Ezek 18:31 - ÎVUKU RÎA ÛVORO MWARO

³¹ Tecanîriani mevia marîa monthe mûmbîtîrîtie, na mûgîe na ngoro njerû na mwoyo mûcerû. Mue nyomba ya Isiraeli, mûngîkua nîkî?

Ezek 18:31 ပူးပေါင်းရင်းမြစ်များ

2Atha 17:13

Ngai-Mûnene nîwakaanîtie andû a Isiraeli na a Juda na njîra ya arathi onthe na oni akameera atîrî, “Tiganani na mîtugo yenyu mîcûku na mûrûmîrîre maathani makwa na irîra ciakwa, wata ûrîa mandîkîtwe wathorî ûrîa naveere methe menyu na marîa naamûtûmîre kûvîtûkîrîra kûrî arathi, ndungata ciakwa.”

Thaburi 34:14

Ûragîra maûndû marîa macûku na wîkage maûndû marîa maro; caragia thayû na ngoro yonthe.

Thaburi 51:10

Nyûmbîra ngoro ntheru, we Ngai, na ûmbîkîre ngoro njerû na mbathîki.

Nthi 8:36

Nwatî arîa matamonaga metivagia o ene, arîa mamenete nîmendete gîkuû.”

Isaia 30:22

Nîmûgaacoka mûcûkangie mîvuanano yenyu ya gwacwa îrîa îvakîtwe sîlûva na mîvuanano yenyu îrîa îvakîtwe thaavu. Nîmûkaainyagia ta indo irî gîko, mûkiugaga atîrî, “Iroûra!”

Isaia 31:6

Mue andû a Isiraeli, garûrûkîrani ûcio mwaregire na vinya.

Isaia 55:7

Andû arîa aganu nîmatigane na mîthiîre îo yao, nao andû arîa matarî athingu matigane na meciria mao macûku. Nîmacokerere Ngai-Mûnene nîguo ameguîre ntha, na macokerere Ngai wetû nîûndû nîakîragîrîria kwovanîra.

Isaia 59:20

Ngai-Mûnene arera andû ake atîrî, “Ngaaûka Zayuni nîrî Mûkûri wa andû a njiarwa cia Jakovu arîa magaatiganîria mevia mao.

Jeremia 21:8

Nawe Jeremia nîûgacoka wîre andû aya atî Ngai-Mûnene arauga atîrî, “Taroria, nîmbigîte mbere yaku gûtûûra mwoyo na gûkua.

Jeremia 27:13

Nîndûî gîgûtûma we na andû aku mûkua nî mbaara, yûra na mîrimû? Maûndû mama nîmo Ngai-Mûnene aaugîte nîmagekîka kûrî vûrûri wa wonthe ûrîa ûtagatungatîra mûthamaki wa Babuloni.

Jeremia 27:15

Ngai-Mûnene augîte: tî nie ndûmîte arathi acio, nwatî maramûrathîra maûndû ma maveeni magîtûmagîra rîîtwa rîakwa. Nîngûmwîngata mûthiî mûkaûragwe, mue vamwe na arathi acio maramwîra maûndû ma maveeni.”

Jeremia 32:39

Nîngamava mworoto ûmwe nîguo mavote gûtûûra mandîaga tene na tene nîûndû wa wagîrîru wao o ene na wa njiarwa ciao.

Jeremia 4:4

Mue andû a Juda na atûûri a Jerusalemu, îtherieni mûrî mbere yakwa nie Ngai-Mûnene, igani ngoro cienyu îrî ntheru mûrî mbere yakwa. Ethîrwa tî mwîka ûguo nîmbakanwa nî marakara, na gûtirî mûndû ûngîmavoria, nîûndû wa maûndû macûku marîa mwîkaga.”

Jeremia 44:4

Mavinda meengî nînatûmire arathi ndungata ciakwa kûrî mue, ngîmwîra atî, ‘Mûtigeke maûndû mama macûku ûguo nthûrîte!’

Ezek 11:19

Nîngaamûva ngoro njerû na roho mûcerû. Nîngaamûthengutîria ngoro îrîa nyûmû ta îthiga na nîmûve ngoro mbathîki.

Ezek 20:7

Naamerire matecanîrie maûndû marî mûgiro marîa meeriragîrua nî metho mao, na matige kwîgwatia gîko na mîvuanano ya kûgoocwa ya Misiri. Nie nînie Ngai-Mûnene, Ngai wao.

Ezek 33:11

Meere atî wata ûrîa nie Ngai-Mûnene Ngai ndûûraga mwoyo, ndikenagua nî gîkuû Kîam mûndû mwîvia, nwatî mendaga mûndû mwaganu agarûrûke atige mîthiîre yake na atûûre mwoyo. Mue andû a Isiraeli mûrenda gûkua nîkî? Garûrûkani mûtige maûndû menyu ma waganu.

Ezek 36:26

Nîngaamûva ngoro njerû na mbîkîre mwoyo mûcerû ndarî yenyu. Nîngaaruta ndarî yenyu ngoro îrîa nyûmû ta îthiga na njoke mbîkîre ngoro mbathîki.

Ezek 43:9

Rîu nîmatige kûgooca mîvuanano na mavire ciimba cia athamaki ao kûraca nanie, nanie nîngûtûûrania nao tene na tene.

Zakaria 1:3

Kwoguo îra andû Ngai-Mûnene mwene vinya wonthe augîte, ‘Njokererani nanie nîngûmûcokerera.’

Mathaayo 12:33

“Vuithia mûtî namo maciaro maguo methîrwe marî maro, kana ûcûkie mûtî namo maciaro maguo methîrwe marî macûku. Mûtî ûmenyekaga na maciaro maguo.

Mathaayo 23:26

Mue Afarisai aya atumumu! Ambani mûthambie gîko kîrîa kîrî ndaarî ya gîkombe, nakuo kûu nja nîgûkwîthîrwa gwî kûtheru wana kuo.

Ciîko 13:46

Nwatî Paûlo na Baranaba nîmaaririe maûmîrîrîtie mûno na makiuga atîrî: “Kûrarî na vata kiugo Kîam Ngai Kîammbe kîvunjue kûrî mue. Nwatî nîûndû nîmwakîrega na mwetuîra wa mue ene atî mûtirona mûrî agîrîru a kûvewa mwoyo wa tene na tene, tue rîu nîtûkûmûtiga na tûthiî kûrî andû a ndûrîrî.

Ciîko 3:19

Kwoguo îîrireni na mûcokerere Ngai nîguo ke amwovere mevia menyu. Na mwona mweka ûguo,

Aroma 12:2

Mûtikagarûrûke atî nîguo mwîkare ta andû a gûkû nthî, nwatî îtîkîrani Ngai agarûre meciria menyu viû nîguo matuîke macerû. Mweka ûguo mûkaavotaga kûmenya wendi wa Ngai. Mûkaavotaga kûmenya ûndû ûrîa mwaro na ûngîmûkenia na ûrîa mûkinyanîru.

Aroma 8:13

Nîûndû mwatûûra mwathagwa nî maûndû ma mwîrî nîmûgaakua. Nwatî ethîrwa na njîra ya Roho nîmûkûûraga ciîko cienyu njûku irîa mwîkaga, nîmûgûtûûra mwoyo.

Gûco 30:15

“Taroriani, ûmûnthî nîramwîra mûthuure ûndû ûmwe gatagatî ka ûndû mwaro na ûndû mûcûku: gîkuû na mwoyo.

Gûco 30:19

Nîngwîta îgûrû na nthî ituîke aira ûmûnthî mûkîthuura ûndû ûmwe gatagatî ka maûndû mama namwîra; kîrathimo kana kîrumi, gîkuû kana mwoyo. Thuurani mwoyo nîguo mue na njiarwa cienyu mûtûûre.

Jakuvu 1:21

Kwoguo îîyaûreni mîtugo yonthe mîcûku na maûndû monthe matarî maro. Îînyivieni mbere ya Ngai na mwamûkîre kiugo kîrîa avandaga ngororî cienyu na nîkîo kîngîvota kûmûvonokia.

Jakuvu 4:8

Ûkani vakuvî na Ngai nake nîagûka vakuvî namue. Mue evia, îtherieni njara cienyu. Mue mvinga ino îtherieni ngoro cienyu!

1Pet 1:14

Rîu nîûndû mûrî ciana mbathîki cia Ngai, mûtigatûûre na merirîria marîa mwatûûraga namo vîndî ya tene rîrîa mûtaarî ataûkîre.

1Pet 1:22

Rîu nîûndû nîmûtheretie mîoyo yenyu na njîra ya kwathîkîra ûma, nîmûvotete kwenda na ma aarî na ariû a îthe wetû. Kwoguo mûndû nî endage mûndû ûrîa wîngî na ngoro yake yonthe.

1Pet 2:1

Îîyaûreni maûndû monthe macûku, maveeni monthe, ûvinga wonthe, rwetho ruonthe na ciugo cionthe cia gûcambania.