Ezek 18:20 - ÎVUKU RÎA ÛVORO MWARO

²⁰ Roho ûrîa ûvîtagia nîguo ûgaakua. Mwana ndakaaverithua nîûndû wa mavîtia ma îthe na îthe ndakaaverithua nîûndû wa mavîtia ma mwana. Mûndû ûrîa mûthingu nîûgaacokererwa nî ûthingu wake ke mwene, na mûndû ûrîa mwaganu nî agacokererwa nî waganu wake ke mwene.

Ezek 18:20 ပူးပေါင်းရင်းမြစ်များ

1Atha 14:13

Andû onthe a Isiraeli nîmakaamûcakaîra macoke mamûthike. Nîke wenga kuuma mûciî wa Jeroboamu ûrîa ûkaathikwa, nîûndû nîke wenga tu ûkenetie Ngai-Mûnene, Ngai wa Isiraeli.

1Atha 8:32

We Ngai-Mûnene nakûthaitha ûkaathikîrîria na ûgaatuithania ndungata ciaku ûrî kûu îgûrû. Ûkaaverithia mûndû ûrîa mwîvia wata ûrîa kwagîrîrîte, nake mûndû ûrîa mûthingu ûgaatûma agîe na maûndû maringanîte na ûthingu wake.

2Atha 14:6

Nwatî ndaaûraga ciana ciao. Eekire wata ûrîa Ngai-Mûnene aathanîte wathorî wa Musa atîrî, “Aciari matikaaûragwa nîûndû wa mevia ma ciana ciao, nacio ciana itikaaûragwa nîûndû wa mevia ma aciari a cio. Wa mûndû akaaûragwa nîûndû wa mevia marîa ke mwene ekîte.”

2Maû 25:4

Nwatî ndaaûragithia ciana ciao. Eekire wata ûrîa Ngai-Mûnene athanîte wathorî wa Musa atîrî, “Methe matikaaûragwa nîûndû wa mevia ma ciana ciao, kana ciana ciûragwe nîûndû wa mevia ma methe mao. Nwatî wa mûndû akaaûragwa nîûndû wa mevia make ke mwene.”

2Maû 6:23

we Ngai-Mûnene nakûthaitha ûkaathikîrîria ûrî kûu îgûrû na ûtue ciira wa ndungata ciaku. Ûkaaverithia mûndû ûrîa ûkethîrwa avîtîtie na ûkaarekereria mûndû ûrîa ûkethîrwa atarî na mavîtia kûringana na ûthingu wake.

2Maû 6:30

ûkegua mavoya mao ûrî kûu îgûrû. Ûcoke ûmovere nîûndû we, nîwe wicî ngoro cia andû. Ûgeeka kûringana na ûrîa wa mûndû agîrîrwe

Ntha 32:33

Ngai-Mûnene nîwacokerie Musa atîrî, “Andû arîa meevirie nîo ngaavuta marîîtwa mao îvukuurî rîakwa.

Isaia 53:11

Vuva wa kwona umithio wa mathîna ma ndungata yake, nîagaacoka akene; ndungata îo yake nthingu îrî na ûmenyo, nîgaatûma andû eengî matuwe athingu; na nîgaakuuwa mevia mao.

Ezek 14:14

Kethîrwa arûme acio athatû, Nuhu, Danieli na Ayubu matûûraga vûrûri ûcio, mîoyo yao nwayo îngîkaavonokua nîûndû wa ûthingu wao.” Ûguo nîguo Ngai-Mûnene augîte.

Ezek 14:16

Arûme acio athatû mangîthîrwa matûûraga vûrûrirî ûcio, nie Ngai-Mûnene nevîta nauga matingîvonokia ciana ciao cia erîtu na cia anake, nwatî o nwa mavonoke na vûrûri ûtigwe ûrî werû.

Ezek 18:13

nîakovithanagia indo agetia umithio na agoca maciaro makîria, nî agatûûra mwoyo? Ndagaatûûra mwoyo. Nîekîte maûndû monthe marîa marî mûgiro na nîagaakua. Ke nîagaacokererwa nî nthakame yake ke mwene.

Ezek 18:30

“Kwoguo mue nyomba ya Isiraeli nie nîngaamûtuîra ciira, wa mûndû kûringana na njîra ciake, ûguo nîguo Mwathani Ngai augîte. Îrireni na mûgarûrûke mûtigane na maûndû mau menyu macûku mûreka na mûtikareke mevia menyu mamûcûkangia.

Ezek 18:4

Atîrî, mîoyo yonthe nî yakwa. Mwoyo wa îthe na wa mwana yoîrî nî yakwa. Mwoyo ûrîa ûvîtagia nîguo ûgaakua.’

Ezek 33:10

“We mûndû îra andû a Isiraeli marauga atî, ‘Tûrî aritûvîre nî mavîtia na mevia metû na nîmo maratûthiria. Tûngîtûûra mwoyo atîa?’

Ezek 33:6

Nwatî mûrangîri angîona nthû ciûkîte na arege kûvuva karumbeta andû mamenyithue, nthû ciaûka nîikaûraga andû nîûndû wa mevia mao, nwatî gîkuû Kîam andû acio gîkaarîvua mûrangîri.

Ezek 4:4

“Ûcoke ûmame na mwena wa ûmotho, na wîigîrîre mevia ma nyomba ya Isiraeli. Nîûgakuua mevia mao îvinda rîa mîthenya îrîa yonthe ûkaamama na mwena wa waku wa ûmotho.

Alawi 10:17

“Mwaregire kûrîa îtega rîa kûtheria mevia mûrî vandû varîa vamûre nîkî? Îtega rîu nî rîtheru mûno na Ngai-Mûnene amûvete rîo rîrî rîa kûtheria wîvia wa andû.

Alawi 16:22

Mbûri îo nîkaathiî na mevia monthe ma andû a Isiraeli na kûu werûrî kûndû gûtatûûraga andû.

Alawi 19:8

Mûndû ûrîa ûkaairîa akethîrwa arî na wîvia nîûndû wa kûgwatia kîndû kîrîa nyamûrîrîtwe mûgiro, na mûndû ûcio nîakaamûranua na andû akwa.

Alawi 5:1

Ethîrwa mûndû wa wonthe nîetîtwe akavecane ûira îgootirî na arege kûvecana ûvoro wîgiî ûndû ûrîa onete kana eguîte, nwanginya akaaverithua nîûndû wa mavîtia make.

Alawi 5:17

“Ethîrwa mûndû wa wonthe nwa evie atakwenda na njîra ya kuna rîmwe rîa maathani ma Ngai-Mûnene, mûndû ûcio arî na mavîtia na nwanginya akaaverithua.

Ndari 15:31

Mûndû ûcio akaathengutagua kûrî andû arîa engî viû nîûndû wa kûruma Ngai-Mûnene na kuna rîathani rîake, na akaaverithagua nîûndû wa mevia make.”

Ndari 18:1

Ngai-Mûnene nîwerire Aroni atîrî, “We, avîcî aku, vamwe na andû a nyomba yaku nî mue mûkaaverithua kûngîkaagîa na mavîtia marûthîrîtwe varîa Vatheru. Nwatî we na avîcî aku nîmue mûkaaverithua nîûndû wa mavîtia marîa makaaumana na ûthînjîri-Ngai.

Mathaayo 16:27

Nîramwîra maûndû mama monthe nîûndû Mûrû wa Mûndû arî vakuvî gûka arî na riiri wa îthe na araika ake. Na nîagaacoka arîve mûndû wa wonthe kûringana na ciîko ciake.

Gûco 24:16

“Aciari matikaaûragwa nîûndû wa wîvia wa ciana ciao, nacio ciana itikaaûragwa nîûndû wa wîvia wa aciari ao. Wa mûndû akaaûragwa nîûndû wa wîvia ûrîa ekîte ke mwene.

Ahib 9:28

Na njîra wata îo Kristû nîwerutire rita rîmwe arî kîgongoona, nîguo athengutie mevia ma andû eengî. Ke nîagaaûka rita rîa kaîrî na vîndî îo ndagaaûka gûtûma andû moverwe mevia, nwatî agaaûka kûvonokia andû arîa matûûraga mamwetererete.

1Pet 2:24

Kristû ke mwene nîwakuuire mevia metû mûtharavarî na njîra ya mwîrî wake. Eekire ûguo nîguo maûndûrî ma wîvia twîkare ta tûrî akuû na tûtûûrage mwoyo maûndûrî ma ûthingu. Mue rîu nîmûvonetue na njîra ya ironda ciake.

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.

Kûguû 20:12

Na nînoonire andû arîa maakuîte, anene na anini, marûngamîte mbere ya gîtî Kîam ûthamaki. Namo mavuku nîmaavingûrirwe. Na îvuku rîngî narîo nîrîavingûrirwe na nî îvuku rîa mwoyo. Andû arîa maakuîte nîmaatuîrîrwe kûringana na ûrîa mekîîte, wata ûrîa kwandîkîtwe mavukurî mau.