Ezek 19:7 - ÎVUKU RÎA ÛVORO MWARO

⁷ Mûnyambû ûcio nîwambîrîrie kûthiî nyombarî cia anene, na ûgîcûkangia matûûra mao. Vûrûri wonthe vamwe na andû nîmaagwatirwe nî guoya nîûndû wa mûraramo wa guo.

Ezek 19:7 ပူးပေါင်းရင်းမြစ်များ

2Atha 23:33

Neko mûthamaki wa Misiri nîwamûvirire Ribula vûrûrirî wa Hamathi arî mûgwate, nîguo ndakathiî na mbere kwathana arî Jerusalemu. Mûthamaki Neko nîwatûmire vûrûri wa Juda ûrute gooti ya kilo ngiri ithatû na magana mana (3,400) cia sîlûva na kilo mîrongo îthatû na inya (34) cia thaavu.

Nthi 19:12

Mûthamaki arî mûrakaru araramaga ta mûnyambû, nwatî ntha ciake nîta îme rîgwîrîrîte nyaki.

Nthi 28:3

Mûtongoria ûrîa ûvinyagîrîria mûthîni, ekariî ta mbura îrîa yuraga îgatiga yacûkangia irio irî mîgûndarî.

Jeremia 22:17

Nwatî we wonaga na ûkerirîria, kûgîa na indo na njîra îtagîrîrîte, we ûragaga andû matarî na mevia, na ûkavûthîra vinya kûvinyîrîria andû.

Ezek 12:19

Îra andû a vûrûri ûyû ndûmîrîri ya Ngai-Mûnene îgiî andû arîa matûûraga Jerusalemu vûrûrirî wa Isiraeli atî, makaarîa irio magîtetemaga na makaanyua manjî makinainaga. Vûrûri wao ndûkethîrwa na kîndû nîûndû andû onthe arîa matûûraga kuo nî aremi.

Ezek 19:6

Kaaûrûraga vamwe na mînyambû îo îngî, na nîgaatuîkire mûnyambû mwîthî. Nîkaamenyire kûvîta nîguo kone gîa kûrîa gagîcoka kûrîa andû.

Ezek 19:8

Mavûrûri monthe nîmaacokire makîûtharîkîra kuuma na mîena yonthe. Nîwategirwe na ûkînyitithîrua îrimarî rîrîa wategetwe.

Ezek 22:25

Atongoria enyu mekariî ta mûnyambû ûkûrarama ûgîtambururanga nyamû îrîa ûragîte. Maûragaga andû na makamacuna indo ciao cia goro, na nîmatûmîte aka eengî matuîka a ndigwa.

Ezek 30:12

Nîngaatûma rûnjî rwa Nilo rûvwe na menderie andû aganu vûrûri wa Misiri. Nîngaatûma andû ageni manange vûrûri ûcio wana kîndû kîonthe kîrîa kîrî kuo. Nie Ngai-Mûnene nînie mbugîte ûguo.”

Ezek 34:4

Mûtimenyagîrîra irîa itarî na vinya kana mûvonia irîa ndwaru. Mûtiovaga irîa ikûthua kana mûcokanîrîrie vamwe irîa inyaganîtie kana mûcaria irîa ciûrîte. Mûvûthagîra vinya gûciatha.

Ezek 45:8

Gîcunjî kîu gîgaatuîka îgai rîa mûnene ûrîa ûrathana vûrûrirî wa Isiraeli nîguo ndakavinyîrîrie andû akwa, nwatî areke andû magaîrwe vûrûri ûcio wîngî kûringana na mîvîrîga ya Isiraeli.”

Amosi 6:8

Ngai-Mûnene mwene vinya wonthe nîevîtîte akauga, “Nînthûrîte mwîtîîo wa andû a Isiraeli, na ngamena nyomba ciao cia goro, nîngaavecana îtûûra rîao rîrîa rînene na indo cionthe irîa irî kuo kûrî nthû ciao.”

Mika 1:2

Mue andû onthe thikîrîriani; we nthî na indo irîa irî kuo ta thikîrîria. Ngai-Mûnene nîararia maûndû macûku mamwîgiî, araria arî hekarûrî yake ntheru.