Ezek 16:16 - ÎVUKU RÎA ÛVORO MWARO

¹⁶ Nîwocire nguo imwe ciaku na ûkîgemia kûndû kûrîa warûthîte gwa kûvoera na ûkîvûrîra ûmaraa kuo. Ûndû ta ûcio ndwanoneka rîngî na ndûkooneka.

Ezek 16:16 ပူးပေါင်းရင်းမြစ်များ

2Atha 23:7

Nîwacûkangirie nyomba irîa ciekaragwa nî maraa ma ngai ya Ashera irîa ciarî vakuvî na hekarûrî ya Ngai-Mûnene, kûrîa aka maatumagîra nguo irîa maatûmagîra makîgooca Ashera.

2Maû 28:24

Mûthamaki Ahazi nîwaûnganirie vamwe indo cia hekarû na agîciunanga icunjî. Nîwacokire akîvinga mîrango ya hekarû na agîtuma metha cia magongoona mîena yonthe ya Jerusalemu.

Isaia 57:7

Mûrîarûthîru ûtharia kûndû kûrîa gûtûgîru na njîra ya kûgooca mîvuanano, kwoguo mûtiîthîrîtwe mûrî evokeku kûrî nie.

Jeremia 2:10

Ringani mûringo wa îria rîa Kuporo mûkoone kana mûtûme andû kendari magaûtuîrie waro; na moone kana kwanethîrwa na ûndû ta ûcio.

Ezek 16:15

“Nîwevokire ûthaka waku, nayo ngumo yaku îgîtûma ûvûre ûmaraa. Mûndû wa wonthe waûkaga kûrî we nîwavûraga ûmaraa nake.

Ezek 16:17

Wana nîwocire mathaga mamwe marîa nakûveere ma thaavu na sîlûva ûkîthondeka mîvuanano ya andû arûme na ûkîvûra ûmaraa nayo.

Ezek 23:1

Ngai-Mûnene nîwambîrire atîrî,

Ezek 7:20

Nîmeetîîaga nîûndû wa ûthaka wa mathiga mao ma goro ma kwîgemia, na nîmaamatûmîre kûthondeka mîvuanano îrî magigi na mîmene mûno. Kwoguo nîngaatûma ûthaka ûcio wao ûtuîke kîndû kîrî mûgiro kûrî o.

Hosea 2:10

Ngamûruta nguo atigwe arî ndûûrû mbere ya arata ake, na gûtirî mûndû ûkangiria.

Hosea 2:8

Ke ndamenya atî nînie namûveere irio ndivei na maguta, na ngîmûva sîlûva na thaavu na wîngî, irîa ategeere Baali.