Ezek 16:8 - ÎVUKU RÎA ÛVORO MWARO

⁸ “Rîrîa navîtûkîrîre vakuvî nawe rîngî, nînoonire atî nama warî mwîrîtu mûkinyiu wa kûmbwa. Nînarutire nguo yakwa ya îgûrû ngîgûkunîka nîguo ûthithe njaga. Nîtwarîkanîre nawe atî nîtûkûvikania, nawe nîwatuîkire wakwa.” Ûguo nîguo Ngai-Mûnene arauga.

Ezek 16:8 ပူးပေါင်းရင်းမြစ်များ

Kîam 22:16

“Ngai-Mûnene nîevîtîte akîgwetaga rîîtwa rîake akiugaga, atî nîngaakûrathima nîûndû ndûnangiria mûvîcîguo wa kîmomwe.

Ntha 15:16

Nîmaagwatirwe nî guoya na kîmako. O monaga vinya waku we Ngai-Mûnene, makarûngama makirîte ki nginya rîrîa andû aku makaavîtûka, andû arîa wavonokirie kuuma ûkomborî.

Ntha 32:13

Ririkana ndungata ciaku Iburahimu, Isaka, na Jakovu arîa werîre we mwene na mwîvîtwa atî nîûkengîvia njiarwa ciao ta njata cia îgûrû, na ûve njiarwa cio vûrûri ûrîa wamerîre atî nîûgaatuîka wao tene na tene.”

Isaia 43:1

Ngai-Mûnene ûrîa wamûmbire mue andû a Jakovu, ûrîa watûmire mûgîe kuo mue andû a Isiraeli arauga atîrî, “Mûtigetigîre nîûndû nie nînie nîmûkûûrîte; nîmwîtîte na ngamûva rîîtwa, mue mûrî akwa.

Isaia 43:4

Nîûndû mûrî andû a vata mbere yakwa, na nîmûtîîte na ngamwenda, nie nîngûnenganîra andû nîûndû wenyu, nîngûnenganîra mavûrûri nîguo nîmûvonokie.

Jeremia 31:3

nie Ngai-Mûnene nînamaumîrîre nîrî kûraca. Nîmwendete na wendo ûtathiraga, kwoguo nîrî mwîvokeku kûrî mue vîndî cionthe.

Jeremia 31:32

Kîrîkanîro kîu gîtikethîrwa gîkariî ta kîrîa narûthire na methe mao vîndî îrîa naamarutire Misiri na njara yakwa nie mwene. Nîmaaregire kwathîkîra kîrîkanîro kîu, wana ethîrwa nie narî ta mûthuuri kûrî o.

Ezek 16:6

“Rîrîa naavîtûkîrîre vakuvî nawe nînoonire ûkîgaragara nthakamerî yaku na ngiuga ûtûûre mwoyo.

Hosea 11:1

Rîrîa Isiraeli aarî mwana nînamwendire, namûruta Misiri nînamwîtire mwana wakwa.

Hosea 2:15

Kûu nîkuo ngamûcokeria mîgûnda yake ya mîthavibu, nîngatua Kîamnda Kîam Akori mûromo wa kîîrîgîrîro. Akanûmagîrîra atakûringîrîrua ta ûrîa ekaga arî mwîthî, ta rîrîa aarî vûrûri wa Misiri.

Hosea 2:7

Nîakaarûmîrîra arata ake, nwatî ndakamoona; nîakaamacaria; nwatî ndakamoona. Nake nîagaacoka auge atîrî, “Nîngûcoka kwa mûthuuri wakwa wa mbere; nîûndû vîndî îo narî mwaro gûkîra rîu.”

Malaki 1:2

Ngai-Mûnene arauga atîrî, “Nie nînîmwendete mûno.” Nwatî andû a Isiraeli maûragia atîrî, “Ûtwendete atîa.” Nake Ngai-Mûnene akauga atîrî, “Na kinthî Esaû ndaarî mûrwang'ina na Jakovu? Nwatî nie nendire Jakovu,

Aroma 5:8

Nwatî Ngai nîwonanîtie ûrîa atwendete nîûndû Kristû nîwatûkuîrîre vîndî îrîa twarî evia.

Gûco 4:31

Ngai-Mûnene, Ngai wenyu arî ntha. Ndakaamûtiganîria kana amûcûkangia na ndakaariganîrwa nî kîrîkanîro kîrîa ke mwene aarûthire na methe menyu na akîmerîra na mwîvîtwa.

Ruthu 3:9

Boazu nîwaûririe mûndûmûka ûcio atîrî, “We nîwe û?” Nake Ruthu nîwamûcokerie atîrî, “Nî nie Ruthu ndungata yaku ya mûndûmûka. Tambûrûkia mûrengeti waku ûnguîkîre nîûndû we nîwe ûngîngaa.”

1Sam 12:22

Ngai-Mûnene nîamûthuurîte mûgatuîka andû ake na nîamwîrîrîte atî ke ndakaamûtiganîria.