Ezek 16:54 - ÎVUKU RÎA ÛVORO MWARO

⁵⁴ nîguo ûgaaconoka nî maûndû marîa we mwene wekire na ûcambe nîûndû nîwathiîre kûmaûmîrîria.

Ezek 16:54 ပူးပေါင်းရင်းမြစ်များ

Jeremia 2:26

Wata ûrîa mwîi aconokaga agwatwa, nwata guo andû a Isiraeli magaconoko; o ene, athamaki ao, anene ao, athînjîri-Ngai na arathi ao.

Ezek 16:52

Rîu we nîûtûûra ûconokete nîûndû nîûtûmîte aa mwarwanyûkwe monekane ta matavîtîtie nîûndû nîwekire maûndû macûku mûno kûmakîra nao makîonekana marî athingu gûgûkîra. Kwoguo nîûconoka nîûndû nîûtûmîte aa mwarwanyûkwe monekane matarî na mavîtia.”

Ezek 16:53

Ngai-Mûnene erîte Jerusalemu atîrî, “Nîngaatûma Sodomu na Samaria, wa vamwe na aarî ao magîe na maûndû maro ta marîa maarî namo mbere. Wa nawe nîngaatûma maûndû maku matuîke maro gatagatîrî kao,

Ezek 16:55

Aa mwarwanyûkwe Sodomu na erîtu ake, Samaria na erîtu ake nîmagaacoka mekare wata ûrîa meekariî mbere. Wanawe na erîtu aku nîmûgekara wata ûrîa mwekariî mbere.

Ezek 16:63

Nîngaakûrekera mavîtia monthe marîa waneka. Nawe waririkana maûndû monthe marîa waneka nîûkaamaka, na ndûkaaria rîngî nî gîconoko.” Nie Ngai-Mûnene nînie mbugîte ûguo.

Ezek 32:24

“Elamu arî kuo na andû ake mathiûrûrûkîrîtie mbîrîra yake. Onthe nî akuû na maaûragirwe marî mbaararî na makîthiî kwa arîa akuû matarî aruu. Acio nîmaamakagia andû arîa marî mwoyo na nîmaconorithîtue marî vamwe na andû arîa mathiîte gwa akuû.

Ezek 5:7

Kwoguo, thikîrîriani ûrîa Ngai-Mûnene ekuga. Mûrî aremi gûkîra mavûrûri marîa mamûthiûrûrûkîrîtie. Nîmûregete kûrûmîrîra irîra ciakwa na matuîro makwa ma ciira, mûkîrûmîrîra mîtugo ya mavûrûri marîa mamûthiûrûrûkîrîtie.