Ezek 14:6 - ÎVUKU RÎA ÛVORO MWARO

⁶ “Kwoguo îra andû a Isiraeli atî, Ngai-Mûnene augîte: Îrireni na mûgarûrûke mûtigane na mîvuanano îo yenyu, na mûtige maûndû marîa macûku mwîkaga.

Ezek 14:6 ပူးပေါင်းရင်းမြစ်များ

2Maû 29:6

Nîûndû methe metû methîrîtwe matarî evokeku na nîmeekire maûndû macûku mbere ya Ngai-Mûnene, Ngai wetû. Nîmaatiganîrie hekarû îrîa Ngai-Mûnene atûûraga na nîmaavuvatîre Ngai-Mûnene.

Isaia 2:20

Mûthenya ûcio, andû nîmagaaikîria mbuko na mvuvu, mîvuanano yao ya sîlûva na ya thaavu, îrîa meerûthîre nîguo mamîgoocage.

Isaia 30:22

Nîmûgaacoka mûcûkangie mîvuanano yenyu ya gwacwa îrîa îvakîtwe sîlûva na mîvuanano yenyu îrîa îvakîtwe thaavu. Nîmûkaainyagia ta indo irî gîko, mûkiugaga atîrî, “Iroûra!”

Jeremia 13:27

Nîmonete ûgîka maûndû marîa menete, ûtharia na gûcumîkîra aka ene na ûmaraa mwîngî, kûu tûrîmarî na mîgûndarî. Mue andû a Jerusalemu kaî mwî na thîna-î! Nîmwîkara mûtatheretue nginya rî?”

Ezek 14:4

“Rîu marîrie ûmere nie, Ngai mbugîte atî, mûndû wa wonthe wa nyomba ya Isiraeli ûkeerirîria mîvuanano yake ya kûvowa, na etîkîrie mîvuanano îo îmûvîtithie, na acoke athiî kûrî mûrathi kûvoya ûtaaro, nîngaamûcokeria kûringana na wîngî wa mîvuanano îo yake.

Ezek 16:63

Nîngaakûrekera mavîtia monthe marîa waneka. Nawe waririkana maûndû monthe marîa waneka nîûkaamaka, na ndûkaaria rîngî nî gîconoko.” Nie Ngai-Mûnene nînie mbugîte ûguo.

Ezek 18:30

“Kwoguo mue nyomba ya Isiraeli nie nîngaamûtuîra ciira, wa mûndû kûringana na njîra ciake, ûguo nîguo Mwathani Ngai augîte. Îrireni na mûgarûrûke mûtigane na maûndû mau menyu macûku mûreka na mûtikareke mevia menyu mamûcûkangia.

Ezek 8:16

Kwoguo nîwamvirire kîvarorî Kîam ndarî gîa hekarû. Vakuvî na kîvingo gîa hekarû, gatagatî ga kîthaku na metha ya kîgongoona kwarî na athuuri mîrongo îîrî na atano. Athuuri acio nîmaavuvatîrîte hekarû na makenamîrîria mothiû mao nthî merekerete na mwena wa îrathîro makîgoocaga riûa.

Ezek 8:6

Nake nîwambîrire atîrî, “Mûndû, nîûrona ûrîa andû a Isiraeli mareka? Mareka maûndû marî mûgiro na ma gûtûma nthiî kûraca na nyomba yakwa îrîa nyamûre. Nîûkwona maûndû manene na marî magigi gûkîra mau.”

Hosea 14:8

Mue andû a Isiraeli, tiganîriani ngai cia mîvuanano, Nînie nîmûmenyagîrîra na nînie nîmûgitagîra. Mbîkariî ta mûtî ûrîa ûtûûraga ûrurîte vîndî cionthe, ûrîa ûkûvecaga matunda mîaka yonthe.”

Zefania 3:11

Mûthenya ûcio we ndûgaaconorithua, nîûndû atî nîûreganîte nanie. Nîngaruta mûndû wa wonthe mwîtîi na mwaganu kûrî mue, na mue mûtikaregane nanie mûrî kîrîmarî gîakwa kîtheru.

Zakaria 1:4

Mûtigekare ta methe menyu ma tene arîa meerirwe nî arathi arîa maarî kuo mbere matigane na mîthiîre yao mîcûku na ciîko ciao njûku, nwatî matianthikîrîria kana mambathîkîra nie Ngai-Mûnene mwene vinya wonthe.

Ciîko 17:30

Ngai nîatuîte atî ke ndagûtara mavinda marîa andû mataamwicî. Nwatî rîu ke nîwathaga andû onthe arîa marî kûndû kuonthe merire,

Ciîko 26:20

Nînaambîrîrie kûvunjîria andû ngîmeeraga atî nwanginya merire mevia mao, macokerere Ngai na meke ciîko cia kwonania atî na ma nîmerirîte. Nie naambire kûvunjia ûvoro ûyû Damesiki, ngîcoka ngîûvunjia Jerusalemu na vûrûrirî wonthe wa Judea na nginya kûrî andû a ndûrîrî.

Ciîko 3:19

Kwoguo îîrireni na mûcokerere Ngai nîguo ke amwovere mevia menyu. Na mwona mweka ûguo,

Aroma 6:21

Nî umithio ûrîkû mwagîre naguo kuuma maûndûrî marîa rîu mûconokaga nîmo? Maûndû mau macokaga kûrete gîkuû.

1Sam 7:3

Nake Samueli nîwerire andû a Isiraeli atîrî, “Ethîrwa nîmûkwenda gûcokerera Ngai-Mûnene na ngoro yonthe, nwanginya mûthengutie ngai cia kûndû kwîngî wana mûvuanano wa ngai îrîa îtagwa Ashitorathu. Îîvecaneni viû kûrî Ngai-Mûnene na mûmûgooce ke wenga, nake nîakûmûvonokia kuuma kûrî Afilisiti.”