Ezek 18:4 - ÎVUKU RÎA ÛVORO MWARO

⁴ Atîrî, mîoyo yonthe nî yakwa. Mwoyo wa îthe na wa mwana yoîrî nî yakwa. Mwoyo ûrîa ûvîtagia nîguo ûgaakua.’

Ezek 18:4 ပူးပေါင်းရင်းမြစ်များ

2Atha 14:6

Nwatî ndaaûraga ciana ciao. Eekire wata ûrîa Ngai-Mûnene aathanîte wathorî wa Musa atîrî, “Aciari matikaaûragwa nîûndû wa mevia ma ciana ciao, nacio ciana itikaaûragwa nîûndû wa mevia ma aciari a cio. Wa mûndû akaaûragwa nîûndû wa mevia marîa ke mwene ekîte.”

Ayubu 21:20

O ene moone makînyarirîka, tiga megue marakara ma Ngai mwene vinya wonthe.

Ayubu 8:4

Ethîrwa ciana ciaku nînjîvîriu Ngai, ke amaverithîtie kûringana na mavîtia mao.

Isaia 42:5

Ûguo nîguo Ngai-Mûnene arauga, ûrîa waûmbire îgûrû na akîrîtambûrûkia, nîke waûmbire nthî na indo cionthe irîa irî kuo, nîke ûvecaga andû arîa matûûraga kuo mîvevû, na akava mwoyo arîa matûûraga kuo.

Isaia 57:16

Nîûndû ndigûtûûra ngararanagia tene na tene, kana ndûûre ndakarîte nîo vîndî cionthe. Nîûndû nîngîka ûguo, andû onthe nwa makwire, andû arîa nie naveere mwoyo.

Jeremia 31:30

Nwatî wa mûndû agaakua nîûndû wa mevia make ke mwene, mûndû ûrîa ûrîcaga thavibu ndûrû nîke magego make magîcaga ngirira.”

Ezek 18:20

Roho ûrîa ûvîtagia nîguo ûgaakua. Mwana ndakaaverithua nîûndû wa mavîtia ma îthe na îthe ndakaaverithua nîûndû wa mavîtia ma mwana. Mûndû ûrîa mûthingu nîûgaacokererwa nî ûthingu wake ke mwene, na mûndû ûrîa mwaganu nî agacokererwa nî waganu wake ke mwene.

Ezek 18:3

Ngai-Mûnene augîte atîrî, ‘Wata ûrîa nama ndûûraga mwoyo, mûtigaacoka kûgweta nthimo îno rîngî vûrûrirî wa Isiraeli.

Ezek 18:5

“Ethîrwa mûndû nî mûthingu na nîarûmagîrîra watho na ageka ûrîa kwagîrîrîte,

Ezek 3:18

Nîngîkera mûndû mwaganu atî nama nîagûkua nawe ûrege kûmûkaania nîguo agarûrûke avonokie mwoyo wake; mûndû mwaganu nîagaakua nîûndû wa waganu wake, nawe nîngaakûrîvia nthakame yake.

Ezek 33:8

Nîngîkera mûndû mwaganu atî nî agaakua, ûkaamwîra guo. Ûngîkaarega kûmûkaania nîguo atige mîthiîre yake ya waganu, mûndû ûcio nîagaakua nîûndû wa mevia make nawe nîngaakûrîvia gîkuû gîake.

Zakaria 12:1

Îno nî ndûmîrîri ndito îgiî Isiraeli kuuma kûrî Ngai-Mûnene ûrîa waûmbire îgûrû, na akîûmba nthî na akîva mûndû mwoyo. Ke arauga atîrî,

Ndari 16:22

Nwatî Musa na Aroni nîmaaturumithirie mothiû mao nthî na makiuga atîrî, “We Ngai, nîwe kiumo gîa ûtûûro wa andû onthe. Mûndû ûmwe angîkûvîtîria ûrakaragua nî andû onthe?”

Ndari 27:16

“Ngai-Mûnene, Ngai, we kiumo Kîam ûtûûro wonthe, nîrakûvoya ûthuure mûndû wa kûrûngamîrîra andû aya ûrîa ûkaamatongoragia

Aroma 6:23

Nîûndû mûcara wa mevia nî gîkuû, nwatî kîveo kîrîa Ngai avecanaga nî mwoyo wa tene na tene mûrî rûmwe na Jesû Kristû Mwathani wetû.

Agal 3:22

Nwatî mandîko matheru maugaga atî andû onthe a nthî marî rungu rwa vinya wa mevia. Kwoguo kîveo kîrîa kîranîrîtwe nî ûndû wa gwîtîkia Jesû Kristû nîkîvecanagwa kûrî andû arîa metîkîtie.

Gûco 24:16

“Aciari matikaaûragwa nîûndû wa wîvia wa ciana ciao, nacio ciana itikaaûragwa nîûndû wa wîvia wa aciari ao. Wa mûndû akaaûragwa nîûndû wa wîvia ûrîa ekîte ke mwene.

Ahib 12:9

Methe metû ma gûkû nthî nîmaatûverithirie na tûkîmava gîtîîo. Kwoguo nîtwagîrîrwe kwathîkîra Vava wa kîîroho mûno makîria nîguo tûtûûre!