia nîûndû wa kûrega gûtuîka evokeku kûrî nie, nîngaaûverithia. Nîngaacûkangia makûmbî mao ma irio na ndûme kûgîe na yûra. Nîngaatûma andû a vûrûri ûcio makue, wana nyamû ciakuo.

Ezek 14:3

“Mûndû, andû aya nîmetîkîtie mîvuanano, na mîvuanano îo nîîratûma mevie. Nie nwambîtîkîre mambûrie ûtaaro wa wonthe?

Ezek 15:2

“Mûndû, mûtî wa mûthavibu nî mwaro gûkîra mîtî îrîa îngî ya kîthakarî? Rûvûa rwaguo nî rwaro gûkîra mvûa cia mîtî îo îngî?

Ezek 16:2

“Mûndû, menyithia îtûûra rîa Jerusalemu maûndû marîa macûku rîkîte.

Ezek 17:2

“Mûndû! Gwatithania ndaî na warîrie andû a Isiraeli na ngerekano,

Ezek 2:3

na akîmbîra atîrî, “We mûndû, nîngûtûma kûrî andû a Isiraeli, andû mareganîte nanie. Nginya ûmûnthî andû acio nîmamvîtîrîtie wata ûrîa methe mao maamvîtîrie.

Ezek 2:6

“Nwatî we mûndû ndûkametigîre kana wîtigîre mîario yao. Wana wathiûrûrûkîrua cong'e na mîgua, kana wîkarîre tûng'aurû, ndûkamakue nî mîario yao kana wîtigîre irethiû ciao, nîûndû o aremi.

Ezek 2:8

“Nwatî we mûndû thikîrîria ûrîa ngûkwîra, na ndûgatuîke mûremi ta andû acio. Vingûra kanyua ûrîe kîrîa ngûkûnengera.”

Ezek 20:3

“Mûndû, arîria athuuri a Isiraeli ûmeere Ngai-Mûnene aramaûria kana nîkwa maûkîte gûtuîria wendi wakwa? Na ma wata ûrîa Nie Ngai ndûûraga mwoyo, wendi wakwa ndûgûtuîrua nî mue.

Ezek 3:1

Ngai nîwambîrire atîrî, “We mûndû, rîa kîrîa ûkûvewa. Rîa îvuku rîîrî rîa gîkûnjo ûcoke ûthiî ûkarîrie andû a nyomba ya Isiraeli.”

Ezek 3:10

Nîwacokire akîmbîra atîrî, “We mûndû, thikîrîria waro maûndû monthe marîa ngûkwîra na ûmaige ngororî yaku.

Ezek 3:17

“Mûndû nînagûtua mûrangîri wa andû a Isiraeli. Kwoguo thikîrîria ûrîa ngûkwîra na ûthiî ûgakaanie andû a Isiraeli vandûrî vakwa.

Ezek 3:4

Ngai nîwacokire akîmbîra atîrî, “We mûndû, thiî kûrî nyomba ya Isiraeli na ûmere maûndû marîa ngakwîra.

Ezek 37:3

Nake nîwambûririe atîrî, “We mûndû, mavîndî mama nwa macoke gûtûûra mwoyo?” Nanie nînaamûcokerie atîrî, “Mwathani Ngai-Mûnene, we nwawe wicî!”

Ezek 4:1

Ngai nîwambîrire atîrî, “We mûndû, oca îtuvarî, ûrige mbere yaku na ûcoke ûcore mbica ya îtûûra rîa Jerusalemu îgûrû rîa rîo.

Ezek 40:4

Mûndû ûcio nîwambîrire atîrî, “We mûndû, roria waro na ûtege matû wîgue na wîcirie waro ûvoro wa maûndû marîa ngûkwonia. Ûndû ûcio nîguo watûmire ûretwa gûkû. Nwanginya wîre andû a Isiraeli maûndû monthe marîa ûkwona.”

Ezek 43:18

Mwathani Ngai-Mûnene nîwambîrire atîrî, “Mûndû thikîrîria ûrîa ngûkwîra. Rîrîa metha ya kîgongoona îgaatumwa nîûkaamîamûra na njîra ya kûvîvîria magongoona vo na kûmîminjaminjîria nthakame ya nyamû irîa irutîtwe cia magongoona.

Ezek 5:1

Ngai-Mûnene nîwambîrire atîrî, “We mûndû, oca rûviû rûûgî. Rûtûmîre ta kawembe ka mwenji wenje nderu ciaku na njuîrî ciaku cia kîongo. Ûcoke ûithime na ûigaanie maita mathatû (3).

Ezek 7:2

“We mûndû, îra andû a Isiraeli atî nie Ngai-Mûnene mbugîte ûyû nî mûthiia! Ûyû nî mûthiia wa vûrûri wonthe!

Danieli 10:11

Nake mûraika nîwambîrire atîrî, “Danieli, Ngai nîakwendete mûno. Rûngama na ûthikîrîrie waro ûrîa ngûkwîra. Nie ndûmîtwe kûrî we.” Rîrîa aambîrire ûguo, nînarûngamire wa nginainaga.

Danieli 10:19

Nîwambîrire atîrî, “We mûndû ûyû, Ngai nî mûkwendu mûno, ndûgetigîre! Gîa na thayû, gîa na vinya na ûmîrîrie!” Na rîrîa aambîrire ûguo, nînaagîre na vinya na ngiuga atîrî, “Mwathi wakwa, rîu mbîra ûrîa ûkwenda, nîûndû nîwambîkîra vinya.”

Danieli 8:17

Gaburieli nîwaûkire na akîrûngama varîa naarî. Nînavavûkire mûno nginya ngîgwa nthî. Nwatî Gaburieli nîwambîrire atîrî, ‘We mûndû ûyû, menya atî maûndû mau wonire megiî mavinda ma mûthiia.’

Mathaayo 17:7

Nwatî Jesû nîwathiîre kûrî o, akîmavutia na akîmeera atîrî, “Ûkîrani na mûtige kûmaka.”

Johana 3:13

Gûtirî mûndû wanathiî îgûrû tiga Mûrû wa Mûndû ûrîa wanyûrûrûkire kuuma îgûrû.

Johana 3:16

Nîûndû Ngai nîwendire andû a gûkû nthî mûno nîwavecanire Mûriû wake wa mûmwe nîguo mûndû wa wonthe ûmwîtîkîtie ndagaakue nwatî agîe na mwoyo wa tene na tene.

Ciîko 26:16

Nwatî ûkîra ûrûngame na magûrû maku. Nie nakumîrîra nîrî na mworoto wa gûkûthuura nîguo ûtuîke ndungata yakwa na mûira wakwa. We ûkeeraga andû arîa engî ûrîa wona ûmbîgiî ûmûnthî na maûndû marîa ngaakwonia vuvarî.

Ciîko 9:6

“Nwatî ûkîra wa rîu, ûthiî îtûûrarî, na nîûkwîrwa ûrîa wagîrîrîtwe nî gwîka.”