Ezek 13:14 - ÎVUKU RÎA ÛVORO MWARO

¹⁴ Nîngoomomora viû rûthingo rûu mwavakire rangi mûcerû, nîguo mathiga ma ruo ma mûcingi matigwe marî ûtherirî. Rûthingo rûu rwagwa, nîrûkamûraga muonthe, na andû onthe nîmakaamenya atî nie, nînie Ngai-Mûnene.

Ezek 13:14 ပူးပေါင်းရင်းမြစ်များ

Thaburi 11:3

Rîrîa mîcingi ya andû yacûkangua, mûndû ûrîa mûthingu angîka atîa?”

Mûvunjia 3:3

Kavinda ga kûûraga na kavinda ga kûvonia, kavinda ga kwomomora na kavinda ga gûtuma.

Isaia 28:17

Ngaatûmîra kîvooto kîrî kîthimi gîakwa, naguo ûthingu ûrî ta kavirû.” Mbura ya mbembe nîkaavata maveeni monthe, namo manjî macûkangie ûgitîri wenyu.

Isaia 30:13

kwoguo mevia nîmamûretera mûthiro, ta mwatûka wa rûthingo rûraca na îgûrû, rûkaagwa wa rîmwe.

Jeremia 14:15

Kwoguo, nie Ngai-Mûnene nîngûmwîra ûrîa ngwîka arathi aya. Nie ndiamatûma, nwatî methîrîtwe makîaria maûndû mambîgiî, makiugaga atî mbaara, na yûra itingîtharîkîra vûrûri ûyû: nîngaathiria arathi aya na njîra ya mbaara na yûra.

Jeremia 23:15

Kwoguo, ûvoro wîgiî arîthi acio Ngai-Mûnene arauga atîrî: “Nîngûmava kîndû kîrûrû ta nyongo, na nîmakundie manjî marî na ûrogi manyue. Nîûndû kuuma kûrî arathi a Jerusalemu, kûregana na Ngai gûtambîte vûrûrirî wonthe.”

Jeremia 6:15

O nîmaaconokire rîrîa mekire maûndû marîa marî magigi? Narî matiaconoka wanarî vanini, na mationa ûndû ûngîtûma megua nthoni. Kwoguo makaagwa ta ûrîa arîa engî magûcaga, vîndî îrîa ngamaverithia, ûcio ûkethîrwa ûrî mûthiia wao. Ûguo nîguo nie Ngai-Mûnene nauga.”

Jeremia 8:12

Nîmaaconokire rîrîa mekire maûndû marî mûgiro? Naarî mûtiaconoka wanarî vanini, kana megua nthoni, kwoguo makaagwa wata ûrîa acio engî maagwîre, rîrîa ngaamaverithia nîmakaathira.” Ûguo nîguo Ngai-Mûnene arauga.

Ezek 13:15

“Ûguo nîguo ngaathiria marakara makwa na rûthingo rûu, na kûrî arathi arîa maarûvakire rangi mûcerû. Nîngaacoka nîmwîre atî rûthingo nîrûgwîu wa vamwe na andû arîa maarûvakire rangi mûcerû,

Ezek 13:21

Wana nîngatembûranga itambaa cia gwîkunîkîra, na mvonokie andû akwa kuuma njararî cienyu na matigacoka gûtuîka ta nyamû cia kûguîmwa nîmue rîngî na nîmûkaamenya atî, nie nînie Ngai-Mûnene.

Ezek 13:23

Kwoguo, mue mûtigaacoka kwona cioneki icio cia maveeni rîngî kana mûragûria. Nîngaavonokia andû akwa kuuma kûrî mue, na nîmûkaamenya atî, nie nînie Ngai-Mûnene.”

Ezek 13:9

Nîngaaverithia arathi arîa monaga cioneki itarî cia ma na marathaga maûndû ma maveeni. Matikethîrwa marî a gîkundi Kîam andû akwa vîndî îrîa makagomana gûtua ciira, kana mûtaranîrue na andû a Isiraeli. Matigaatonya vûrûrirî wa Isiraeli, na nîmakaamenya atî, nie nînie Ngai-Mûnene.

Ezek 14:8

Nîngaaregana nake na ndûme atuîke ûndû wa kwaragua na atuîke rûûri kûrî andû. Nîngaacoka nîmûrute gatagatî ka andû akwa; namue nîmûkaamenya atî, nie nînie Ngai-Mûnene.

Mika 1:6

Kwoguo, Ngai-Mûnene augîte atîrî, “Nîngaatûma Samaria gûtuîke kîrûndo Kîam mathiga werûrî, kûndû gwa kûvandwa mîthavibu. Mathiga marîa magûtumîte nîngaamaikia Kîamndarî, na nthikûrie mîcingi ya kuo.

Habakuku 3:13

Nîwaumire ûkîthiî kûvonokia andû aku, ûkîthiî kûvonokia mûthamaki rûrîa wathuurîte. Nîwakinyangire mûtongoria wa andû arîa aganu, na ûkîthiria arûmîrîri ake onthe.

Luka 6:49

Nwatî mûndû wa wonthe ûrîa wîgucaga ciugo ciakwa na akarega gûciathîkîra ekariî ta mûndû ûrîa watumire nyomba atambîte kûthondeka mûcingi. Vîndî îrîa rûnjî rwaunire na manjî maruo makîringa nyomba îo na vinya, nyomba îo nîyomomokire wa rîmwe. Nyomba îo nîyomomokire na vinya îkîvaragana.”