Ezek 14:4 - ÎVUKU RÎA ÛVORO MWARO

⁴ “Rîu marîrie ûmere nie, Ngai mbugîte atî, mûndû wa wonthe wa nyomba ya Isiraeli ûkeerirîria mîvuanano yake ya kûvowa, na etîkîrie mîvuanano îo îmûvîtithie, na acoke athiî kûrî mûrathi kûvoya ûtaaro, nîngaamûcokeria kûringana na wîngî wa mîvuanano îo yake.

Ezek 14:4 ပူးပေါင်းရင်းမြစ်များ

2Atha 1:16

na akîra mûthamaki atîrî, “Ngai-Mûnene akwîrîte atî nîûndû nîwatûmire anjaama makaûrie ûtaaro kûrî Baalizebubu, ngai ya Ekironi takwa Isiraeli gûtarî ngai îngîûrua ûtaaro, we tîûvora mûrimû ûyû waku, nwatî nîûgûkua!”

Isaia 3:11

Nwatî kaî andû arîa aganu marî na thîna-î, Nîûndû maûndû marîa mekîte andû arîa engî nwamo mageekwa.

Isaia 66:4

Kwoguo nîngûmaretithîria mathîna; na nîmaretere indo irîa metigîrîte, nîûndû rîrîa netanire gûtirî mûndû wetîkire; rîrîa naririe matiathikîrîria. Nwatî meekire maûndû macûku ngîonaga, na makîthuura maûndû marîa mataangenagia.”

Ezek 14:3

“Mûndû, andû aya nîmetîkîtie mîvuanano, na mîvuanano îo nîîratûma mevie. Nie nwambîtîkîre mambûrie ûtaaro wa wonthe?

Ezek 14:6

“Kwoguo îra andû a Isiraeli atî, Ngai-Mûnene augîte: Îrireni na mûgarûrûke mûtigane na mîvuanano îo yenyu, na mûtige maûndû marîa macûku mwîkaga.

Ezek 14:7

“Mûndû wa wonthe wa nyomba ya Isiraeli, kana ageni arîa matûûranagia na Aisiraeli angîndiganîria na ambîrîrie kûgooca mîvuanano na îtûme evie, na mûndû ûcio athiî kûrî mûrathi akamûrie ûtaaro, nie Ngai-Mûnene nîngamûcokeria.

Ezek 2:7

We nîûkaamera ciugo ciakwa wana makûthikîrîria kana marege gûkûthikîrîria nîûndû andû acio nî aremi.

Ezek 3:4

Ngai nîwacokire akîmbîra atîrî, “We mûndû, thiî kûrî nyomba ya Isiraeli na ûmere maûndû marîa ngakwîra.

Ezek 44:12

Nie Mwathani Ngai-Mûnene nînîvîtîte nîûndû wao ngiuga nîngaamaverithia nîûndû mevia mao nîmaavîtithirie andû a Isiraeli magîtûma magooce mîvuanano.

Zefania 1:3

Andû, nyamû, iconi cia rîerarî na nthamaki cia îriarî; cionthe nîngaicûkangia. Andû arîa aganu nîngamacûkangia viû; andû onthe nîngamathiria gûkû nthî.