Ezek 13:18 - ÎVUKU RÎA ÛVORO MWARO

¹⁸ na ûmere Ngai-Mûnene augîte atî, ‘Mûrî na thîna, mue aka arîa mûtumaga ithitû cia kwîyova njara nî andû onthe na itambaa cia andû a mîthemba yonthe, araca wana arîa akuvî cia gwîkunîka ciongo nîguo mûvote kûnyitithia mîoyo ya andû. Anga nîkûvîta mûvîtaga mîoyo ya andû akwa nîguo mwîvonokie mue ene?

Ezek 13:18 ပူးပေါင်းရင်းမြစ်များ

Nthi 6:26

Mûmaraa nwa arîvwe na thogora wa thaani ya irio, nwatî kûtharia na mûndûmûka wene, gûtûmaga mûndû aûrwe nî indo ciake cionthe.

Jeremia 4:10

Nînacokire ngiuga atîrî, “We Ngai-Mûnene, nama nîûveenetie andû a Jerusalemu viû na ûkaamera atî maûndû mao nîmakwîthîrwa marî maro, nwatî vîndî îo nîrîo marî ûgwatirî mûnene.”

Jeremia 6:14

Mavonagia ironda cia andû akwa îgûrû, makiugaga atî: ‘Kûrî na thayû, kûrî na thayû,’ wa rîrîa gûtarî thayû.

Ezek 13:10

“Arathi acio nîmavîtithîtie andû akwa makîmeeraga atî kûrî na thayû wa rîrîa gûtarî thayû. Andû akwa matumîte rûthingo na mathiga matarî manyitanu nao arathi makarûvaka rangi ûyû mûcerû.

Ezek 13:16

na arathi a Isiraeli arîa moonaga kîoneki atî Jerusalemu kûrî na thayû na gûtiarî na thayû.” Nie Ngai-Mûnene nînie mbugîte ûguo.

Ezek 13:20

Kwoguo Ngai-Mûnene augîte atîrî, “Nîndeganîte na ithitû icio mwîkagîra andû nîguo mûmagwatithie. Nîngûitucanga ciume njararî cienyu na ndekererie mîoyo îrîa mûranyitithîtie îgûrûke ta iconi.

Ezek 13:21

Wana nîngatembûranga itambaa cia gwîkunîkîra, na mvonokie andû akwa kuuma njararî cienyu na matigacoka gûtuîka ta nyamû cia kûguîmwa nîmue rîngî na nîmûkaamenya atî, nie nînie Ngai-Mûnene.

Ezek 22:25

Atongoria enyu mekariî ta mûnyambû ûkûrarama ûgîtambururanga nyamû îrîa ûragîte. Maûragaga andû na makamacuna indo ciao cia goro, na nîmatûmîte aka eengî matuîka a ndigwa.

Aefeso 4:14

Tûtigaacoka gûtuîka ta ciana irîa cikanagua na mbere na igaikanua na vuva na ikaveenererua nî arimû a maveeni a mîthemba yonthe. Acio nîo mavîtithagia andû arîa engî nîûndû wa mawara marîa matungîte.

2Tim 4:3

Mavinda nîmagaûka rîrîa andû makaarega kûthomithua maûndû marîa magîrîrîte. Nwatî nîmakeyûnganîria arimû ao kûringana na merirîria mao. Arimû acio nîmakaamakenia, nîûndû makaaragia maûndû marîa matû mao mendete kwîgua.

2Pet 2:14

Matiendaga kûroria kîndû kîngî tiga aka maraa. Vîndî cionthe meriragîria gwîka mevia. Magucagîrîria andû arîa marî ngoro mvûthû mûtegorî. Ngoro ciao ciîthagîrwa imenyeretue ûkoroku. Andû acio nîagwate nî kîrumi Kîam Ngai.