Ezek 13:19 - ÎVUKU RÎA ÛVORO MWARO

¹⁹ Mue nîmûmbagithîtie gîtîîo mbere ya andû akwa nîûndû wa kûvewa îvaki rîa cairi ya ngundi na tûirio tûnini. Nîmûragithîtie andû arîa matagîrîrwe nî kûragwa na mûkavonokia andû arîa matagîrîrwe nî gûtûûra mwoyo na njîra ya kûveenia andû akwa nao magetîkia maveeni menyu.’ ”

Ezek 13:19 ပူးပေါင်းရင်းမြစ်များ

Nthi 17:15

Mûndû ûrîa ûverithagia mûndû mûthingu na mûndû ûrîa ûrekagîrîria mûndû mwaganu, Ngai-Mûnene nîamathûrîte wa oîrî.

Nthi 19:27

Mwana wakwa ûngîrega kûrûmîrîra mataaro, nîrîo ûkaaûrîra maûndû ma ûûgî.

Nthi 28:21

Kûgîa na kîmenyano tî waro, nwatî andû nîmavîtagia nîûndû wa kwamûkîra îvaki wana rîrî înini.

Isaia 5:20

Andû arîa metaga maûndû macûku maro kaî marî na thîna-î, namo maûndû maro makameta macûku. Arîa maugaga nduma nî ûtheri, naguo ûtheri nî nduma. Arîa maugaga kîndû kîrîa kîrûrû kîrî mûrîo, nakîo kîrîa kîrî mûrîo nî kîrûrû.

Isaia 56:11

Mekariî ta ngui ngoroku, irîa itavaaga. Arîthi acio matirî ûmenyo; onthe nîagarûrûku na wa mûndû akethiîra njîra yake ke mwene, wa mûndû acaragia ûrîa akwîguna ke mwene.

Jeremia 23:14

Nwatî gatagatîrî ka arathi a Jerusalemu, nîmonete magîka ûndû mûcûku mûno; mekaga ciîko cia ûtharia na makaveenania. Mekagîra andû arîa marî ciîko njûku vinya nîguo matikagarûrûke matiga waganu, onthe kûrî nie matuîkîte ta Sodomu, na atûûri a kuo matuîkîte ta Ngomora.

Jeremia 23:17

Vîndî cionthe meraga andû arîa mareganîte na kiugo Kîam Ngai-Mûnene atî, ‘Maûndû maku monthe nî maro tî macûka.’ Nake mûndû ûrîa wîthagîrwa arî na ngoro nyûmû maugaga atîrî, ‘Ndûkagîa na ûndû mûcûku.’

Ezek 13:20

Kwoguo Ngai-Mûnene augîte atîrî, “Nîndeganîte na ithitû icio mwîkagîra andû nîguo mûmagwatithie. Nîngûitucanga ciume njararî cienyu na ndekererie mîoyo îrîa mûranyitithîtie îgûrûke ta iconi.

Ezek 13:22

“Maveeni menyu nîmathirîtie andû arîa athingu vinya, na ndiendaga kûmathiria vinya. Nîmwîkîrîte andû arîa aganu vinya nîguo matigatige gwîka maûndû ma waganu mavonokie mîoyo yao.

Ezek 20:39

“Rîu mue andû a Isiraeli, Ngai-Mûnene augîte atî: Wa mûndû nîathiî na mbere gûtungatîra mûvuanano wake ethîrwa tîmûnthikîrîria. Nwatî mûtigûcoka gûturithia rîîtwa rîakwa rîtheru gîtîîo na iveo icio cienyu na mîvuanano yenyu ya kûgoocwa.

Ezek 22:25

Atongoria enyu mekariî ta mûnyambû ûkûrarama ûgîtambururanga nyamû îrîa ûragîte. Maûragaga andû na makamacuna indo ciao cia goro, na nîmatûmîte aka eengî matuîka a ndigwa.

Ezek 22:26

Athînjîri-Ngai ao nîmaunîte watho wakwa, na nîmagwatîtie indo ciakwa irîa ntheru mûgiro. Matiîkagîra ngûrani gatagatî ka indo irîa ntheru na irîa itarî ntheru, wana kana mathomithanie ûvoro wîgiî maûndû marîa marî gîko na marîa matarî gîko. Matiathîkagîra thavatû ciakwa, na nîmatûmîte ndega kûvewa gîtîîo gatagatîrî kao.

Ezek 22:27

Atongoria ao arîa marî îtûûrarî mekariî ta ciathi irîa itambururangaga nyamû irîa ciûragîte. Maûragaga andû nîguo megîre na ûtonga na njîra îrîa îtarî mbagîrîru.

Mika 3:11

Atucanîri ciira marutaga wîra wao nîguo mavewe îvaki, athînjîri-Ngai mathomithagia watho nîguo marîvwe, nao arathi mataûraga cioneki nîguo mavewe mbeca. Kûnarî ûguo nîmetîîaga megiritanîtie na Ngai-Mûnene makiugaga atîrî, “Ngai-Mûnene arî vamwe natue, na gûtirî ûndû mûcûku ûngîtûnyita!”

Mika 3:5

Ûvororî wîgiî arathi arîa mavîtithagia andû akwa; arathi arîa marathaga thayû rîrîa mavewa kîndû, nwatî makamarathîra mbaara rîrîa matavetwe kîndû.” Ngai-Mûnene arauga atîrî,

Malaki 1:10

Ngai-Mûnene mwene vinya wonthe arauga atîrî, “Narî kethîrwa nwa kwoneke mûndû gatagatîrî kenyu ûngîvinga mîrango ya hekarû, nîguo mûtigakie mwaki wa mana metharî yakwa ya kîgongoona! Nie ndikenagua nîmue na ndikaamûkîra matega menyu;

Aroma 14:15

Ethîrwa irio irîa ûrîcaga nîitûmaga mûrwanyûkwe egue naaî, we ndûreka ciîko cia wendani. Ndûgetîkîre kîrîa ûkûrîa gîcûkie wîtîkio wa mûndû ûrîa Kristû aakwire nîûndû wake.

Aroma 16:18

Nîûndû andû arîa mekaga maûndû ta mau matungatagîra mavu mao, nwatî tî Mwathani wetû Jesû Kristû. Na njîra ya ciugo ciao mbaro na mîario yao îrî na mûrîo, andû acio nîmaveenagîrîria andû arîa marî ngoro mvûthû.

1Akor 8:11

Kwoguo mûndû ûcio ûrî na wîtîkio mûnini na wakuîrîrwe nî Kristû nîacûkangagua nîûndû wa “Ûmenyi” ûcio wenyu.

1Pet 5:2

mûrîthagie ndîthia îrîa Ngai aamûvere. Rûmenyagîrîreni mûrî na wendi na tî ûndû wa kûringîrîrua. Ûguo nîguo Ngai endaga mwîke. Rutagani wîra wenyu mûrî na wendi ûrîa wa ma wa gûtungata na tî ûndû wa kwenda mbeca.

1Sam 9:7

Nake Saûlo nîwaûririe ndungata îo yake atîrî, “Nwatî ethîrwa nîtûkûthiî kûrî mûndû ûcio-rî, nîtûmûvirîra ndûî? Gûtirî na irio ndigaru ciondorî cietû, na tûtirî wanarî kîndû tûngîmûvirîra.”