Ezek 14:3 - ÎVUKU RÎA ÛVORO MWARO

³ “Mûndû, andû aya nîmetîkîtie mîvuanano, na mîvuanano îo nîîratûma mevie. Nie nwambîtîkîre mambûrie ûtaaro wa wonthe?

Ezek 14:3 ပူးပေါင်းရင်းမြစ်များ

2Atha 3:13

Elisha nîwerire mûthamaki wa Isiraeli atîrî, “Nîngûtethia nîkî? Thiî kûrî arathi a aguo na nyûkwe.” Nwatî mûthamaki wa Isiraeli nîwacokerie Elisha atîrî, “Naarî! Nî Ngai-Mûnene ûtwîtîte vamwe tûrî athamaki athatû nîguo atûnenganîre kûrî mûthamaki wa Moabu.”

Thaburi 101:3

na ndigeetîkîria ûndû mûcûku wîkwe mbere yakwa. Nînthûrîte ciîko cia andû arîa matarî evokeku, ndikaagwatanîra nao.

Thaburi 66:18

Kethîrwa nînaaregire kûvera mevia makwa, Mwathani ndangîanthikîrîrie.

Nthi 15:29

Ngai-Mûnene nîwîgucaga mavoya ma andû arîa athingu, nwatî ndathikagîrîria andû arîa aganu.

Nthi 15:8

Ngai-Mûnene nîakenagua nî mavoya ma andû arîa athingu, nwatî nîathûrîte magongoona marîa arutagîrwa nî andû arîa aganu.

Nthi 21:27

Ngai-Mûnene nîathûrîte îgongoona rîa mûndû mwaganu, na makîria rîrutîtwe na ngoro îtarî ntheru.

Nthi 28:9

Mûndû ûrîa ûregaga kwathîkîra watho, Ngai ndakenagua nî mavoya make.

Isaia 1:15

“Rîrîa mûkaambararagia njara mûkîvoya, ngaamûvuvatagîra ndikamwone. Wana mwavoya mavoya meengî atîa ndikaamûthikîrîria, nîûndû njara cienyu ciîcûrîte nthakame.

Isaia 33:15

Nî mûndû ûrîa ûtûûraga na ûthingu na waragia ûma, ûrîa ûreganaga na umithio umanîte na kûvinyanîrîria. Ûrîa ûtendaga kwamûkîra mavaki, ûrîa ûtendaga kûthikîrîria ndeto cia ûûragani na ûtendaga kwona maûndû macûku.

Jeremia 11:11

Kwoguo Ngai-Mûnene arauga atî, nîngûmaretera maûndû macûku na gûtirî mûndû ûkamaûrîra; wana mangaîra, ndikamathikîrîria.

Jeremia 17:9

Ngoro ya mûndû nîîvenanagia gûkîra indo cionthe, nîkuo kuumaga waganu wonthe, gûtirî mûndû ûtaûkagîrwa nîyo.

Jeremia 21:2

“Ûria ûvoro wetû kûrî Ngai-Mûnene, nîûndû mûthamaki Nebukadinezarû wa Babuloni nîevarîrîtie gûtûtharîkîra, nwa kwîthîrwa Ngai-Mûnene nîagûtûringîra Kîamma nîguo Nebukadinezarû atigane natue.”

Ezek 11:21

Nwatî andû arîa ngoro ciao irûmagîrîra indo irîa njûku na kûvoya mîvuanano, nîngaamaverithia kûringana na maûndû mau macûku mekîte. Nie Ngai-Mûnene nînie mbugîte ûguo.”

Ezek 14:2

Nake Ngai-Mûnene nîwambîrire atîrî,

Ezek 14:4

“Rîu marîrie ûmere nie, Ngai mbugîte atî, mûndû wa wonthe wa nyomba ya Isiraeli ûkeerirîria mîvuanano yake ya kûvowa, na etîkîrie mîvuanano îo îmûvîtithie, na acoke athiî kûrî mûrathi kûvoya ûtaaro, nîngaamûcokeria kûringana na wîngî wa mîvuanano îo yake.

Ezek 14:7

“Mûndû wa wonthe wa nyomba ya Isiraeli, kana ageni arîa matûûranagia na Aisiraeli angîndiganîria na ambîrîrie kûgooca mîvuanano na îtûme evie, na mûndû ûcio athiî kûrî mûrathi akamûrie ûtaaro, nie Ngai-Mûnene nîngamûcokeria.

Ezek 20:16

nîûndû nîmaaregire mawatho makwa na makîrega kûrûmîrîra irîra ciakwa. Ngoro ciao cierirîrie kûgooca mîvuanano na makîrega kûva thavatû ciakwa gîtîîo.

Ezek 20:3

“Mûndû, arîria athuuri a Isiraeli ûmeere Ngai-Mûnene aramaûria kana nîkwa maûkîte gûtuîria wendi wakwa? Na ma wata ûrîa Nie Ngai ndûûraga mwoyo, wendi wakwa ndûgûtuîrua nî mue.

Ezek 20:31

Rîrîa mûkûruta iveo cienyu na mûkaruta ciana cienyu irî magongoona ma kûvîvua, nîmwîgwatagia gîko mue ene na mîvuanano yenyu yonthe nginya ûmûnthî. Mue andû a Isiraeli, nwa mûrie ûndû kuuma kûrî Nie? Ngai-Mûnene augîte atî wata ûrîa ke atûûraga mwoyo, ndangîtîkîra mûmûrie ûndû.

Ezek 3:20

“Mûndû mûthingu angîtiga ûthingu wake na agîcoka gwîka maûndû macûku, nîngekîra maûndû ma kûmûvînga mbere yake na mûndû ûcio nîagaakua. Nîûndû ndwanamûkania, nîagaakua nîûndû wa waganu wake. Ndikaaririkana ciîko ciake cia ûthingu na nîngaakûrîvia nthakame yake.

Ezek 33:30

Ngai-Mûnene nîwambîrire atîrî, “Mûndû, andû enyu maranagîria o ene ûvoro ûkwîgiî rîrîa mekarîte ngitorî na mîromorî ya nyomba ciao makiugaga: ‘Tûthiîni tûkegue ûvoro ûrîa ûkîte kuuma kûrî Ngai-Mûnene.’

Ezek 36:25

Nîngaacoka nîmûminjaminjîrie manjî matheru, na nîmûkathera. Nîngaamûtheria kuuma kûrî maûndû monthe macûku na kuuma kûrî mîvuanano yonthe.

Ezek 44:12

Nie Mwathani Ngai-Mûnene nînîvîtîte nîûndû wao ngiuga nîngaamaverithia nîûndû mevia mao nîmaavîtithirie andû a Isiraeli magîtûma magooce mîvuanano.

Ezek 6:9

Nao andû arîa makaavonoka nîmakaandirikana marî mavûrûrirî mau makethîrwa mathamîrîte. Nîmakaaririkana atî nînie nîmaverithîtie nîûndû wa gûtura wîvokeku kûrî nie na makîndiganîria na makîgucîrîrua nî ngai cia mîvuanano. Nao nîmakemena o ene nîûndû wa maûndû marîa marî mûgiro mekaga.

Ezek 7:19

Nîmagaikia sîlûva njîrarî, na thaavu yao igaatuîka ta kîndû gîtarî kîtheru. Sîlûva na thaavu ciao itikaavota kûmavonokia mûthenya ûrîa Ngai-Mûnene akaametûrûrîra marakara make. Itikaamathiria vata kana imavaithie, nîûndû mbeca icio na thaavu nîcio ciatûmire matonye waganurî.

Hosea 4:5

Mûthenya we nîûkaavîngwa, nake mûrathi nîakaavîngwa vamwe nawe ûtukû. Nîngacûkangia nyûkwe Isiraeli.

Zefania 1:3

Andû, nyamû, iconi cia rîerarî na nthamaki cia îriarî; cionthe nîngaicûkangia. Andû arîa aganu nîngamacûkangia viû; andû onthe nîngamathiria gûkû nthî.

Zakaria 7:13

Nîmaaregire kûnthikîrîria rîrîa naamaragîria, kwoguo wananie mamvoya ndiamacokeria.

Luka 20:8

Nake Jesû nîwamerire atîrî, “Wa nanie ndikûmwîra mbîkaga maûndû mama na wathani ûrîkû.”

Aefeso 5:5

Menyani na ma atî mûndû ûrîa ûvûraga ûmaraa, ûrîa ûrî na ûûra nthoni kana ûkoroku (nîûndû gûkoroka nî gûtungatîra ngai cia mîvuanano) ndakaagîa na îgai ûthamakirî wa Kristû na wa Ngai.

1Pet 2:8

Mandîko matheru maugîte atî: “Îthiga rîîrî rîtûmaga andû mavîngwe, rûciara rûrîa rûtûmaga magwe.” Mavîngagwa nîûndû matiathîkagîra ciugo cia Ngai. Ûcio nîguo warî wendi wa Ngai kûrî o.

Kûguû 2:14

Nwatî nîrî na maûndû manini ngûmûcukîra: atî kûrî andû amwe gatagatîrî kenyu marûmagîrîra maûndû marîa Balaamu aathomithanagia. Balaamu ûcio nîke wathomithirie Balaki ûrîa agûtûma andû a Isiraeli mevie na njîra ya kûrîa irio irîa ciarutîrîtwe mîvuanano na mevia na ciîko cia ûmaraa.

1Sam 28:6

Kwoguo nîwaûririe ûtaaro kuuma kûrî Ngai-Mûnene, nwatî ndaamûcokeria wanarî vanini na njîra ya iroto kana na njîra ya Urimu na Thumimu kana na njîra ya arathi.