Ezek 16:41 - ÎVUKU RÎA ÛVORO MWARO

⁴¹ Nîmagaacoka mavîvie nyomba ciaku, na makûverithie aka eengî makîonaga, na nîngaatûma ûtige kûvûra ûmaraa na ûtige kûrîva andû nîguo mavûre ûmaraa nawe rîngî.

Ezek 16:41 ပူးပေါင်းရင်းမြစ်များ

2Atha 25:9

Nîwavîvirie hekarû, nyomba ya mûthamaki na nyomba cionthe cia Jerusalemu. Nyomba cionthe nene îtûûrarî nîciavîvirue.

Ayubu 34:26

Amaverithagia nîûndû wa mavîtia mao, andû onthe makîonaga,

Isaia 2:18

Mîvuanano yonthe nîkaathira viû.

Isaia 27:9

Kwoguo ûguo nîguo mavîtia ma Jakovu makaathirua, ûguo nîguo wîvia wake ûkaathirua viû; mathiga marîa matumîte metha cia magongoona, makaathîwa matuîke mûthetu, na gûtirî mîvuanano ya Ashera, ngai ya mûndûmûka, wana kana metha cia kûvîvîria ûbani igaatigara.

Jeremia 39:8

Nao Akalidei nîmaavîvirie nyomba ya mûthamaki, nyomba cia andû na makîomomora nthingo cia Jerusalemu.

Jeremia 52:13

Nake nîwavîvirie hekarû, nyomba ya mûthamaki na nyomba cionthe cia andû a vata kûu Jerusalemu.

Ezek 11:9

Nîngaamûruta îtûûrarî na nîmûnenganîre kûrî andû ageni na nîngaamûtuîra.

Ezek 16:33

Arûme nîmavecaga maraa monthe indo, nwatî we nîwe wamavecaga. Wamavakaga makauma kûndû kuonthe nîguo ûrûthe ûmaraa nao.

Ezek 23:10

Andû acio nîmaamûrutire nguo agîtigwa arî njaga. Nîmaanyitire anake na erîtu ake, nake ke mwene makîmûraga na rûviû. Îvera rîrîa aagwatire nîrîatûmire atuîke wa kûthekagîrîrwa nî aka arîa engî.

Ezek 23:27

Ûguo nîguo ngaagûtigithia ûmaramari ûcio waku na ûmaraa ûrîa wambîrîrie rîrîa warî Misiri, nîguo ndûgacoke kûmaroria kana ûririkana vûrûri wa Misiri rîngî.”

Ezek 23:48

Ûguo nîguo ngaathiria ûmaramari kûu vûrûrirî wonthe, nîguo ûtuîke ûndû wa gûkaania aka onthe matige kûrûtha maûndû ma ûmaraa ta ûcio Ohola na Oholiba meekire.

Ezek 37:23

Matigaacoka kwîgwatia mûgiro na ngai icio ciao cia mîvuanano rîngî na maûndû marîa nie nthûrîte, kana na mavîtia mao. Nwatî nîngaamavonokia kuuma kûrî maûndû monthe marîa matûmaga mevie na maregane nanie na nîmatherie. Magaatuîka andû akwa, nanie nduîke Ngai wao.

Ezek 5:15

“Rîrîa ngaamûverithia nîrî na marakara meengî, nîmûgaatuîka kîndû gîa kûthekagîrîrwa na kûrumwa nî ndûrîrî irîa imûthiûrûrûkîrîtie. Nie Ngai-Mûnene nînie nauga ûguo.

Ezek 5:8

Kwoguo, nie Ngai-Mûnene wana nie nîngûregana namue na nîngaamûtuîra ciira ndûrîrî ikîonaga.

Mika 3:12

Kwoguo, nîûndû wenyu, Zayuni nîîkarîmwa ta mûgûnda, Jerusalemu îgekara ta îganjo, nakîo kîrîma gîa hekarû gîtuîke mûtitû.

Zakaria 13:2

Nîngaatharia marîîtwa monthe ma ngai cia mîvuanano kuuma vûrûrirî, nîguo itigaacoke kûririkanwa rîngî. Nîngaathengutia arathi na nthirie maroho monthe macûku kuuma vûrûrirî.

Gûco 13:11

Andû onthe a Isiraeli nîmakegua ûrîa gwîkîkîte kûrî mûndû ûcio; nîmagetigîra na matigaacoka gwîka maûndû macûku ta mau rîngî.

Gûco 13:16

Mûkaaûngania indo cionthe cia andû a îtûûra rîu na mûivire kîvarorî gîa îtûûra na mûvîvie îtûûra rîu vamwe na indo cionthe rîrî îtega rîa kûvîvua kûrî Ngai-Mûnene Ngai wenyu. Îtûûra rîu rîgaatûûra rîrî rîomomoku na rîtigaatumwa rîngî.

Gûco 22:21

atongoria a îtûûra nîmagooca mûndûmûka ûcio na mamûvire mûromorî wa nyomba ya îthe na mamûragîre vo na mathiga, nîûndû nîaconorithîtie andû a Isiraeli na njîra ya kwîvecana amenywe kîîmwîrî mbere ya avikue. Ûguo nîguo mûkaathiria wîvia ûcio gatagatîrî kenyu.

Gûco 22:24

oîrî nîmakaavirwa nja ya îtûûra na maûragîrwe vo na mathiga. Mwîrîtu ûcio akaaûragwa nîûndû anyitwa ndaauga mbu atethue, wana ethîrwa aarî îtûûrarî. Nake mûndûmûrûme akaaûragwa nîûndû wa kûmenyana kîîmwîrî na mwîrîtu warî mwîrîre atî nîakûvikua nî mûndû wîngî. Ûguo nîguo mûkaathiria wîvia ûcio gatagatîrî kenyu.

1Tim 5:20

Andû arîa mekaga mevia magîrîrwe nî gûkaanua marî mbere ya andû onthe nîguo andû arîa engî metigîre.