Ezek 18:9 - ÎVUKU RÎA ÛVORO MWARO

⁹ Ethîrwa mûndû ta ûcio nî avingagia irîra cia watho wakwa, na nîamenyagîrîra matuîro makwa ma ciira na nîekaga maûndû ma kîvooto, na ma mûndû ûcio nî mûthingu na nîagaatûûra mwoyo. Ûguo nîguo Ngai-Mûnene augîte.

Ezek 18:9 ပူးပေါင်းရင်းမြစ်များ

1Atha 9:4

Ethîrwa ûkaandungatagîra ûrî na wîvokeku na ûthingu ta ûrîa aguo Daudi eekaga, na ûvingagie mawatho makwa na maûndû monthe marîa ngwathîte,

Nthi 12:28

Ûthingu nî njîra ya gûtûûra mwoyo, nwatî waganu nî njîra ya gîkuû.

Ezek 11:12

Nîmûkaamenya atî nie nînie Ngai-Mûnene ûrîa mwaregire kûrûmîrîra mawatho make kana mûvingia irîra ciake, nwatî mwekire kûringana na irîra cia ndûrîrî irîa imûthiûrûrûkîrîtie.”

Ezek 18:10

“Angîthîrwa mûndû ûcio arî na mûvîcî ûcunanaga indo na nî aûraganaga, kana ageka maûndû mau

Ezek 18:17

Kethîrwa nîemenyagîrîra nîguo ndakaavîtîrie mûndû mûthîni, ndetagia umithio wa indo irîa akovithanîtie, na nîathîkagîra watho wakwa na akarûmîrîra irîra ciakwa; mûndû ta ûcio ndagaakua nîûndû wa mavîtia ma îthe. Na ma nî agaatûûra mwoyo.

Ezek 18:19

“Kûnarî ûguo mue mûragia atî, ‘Mûvîcî angîrega kûverithua nîûndû wa mavîtia ma îthe nîkî?’ Mûvîcî angîka maûndû marîa magîrîrîte na ma ma, na nîarûmagîrîra watho wakwa waro, na ma nîagaatûûra mwoyo.

Ezek 20:11

Nînaamavere irîra ciakwa na ngîmamenyithia mawatho makwa nîguo mûndû amarûmîrîra atûûre mwoyo.

Ezek 20:13

Nwatî andû a Isiraeli nîmaareganire nanie marî werûrî. Matiarûmîrîra irîra ciakwa nwatî nîmaaregire mawatho makwa, marîa mûndû angîmarûmîrîra mangîtûma atûûre mwoyo, na makîrega kûva thavatû ciakwa gîtîîo. Nînacokire ngîciria nîmetûrûrîre marakara nîmathirie viû marî werûrî.

Ezek 33:15

kethîrwa mûndû ûcio mwaganu nwa acokie kîndû kîrîa eeranîre na acokie indo irîa acunanîte na vinya na acoke arûmîrîre watho, mûndû ûcio ndagaakua nwatî nîagaatûûra mwoyo.

Ezek 36:27

Nîngaamwîkîra roho wakwa ndarî yenyu na nîngaatûma mûrûmagîrîre mawatho makwa na mûmenyagîrîre waro matuîro makwa ma cira.

Ezek 37:24

Ndungata yakwa Daudi nîgaatuîka mûthamaki wao, na methagîrwe marî a mûrîthi ûmwe. Nîmakaarûmagîrîra matuîro makwa ma ciira na mavingagie mawatho makwa.

Alawi 18:5

Rûmagîrîrani maûndû na mawatho marîa ngûmûva; mûndû ûrîa ûgeeka ûguo nîakaavonokia mwoyo wake. Nie nînie Ngai-Mûnene, Ngai wenyu.

Amosi 5:14

Geragiani gwîka maûndû marîa maro na mûtigekage marîa macûku nîguo mûtûûre mwoyo. Mweka ûguo, Ngai-Mûnene, Mwene vinya wonthe akethagîrwa arî vamwe na mue wata ûrîa mugaga.

Amosi 5:24

Vandû va ûguo, tiga kîvooto kînyûrûrûkage ta karûnjî, na ûthingu ûnyûrûkage ta rûnjî rûtavûcaga.

Amosi 5:4

Ngai-Mûnene arera andû a Isiraeli atîrî, “Njariani namue nî mûgûtûûra mwoyo!

Habakuku 2:4

Ino nîyo ndûmîrîri: ‘Taroria arîa marî mwîtîîo nîmagacûkangua, nao arîa athingu nîmagatûûra nîûndû wa gwîtîkia Ngai.’ ”

Luka 1:6

Na oîrî nîmaatûûrîte marî athingu methorî ma Ngai. Nao nîmaathîkagîra mawatho wa vamwe na maathani ma Mwathani matarî na ûcuke.

Johana 14:21

“Mûndû wa wonthe wamûkagîra maathani makwa na akamathîkîra nîke ûmendete. Vava akendaga mûndû ûrîa ûmendete, wa nanie ngaamwendaga na ngeyonithanagia kûrî ke.”

Ciîko 24:16

Kwoguo vîndî cionthe nie ngeragia gwîka wa ûrîa nîngîvota, nîguo mbîthagîrwe nîrî na thamiri ntheru methorî ma Ngai na ma andû.

Aroma 1:17

Nîûndû Ûvoro Mwaro ûguûragia ûrîa Ngai atûmaga andû matuîke athingu; na njîra ya gwîtîkia kuuma Kîammbîrîria nginya mûthiia. Wata ûrîa kwandîkîtwe mandîkorî matheru atîrî, “Mûndû ûrîa mûthingu nîagaatûûra mwoyo nîûndû wa gwîtîkia.”

Aroma 8:1

Nîûndû wa ûguo, rîu arîa marî ndaarî ya Jesû Kristû matingîtuîrwa atî nî evia.

Gûco 11:1

“Endagani Ngai-Mûnene Ngai wenyu vîndî cionthe na mwathîkagîre maûndû marîa aathanîte, mawatho make, irîra ciake, na maathani make.

Gûco 4:1

Musa nîwacokire akîra andû a Isiraeli atîrî, “Kwoguo athîkagîrani mawatho monthe na matuîro ma ciira marîa nîramûthomithia, na nî mûgaatonya na mûtûûre vûrûri ûrîa Ngai-Mûnene, Ngai wa methe menyu akûmûva.

Gûco 5:1

Musa nîwetire andû onthe a Isiraeli vamwe na akîmeera atîrî, “Mue andû a Isiraeli tathikîrîriani, mawatho na irîra irîa ngûmwîra ûvoro wacio ûmûnthî nîguo mûimenye na mûivingagie na kinyi.

Gûco 6:25

Kethîrwa nwa tûvingie na kinyi maathani mama monthe marîa Ngai-Mûnene, Ngai wetû atwathîte, ke nîagaatûtua athingu.’

1Joh 2:29

Ethîrwa nîmwîcî atî Kristû nî mûthingu, nîmwagîrîrwe nî kûmenya atî mûndû wonthe wîkaga maûndû ma ûthingu nî mwana wa Ngai.

1Joh 3:7

Ciana ciakwa mûtikanetîkîre kûevenua nî mûndû wana ûrîkû. Mûndû wa wonthe wîkaga maûndû ma ûthingu nî mûthingu wata ûrîa Kristû arî mûthingu.